لا تستفزي رجولتي كي لا ابعثر انوثتك

بارت 10

ومعلقين تصاور مغنيات ومغنيين وعاد تلفازة بلازمة كبيرة معلقة فالحيط..لبنات غير شافهم وقفو وتجمعو عليهم:ختي روبي على سلامة غبرتي علينا ليوم...شكون هدي
كلشي كيسول على شكون هي طاهرة
روبي:هدي صوفيا لبنت جديدة لي اتخدم هناا..كمغنية..شوفو ديرو ليها بلاصة..وعطيوها شي حوايج تدخل دوش وخليوها ترتاح.باش غدا تبدا خدمتها
شافت فالطاهرة:هنا مشيت..ومانبغيش ااصدااع
هزو راسهم كاملات باه وخرجات وشدات لباب
ولبنات ضارو بطاهرة شدو ليها فيديها وجلسوها فوق النموسية:هنا اتبداي تنعسي
لبنت تانية:جيبيها حدااية شوفي اصوفيا هديك فيها لهضرة بزاف ما اتخليكش تنعسي اجي حدايا
بقات كل وحدة باغاها تجي حداها
طاهرة صدعوها ناضت:بغيت غير نرتاح عيانة
ناضت وحدة فيهم جابت ليها حوايج وفوطة:دخلي را لحمام دوشي وخرجي تنعسي..ختاري لبلاصة لي بغيتي
طاهرة:شكراا
خدات داكشي ودخلات دوشات بشوية على الجرحة وخرجات مشات لاقرب بلاصة وتلاحت نعسات فيها

وحدة من لبنات:انبقاو نعيطو ليك صووفي...صراحة نتي زوينة بزاف
البنات كلهم:ااه بصاااح
وبقاو كيضحكو بتاسمات ليهم ونعسات كانت عيانة بزااف

عند ليلى

كان جالس حداها ويديه فيديها كيتأمل فوجها وكيتسناها تفيق بفارغ الصبر ...شوية حس بيها بدات كتحرك يديها ووجها عليه علامة انها بدات كتفيق بقا حاضيها وهي كتستاعد تفيق وشوية بشوية حلات عويناتها اول حاجة شافت فالسقف باغة تستوعب هي فين ..عاد دورات وجها لجيتوو تصدمات حساب ليها غير كتحلم مامتيقاش راه حداها وشاد ليها فيديها زيرات ليه على يديه وبداو ينزلو دموعها:عمااد جيتي
عماد بتاسم وهو كيبوس ليها يديها:جيت وعمري نولي نخليك
ليلى بلعات ريقها وهي كنفكر شنو واقع وقلبها بدا يضرب فل100 بجهد شافت فيه تفكرات كلشيي خيانتو ليها سمح فيها...تا وقفات عند ولدها...حطات يديها على كرشها وشافت فيه وهي خايفة وكتهضر بصوت كيرجف ودموع فعنيها:عماا..د ولدي
غمض عنيه ماعارفش كي غا يقولها ليها بدات تخاف زادت زيرات ليه على يديه وهي كتهضر بترجي:عماااد ولدي ماوقع ليه وااالو مزال فكرشي يااااك
ماجاوبهاش غير سااااكت ناضت جالسة وهي كتبكي:جااااوبني عفاااك
عماد:ختداص ترتااحي ماشي وقت هاد لهضرة
تنترات منو:لااا قووولي شنو واقع عماد سكت شحال ورجع شاف فيها تنهد:كان مكتاب ليه يمشي من هاد الدنياا
قاطعااتو بصرخة زنزلات الصبيطاار غوتات من كل قلبها وهي كضرب فوجهااا:لاااااااااااا لاااااا لاااااااا
تخلع عليها ناض كيهدنهااا وهي كتنتر منو حيدات سيرووم تا سال الدم:بببعد منييي كنكرهك..بسباااابك ولدي مااات خررج عليااااا..كنكرهك...مابغيتش نشووفك
كانت كتهصدضر وضرب ليه فصدرو وهو كيحاول يهدنهااا مالقا مايقووول مالقا مايدير من غير قلبو لي كيتقطع من لدااخل
ليلى كتفكر وتغوت وضرب فيه وهي كتبكي وتشهق:خرررج علياااا ..مابغيتش نشووفك
جاو الممرضات كيجريو دخلو شافت فيهم:عفااكم قوولو يمشي مابغيتش نشووووفو خرجوووه عليا
الممرضة:سمحلي اسيدي خاص تخرج راك شتي حالتها كيف دايرة
وقف وبعد عليها وهي مزال كتشوف فيه وكتبكي وكتقولو خرج عليا..كنكرهك..هاد لكلمات لي كتررد
قربات الممرضة وضربات ليها شوكة دلمهدئ وتكاتها فبلاصتها ليلى بدات كترخا وعنيها على عماد كتقول ليه كنكرهك تا غفات وغمضات عنيها..رجعو علقو ليها سيروم وغطاوها وخرجو
عماد بقا واقف حدا لباب مصدوووم ماتوقعش تكون ردة فعلها هكاا عرفها قلبها طاايب بزااف تنهد جلس فوق الكرسي اونفاص مع لباب دلغرفة ديالهااا مزال كلماتها كيترددوو فدماغو...كنكرهك..كنكرهك...مسح على رااسو وهو معصب كيغلي من لدااخل ...على راسو وتكا على لحيط وهو كيفكر شنو غيدير معاها..واعد راسو باش يعوضها وعمرو يولي يقلقها منوو...