لا تستفزي رجولتي كي لا ابعثر انوثتك

بارت 11

جنات علات فيها عنيها وهي كتأكد من شوفاتها بتاسمات ليها تاهي فاش حسات بيها مبتاسمة ليها من قلبها:نعام اختي

طاهرة:سمحيلي تلاهيت ..لاباس عليك

جنات حشمانة:الحمد الله

طاهرة:كي غادة مع الزواج

جنات بلعات ريقها:مزيان

طاهرة:الله يكمل بلخير

جنات:شكرا عقبا ليك تانتي

طاهرة نزلات عليها هاد الكلمة كي ساعقة..تلفاتها مالقات باش تجاوبها..عنيها غرغرو بالدموع..فكراتها فبزاف دلحوايج خايبين..وانها ماصالحة لوالو..شمن عقباليك..وشمن زواج..كتافات بالصمت..روبي حسات بيها..فالحقيقة كلشي شاف فيها وفردة فعلها..حسات بنضراتهم كتحرق فيها..مابغاتش تحط فهاد الموقف..مابغاتش تشوف فعنيهم..ولكن ماقدراتش عنيها مشات نيشان لامين..كيشوف فيها بحسرة..حدرات عنيها وهزات كاس وبدات كتشرب بهدوء

بقاو شحال جالسين

أحمد:نوضو حنا نمشيو

لارا:بابي ماهضرتيش فداكشي لي قلتي

احمد رجع جلس وهو كيشوف فناصر:ناصر واقلة خاص نحددو موعد العرس

ناصر شاف فيه:باقي لحال على هاد الهضرة..ملي غنلقا الوقت المناسيب غندوي معاك فهاد الموضوع

احمد شاف فلارا بمعنى واش سمعتي

لارا قربات عند ناصر:المهيم انك اتولي راجلي

وهزات يديه وباستها:انا صابرة ولي قلتيها كنديرها..ومخلياك على راحتك..

وقربات لودنيه وهمسات ليه بصوت كيسمعو غير هو:غير عنداك تخليني شي نهار

وشافت فيه وبصوت مسموع:كنبغيك

حط يديه على وجها وبعد خصلو من شعرها ورجعها اللور:انا عند كلمتي

بتاسمات ليه ورجعات باست يديه :الله يخليك ليا

أحمد:وانوضي نمشيو

باستو من وجهو:نوض وصل معانا لطوموبيل عفاك

دار ليها خاطرها وناض وتم غادي معاها ويديه فيديها

عماد مشا عند طاهرة:لا حتاجيتي شي حاجة ها نمرتي

وحبد كارط فيزيت ديالو ومدها ليها:ماتردديش لا حتاجيتيني اتلقايني ديما معاك

طاهرة وقفات وعنقاتو:شكرا

عماد عنقها تاهو:ماكاين لاش تشكريني راني خوك دابة..غير ماتبقايش هكا

بعدات وشافت فيه:ان شاء الله

شاف فروبي:نوصلك فطريقي ولا شنو

روبي وهي كتسوط الدخان:غير سير جبت طوموبيلتي.انبقا مزال هنا

عماد وهو غادي:ماتقليش فتجغام..قبل دخلي فشي حيط