لا تستفزي رجولتي كي لا ابعثر انوثتك

بارت 28

الممرضة:صحتهم هي هديك الحمد الله..ولكن كتبقا فالعناية والمراقبة ..خاصهم عناية خاصة خصوصا انهم ولاد سبع شهور..

طاهرة:واش خاص يبقاو فطبيب تا يكملو سبع شهور حيت انا بصراحة ماكانحملش اجواء سبيطارات..

الممرضة:ماشي بضاروري..بامكانك تديهم معاك لدار ولكن ..خاص غير نتي لي تكلفي بيهم ..حيت النفس دبنادم تقدر تأتر عليهم وهوما باقين صغار...خاص يبقاو بعاد على لبرد..وروائح بانواعها حتى ريحة مواد التنضيف..الغرفة لي ايكونو فيها خاص تكون معقمة ..وماتكتريش عليهم ليدين غير نتي بلكفاية..الام ماعندها باش تأديهم..وحاجة حدا خرا..الرئة ديالهم عندها علاج عبارة عن دوة كتشربيه نتي كيمشي مع الدم ديالك وكينتاقل للحليب لي فصدرك..وهوما كيرضعوه.وعاد فيطامينات وشي دوايات اياخدهم مباشرة ..هدشي كامل باش يكمل النمو ديال الرئة ديالهم .ويكونو فصحة مزيانة

طاهرة:واخة

الممرضة:انا غنوصي للمرضة لي معاك فدار هي غتكلف وتقولك كي تصرفي .والطبيبة دابة تزيد تعطيك معلومات كتر

الطاهرة كتشوف فيهم:واخة ان شاء الله.وفو قاش يقدر نخرج

الممرضة:صحتك مزيانة يمكلك من غدا تخرجي وتكملي العلاج فدار مع شوية دراحة اتولي مزيان

طاهرة هزات راسها بواخة

الممرضة:يلاه نرجعو للشومبر ترتاحي شوية

طاهرة ماساخياش :غيير شوية ونمشيو.

الممرضة بتاسمات وهي كتشوف ففيها..بقات شحال معاهم تانعسو بتلاتة ورجعات للشومبر ديالها تكات .هزات طليفونها مالقات تاشي ابل من عندو جاتها غريبة..عارفها ولدات المفروض يعيط ويشوفها كيبقات ويكون عندو فضول يشوف ولادو ..وهو كيوصيها ماتعيكلوش تايعيط ليها هو ..تنهدات ماقدراتش تصبر دوزات نمرتو ..لقاتو طافي قلبها تقبض عليها رجعات ضونات نفس الشي طافي ..حطات طليفون وهي كتقول ماواقع والو ايكون مشغول ولا شي حاجة شافت لباب تحلات بتاسمات وهي كتشوفها داخلة:رووبي

روبي بتاسمات :على سلامتك

وقربات وسلمات عليها:مبروك عليك

طاهرة:الله يبارك فيك

روبي:قالو ليا ولدتي فطوموبيل

طاهرة تفكرات شنو داز عليها ولكن بتاسمات فاش تفكرات وليداتها:وياه

روبي:راسك راس لمحاين ازغبية..ولكن الحمد الله كلشي داز على خير

طاهرة :الحمد الله

روبي:دزت شفتهم من زاج ..سبحان الله ماتقوليش كانو بتلاتة فكرشك،كيحمقو تبارك الله

طاهرة:لعقبالك تانتي بشي تلاتة

روبي غوبشات

طاهرة:كيبقيتي مع سي لكوميسير

روبي:يحمد الله ملي مزال ماقتلتو