لا تستفزي رجولتي كي لا ابعثر انوثتك

بارت 5

بلع ريقور ودوز يديه على راسو..بقة شحال واقف كيفكر فشي حل ولكن واالو ..خرج من المكتب ومشا لمكتب اخور دق لباب ودخل لقا المكتب عامر برجال الشرطة

رئيس الشرطة:الكوميسير كمال ماعندناش الوقت جانا خبر ان ياسين وصل للمغرب

كمال تلف:ك..يفاش عرفتوها

الرئيس:تاصلو بينا من الشرطة الامريكية ..وصلو ليهم لخبار من مطار السعودية..امريكا مانساتش التفجيرات لي وقعو هادي 6سنين..كان عندهم اتصال مع جميع المطارات في حالة ايلا عرفو شي حاجة. المهم وجدو راسكم يقدر يكوون جاي باش يفجر شي بلاصة..ديرو احتياط

كمال:عفاك بغيت نهضر معاك على انفراد

الرئيس:ماشي وقت هاد الهضرة

كمال:ماغاناخدش منك بزاف دلوقت

الرئيس:واخة

كمال:اجي معايا للمكتب ديالي

مشاو للمكتب. كمال كان حاسب حساب هاد النهار..حل الخزنة ديالو جبد شي وراق مهمين. :تفضل جلس

الرئيس جلس وكمال مد ليه لوراق :ياسين ماشي ارهابي هو ضحية من ضحايا العنف الامريكي .تعرض للتعديب هو وعائلتو بأشد الطرق .بالضلم .فهاد التعديب الاب والاخ ديالو تقتلو ماستحملوش التعديب.ومرات خوه تعردات للاغتصاب من قبل الشرطة الامريكية والتعديب شي لي خلاها تحماق وماتت هدي عماين.المهم قرا كلشي راه تماك

الرئيس كان كيقرا داكشي ..تا سلا بلقراية وشاف فكمال:وشكون عطاك هدشي

كمال تفكر فاش ناصر عطاه هاد لوراق ..كان خلاهم ليه ياسين كدليل على هضرتو:صيفطهم لي مجهول..شوف اسيدي انا عارف تاهو دار غلاط كبير فاش قرر ينتاقم بيديه ولكن امريكا هي السبب الرئيسي فهاد الكره لي كبر فقلبو ..مابغيتش نزيدو نضلموه خاص نتفهمو الموقف ديالو ..والدولة تعطي لهاد الموضوع وقت واهمية راه كاينين بزاف دضحاية من غير ياسين

الرئيس بقة كيفكر

كمال كمل هضرتو:هو ضاروري يتعاقب ولكن عقاب يكون بعيد على الاعدام مايستاهلش

الرئيس وقف:خلينا دابة نمشيو فالمطار راه كاينة تا الشرطة الامريكية مسلحين خاص نوصلو قبل يديرو شي حاجة ماشي هي هديك

كمال ناض تسلح وتبع الرئيس لي هاز لوراق فيديه ..خرجو لعلى برة فين واقفين بزاف دطوموبيلات دلبوليس ..تحركو نيشان للمطار

في المطار

نزلو من طيارة فتشوهم وتأكدو من لوراق ياسين كان كيشوف فكل بلاصة ملاحض شي تحركات ماشي هوما هادوك..هاد الهدوء مامريحوش..شاف فلارا كي مبتاسمة وفرحانة اتشوف باها مابغاش يخصر ليها فرحتها..كملو طريقهم. شد ليها فيديها:لارا

شافت فيه:نعام

ياسين:عارفة شحال كنبغيك ياكي

هزات راسها باه:اه وتا انا كنبغيك