لا تستفزي رجولتي كي لا ابعثر انوثتك

بارت 12

عماد:ويااه اليوم لعصا لمن عصا ههه زيدي نزلو نشوفو شغا يدير

نزلو وهوما كيضحكو سمعو غواتو من باب الدار.

عماد:سمعي عنداك الضحكي

ليلى:ههههه لا

عماد:ليلى كنهضر معاك

ليلى:صافي واخة

دخلو وهوما كيشوفوه كيغوت على مو

ناصر:سمعيني مزياان لا كنت انبقا نخرجك معايا باش دريني ضحكة قدام الناس جلسي فبلاصتك ماعندي ماندير بيك

طاهرة الام:راه ماقصدت والو.

غوت ليها فوجها:كيييفاش ونتي نسيتي راسك فالهضرة معاه

طاهرة الام بلعات ريقها:صافي اولدي مايكون غا خاطرك

طاهرة شداتو من يديه:صافي يلاه ترتاح.هي ماقصداتش

ناصر خنزر فيها وهو عاض على سنانو:.نتي ماشي سوقك

بلعات ريقها وسكتات

ناصر شاف فمو لي بداو ينزلو دموعها تنهد :لي مالقات مادير كتبدا تبكي

وقلب الدورة وطلع البيت طاهرة جلسات حداها وشدات ليها فيديها:ماديريش فبالك هو طبعو هكا مع كلشي

طاهرة الام وهي كتمسح فدموعها:اصلا ما كانش عليا نمشي.ايبقا ديما واخد عليا ديك النضرة

ليلى جلسات حداها من الجيهة لوخرا:مع الوقت غينسا

طاهرة الام:ماكنضنش ينسى

طاهرة:نوضي دابة ترتاحي ماتفكريش فهادشي

ناضت وطلعات لبيت ترتاح

طاهرة جلسات فوق الفطوي شداها الدوخة والردة

ليلى:شتك ماشي هي هديك

طاهرة؛راكي عارفة ..معاونيني غير دوك لفتامنات وما كوراني ما كانوضش من لفراش

عماد؛تصبحو على خير نمشي نعس

وطلع ينعس

شوية دخل ياسين والحاجة

طاهرة:مالكم تعطلتو

الحاجة:نزلنا قدام لبحر ودوينا شوية

طاهرة:اه ايوا مزيان

يياسين:الوليدة براكة عليه خاص تنعسي

الحاجة:واخة اولدي تصبحو على خير

ليلى وطاهرة:تصبحي على خير

طلع هو ومو ينعسو بقات ليلى وطاهرة

ليل؛ونتي ماغاتنعسيش

طاهرة؛غيكون شاعل غيشعل عليا تا انا مافيا لي يسمع شي غوات

ليلى:ومالك اتبقاي هنا

طاهرة تكات فوق الفطوي:شوية وغنطلع..سيري نتي تنعسي