لا تستفزي رجولتي كي لا ابعثر انوثتك

بارت 17

ناصر:بامكانك تمشي..ونتشاوفو غدا
كانت باغة تمشي كتحس براسها غطرطق باغة تغوت..باغة تهرس..باغة تنتف راسها..باغة تبرد داك لحرقة لي فقلبها ..حطات يديها على قلبها وزيراااات كتحس بيه كيتقطع وتقادا جهدهااا..كل ما كتسترجع صورتو وهو شاد ليها فيديها ولخواتم فيديهم كتبغي تمووت ..عرفات راسها شحال هبيلة فاش كان عندها امل تولي تشوفو .وهو ناسيها.دخلات لبيت لقاتهم مزال جلسين كيتسناوها..وقفات كتشوف فيهم واحد بواحد ولهضرة دناصر مزال كتسمعها فونيهاا...ماكتسواي والو...كنتي مجرد وسيلة ميتسلا بيها..نتي ماشي ديال الزوااج..موسخة
ماحسااتش براسها تاطلقاات صرخة من اعمااق قلبها على حر جهدهاا..هزات لكباري كاامل ....صرخة كانت كاتماها هذاا شحال ودابة جا لوقت فين تنفاجر ..بتلاتة قفزو من صراخها..بغات كتغوت تا خرجو عروقهاا وحمارو عينيهااا...لي لقاتها حداها كتشخشخهاا وهي كتقول علااااش بصوت مخنووق ومرتاافع..ضربات يديها مع الزاج وماحساتش هند ناضت شداتها باش تهدن ولكن تنترات منها وبدات كتنتف فشعرها وضرب فوجها وهي كتبكي وتغوت هند عنقاتها بالجهد وجلسات هي وياها فوق النموسية
طاهرة وهي كتبكي:تزززززززززوج...كان كيضحك علياااات....انا رخيييصة
وعلات راسها وهي كتشوف فهيند وغوتات ليها فوجها:أنا رخييييصة...هدشي كااامل لي داز عليا فحيااتي..وطلعت رخييصة..ناصر عندوو لحق
وناضت كتغوت

ناصر كان خارج وهو يسمع غواتها بغا يكمل طريقو ولكن ماقدش قلب الدورة ومشا نيشان عندهاا
كانت كتبكي وهي مغطية وجها بيديها وجالسة فلارض..هو حل لباب ودخل غير شافوه قفزو من بلاصتهم..شاف فيها وفحالتها كيف دايرة ..دار ليهم اشارة باش يخرجو..نسااحبو بهدوء وحدة مور وحدة وخرجو وشدو لباب بقا واقف شحال كيشوف فيها وهي كتبكي قرب ونزل لعندها وحط يديه على كتافها علات راسها وشافت فيه ونطقات بصوت باكي طااب بلبكة عيى من لحكرة:أناا رخيصة ياك
كان غي ساكت وكيشوف فيها وفعنيعا ولاو جمرة بلبكا
طاهرة شداتو من لكول وهي كتبكي:والله مارخيصة..والله حتة كنت غادة معاه من نيتي..بغيتو من قلبي...عمري درت شي حاجة خايبة..لاش كضلمووني شنو درت ليكم
وحطات راسها على صدرو:شنوو درت ليكم
جرها لعندو وعنقها هي دفنات راسها فصدرو وهي كتبكي بحرقة شوية تقطع ليها لحس زعزعها لقاها سخفانة هز راسها بين يديه وبعد شعرها على وجها كانت عرقانة..ويديها كتسيل بدم وكترجف وعروقها باينين نتيجة لاعصاب هزها بين يديه وتم خارج بيها داز من حداهم
روبي:فين غادي بيها
ماجاوبهاش
هند وهي كتبكي :عفاك ما تأديهاش..
شاف فيها:تبعيني
هند تبعاتو كتجري ركب طاهرة اللور وركبات حداها ركب تاهو وكسيرا بالجهد
كان سايق بالجهد ..ماعارفش فين ايديها ..لا مشات لسبيطار..يقدرو يعرفوها لبوليس..تنهد.مشا لاباغطومو ديالو...جاية وسط لمدينة..مدة قصيرة وهو يوقف حدا الدار..هند علات عنيها كشتوف فالدار..هي نفسها لي كان جابها ليها هذا شحال..جاو لحراس حلو ليهم لباب..نزل ومشا نيشان..لجيهتها هزها وتم داخل وهند تابعاه..ركبو فالمصعد.تاحبس فيهم فليطاج لي فيه دارو.هند دقات فلباب وحلات ليهم لخدامة..دخل طايرة..نيشان لبيت نعاس حطها ..وجبد طليفونو دوز النمرة لواحد.طبيبة..داز الوقت..حتى كانت عندهم..دخلات وبدات كتفحصها..عقمات ليها لجرح ولوات عليه فاصمة..
الطبيبة:السخفة..كانت بسباب انهيار عصبي..باينة كتعاني من شي مشكل..المهم ضربت ليها شوكة دلمهدئ ..غدا فصباح ان شاء الله تفيق بخير..مامحتاجا لتاشي دوة..من غير هاد لبوماضة لجرحة..كتبتها ليك فهاد لورقة
خدا منها لورقة وعطاها لحاريس باش يجيبها..وطبيبة مشات بحالها
ناصر وعنيه على طاهرة:خليك معاها هنا مشيت
هزات راسها باه..وخرج..مشا بحالو ركب فطوموبيلتو..نيشان لدارو