لا تستفزي رجولتي كي لا ابعثر انوثتك

بارت 42

لارا:شكون نتي اصلا لي كتهضري وحدة مسخة ماعرفتش منين جاية حساب ليك ماعارفاش شكون نتي راني سمعت هضرتك نتي وياه.تقحبنتي تا عييتي عاد تفكرتي ولدك اطماعة .

طاهرة بقات كتشوف فيها هضرتها لعبات ليها على لاعصاب جراتها من شعرها وهبطاتها لعندها :كتصنتي علينا اللفعة .عرفتي ووليتي قلتي بحال هاد لهضرة نفرشخ بنتي مزيان

لارا كتحس بشعرها غيتقطع:رخي مني

ياسين كان هابط فالدروج وهو يشوفهم مشادين مشا طاير باش يفكها

باسين:شهاد الحالة دايرين..رخي منها الله يهديك

طاهرة رخات منها:ماعرفتش ولدي فين كان دماغو فاش ختارك يتزوج بيك لا علاقة مع زواج بحالك غير ديال الصقل

لارا كتقاد فشعرها:اخر مرة تولي تمدي يديك عليا

طاهرة وقفات وقربات لعندها:شغا ديري كاع

لارا خايفة منها رجعات اللور وتخبات مور ضهر ياسين:انقولها لبابي وناصر

طاهرة عيات صابرة وهي طلقها بضحكة:هههههههه الله ياربي على صفريطة سيري رجعي عند بابي ديالك وتكمشي حداه اما ناصر ماكنضنش غيصبر على فشوشك غيشبع فمك عصى

ياسين كتم ضحكتو كيشوف هاد لارا بحال شي بنت صغيرة بلفشوش ديالها

لارا:هماجية

طاهرة:سيري من قدامي حسن ماغانهرس ليك داك الفم

لارا قلبات الدورة وطلعات لبيتها

ياسين:ماتديش عليها

طاهرة:هدي راها واحد اللفعة اولدي ماخاصش بنادم يسكت ليها .قدي قد مها وكضسر عليا

ياسين:الله يهديها

طاهرة تنهدات:ايوا سلاك اولدي.

ياسين قلب الدورة وخرج من دار

طاهرة يلاه اتجلس وهي تسمع لجرس دلباب بغات تمشي هي تحل لباب قالت مع راسها ايكون غير ياسين نسا شي حاجة..حلات لباب وهي تشوف راجل فالخمسينات من عمرو واقف بكامل أناقتو ويديه فججيابو بقات كتشوف فيه وتا هو كيشوف فيها

كان أحمد طلعها وهبطها مزيان واخة كبيرة فالسن مزال شادة فراسها جسمها متكامل ومقاد لا كرش لا والو شعرها كحل بزاف ونازل على كتافها

طاهرة :احم شكون نت

أحمد وعنيه مانزلوش عليها:انا احمد

طاهرة:أحمد شكون

أحمد بتاسم:نتي اتكوني الام دناصر ياك

هزات راسها باه.

احمد:تقدري تقولي انا بحال الاب ديالو وغنوليو نساب ان شاء الله

طاهرة:اه نت هو بات لارا

احمد:اه..انبقا واقف فلباب

طاهرة رجعات اللور وخلاتو يدخل شدات لباب وشافتو وهو غادي بخطوات واتقة تا ووقف وسط الصالة ودار شاف فيها:ماكاينش ناصر