لا تستفزي رجولتي كي لا ابعثر انوثتك

بارت 13

طاهرة الام شدات ليها فيديها:سمعيني ابنتي عفاك هو ماغايموتش وماغا يدخلش الحبس ماديريش هاد الحالة فراسك

طاهرة كتشوف مع جنابها:انا غنمشي من لهناا مانقدش نشوفو كيموت قدامي..ماغنستحملش نبقا فهاد الدار بلا بيه

وتمات غادة جيهت لباب حلاتو وخرجات كتبكي

طاهرة الام:راها خرجات تبعها

ناصر غير واقف ماكانش باغيها تعرف.. هدشي مناش كان هارب شاف فمو وغوت ليها فوجها:نتييي سبااب علاش ديما كدخلي فشي حاجة ماسوقكش فيهاا

طاهرة الام قفزات فاش غوت نزلو دموعها :ماكانش يحسابلي غتسمع انا ماقصدت والو

ناصر:حيااتي مادخليش فيها سمعتيني

هزات راسها باه وهي كتبكي

وقلب الدورة وخرج من الدار شاف الحراس واقفين ليها فطريق مامخلينهاش تخرج

طاهرة وهي كتبكي وتغوت:قلت ليك حيد من طريييقي بغيت نمشي بحاااالي

واحد من الرجال:مايمكنش الالة سي الزعيم ماغايبغيش

ناصر دار ليه اشارة باش يخليوها الدوز

طاهرة شافت فيه بعنيها الدامعين وكملات طريقها ببجامتها وصندالة ديال دار فرجليها

بقة تابعها وهو كيشوفها كتمشى قدامو..وكيسمع صوت بكاها ماباغيش يضغط عليها

طاهرة حسات بيه موراها ضارت لجيهتو وهي كتبكي:لاش تابعنييي بعد منيي سير موووت بوحدك

ناصر كيقرب ليها بلا تاشي كلمة وهي راجعة باللور:قلت لييك غنمشي بحاالي لاش تابعنيي

ناصر وقف اونفاص معاها وهو كيتأمل وجها وعويناتها لي ولاو حومر بلبكا شدها من دراعها وهي كتحاول تنتر منو وتغوت:ماااتقيسنيييييش رخي مني غنمشييي بحالي من لهنا ..مانقدشش نزيد نتعدب فحياتي كتر من هكاا.لا بقيت هنا غنمووت

جرها لعندو وعنقها بالسيف عليها وهي كتحاول تبعد عليه وضرب ليه فصدرو.بقات هكاك تا رتخات وحطات راسها على صدرو وهي كتبكي..وتهضر بصوت باكي:غتموت وتخليني..علاش باغي تعدبني

ناصر كان كيمسح ليها على شعرها بشوية :صافي ماتبكيش

علات راسها وشافت فيه كترجاه بعويناتها :لا متي انا شغا يوقع فيا

مسح ليها دموعها:ماغانموتش ماتخافيش

طاهرة جات تهضر وهي تشدها الدوخة حطات يديها على راسها وهي كتشوف الدنيا ضبابة قدامها ترخات حتى كتحس بيه شدها

ناصر هزها بين يديه وتم داخل بيها لدار:طاهرة باش كتحسي

حلات عنيها بشوية والدموع نازلين من عنيها:مابغيتكش تموت أناصر