لا تستفزي رجولتي كي لا ابعثر انوثتك

بارت 10

وركب فطوموبيلتو وكسيرا بالجهد...باغي يبعد باش يرتب افكارو..لابقا هكا با اما أيقتلها..ولا غيتوقع شي حاجة خايبة..بغة يخوي باش يفكر فمشكيلتو هو وأمين وكي غتولي علاقتهم من بعد..وطاهرة..نفض افكارو مابغاش يفكر فيها بزاف...بقا سايق تاخرج على لمدينة شد.طريق لطوروت..كان سايق بالجهد...دازو ساعات وهو يدخل لمدينة اخرا..خفف ااسرعة وهو غادي وسط شانطي ناس غادين جايين..ولكارو فيديه..حتى كيوصل قدام واحد لفلة صغيرة غير شافو لعساس حل ليه لباب نزل ودق فلباب حلات ليه لخدامة لباب ودخل..تنهد وهو كيسمع صوت لقرأن فدار ..بقى غادي بخطوات قلال وهو كيتسنت لكلام الله ..حتى كيوصل لصالة شافو جالسة وكيقرا فلقران بالتجويد ..ومتخشع وهو كيجود..لدرجة مانتابهش لناصر لي واقف وكيشوف فيه.

سالة ويشد لمصحف علا راسو شاف فيه:نااصر جيتي

ناض من بلاصتو وعنقو ناصر بادلو لعناق وهو مبتاسم

ناصر:لا ماجيتش انا ماتجيش نت

بتاسم ليه:ماكتجيبهاش الضروف وصافي اجي جلس اتكون عيان

جلسو فصالو وجات لخدامة حطات اتاي ولحلوة

ياسين:زارتنا لبراكة

ناصر كتافا بابتسامة

ياسين عمر ليه كاس دأتاي:تفضل

ناصر خداه وبدا كيشرب

بقاو كيهضرو وسولو على احوال بعضهم ..ياسين هدا اقرب صديق لناصر..كيعرف عليه كلشي..وناصر فاش كيبغي يخوي قلبو كيجي عندو ..ياسين..انسان متدين..بعيد على لمافيا ولماشاكيل..عندو شركة خاصة بمواد البناء بانواعها..فاتح دار للقران..حياتو نقية مليئة بكلام الله..وقريب من الله بزاف..انسان رزين ومتبت..فعمرو 30 سنة..ايكون عندو تاهو دور مهيم فقصتنا

ياسين:شتك ماشي هو هذاك

ناصر كيرتاح فاش كيجي عندو ..الوحيد لي كيعاود ليه كلشي بلا تردد:ماقريتيش الجرائد

ياسين:قريت بغيت نسمع منك نت..عمرك تخاصمتي نت وأمين شنو وقع

ناصر:بزااف اصاحبي خليني من امين..درت واحد لغلاط عمري درتو فحياتي..وسخت يدي بدم ناس ولكن عمري درت هاد لفعلة عمري

ياسين:هنا كنسمعك دوي

ناصر مسح على راسو:تعديت على واحد لبنت لبارح..ماكنتش فوعيي..وكنت معصب..

ياسين:لا حول ولا قوة الا بالله..وعلاش

ناصر:كتلعبلي على اعصابي.وهي سباب المشكيل لي بيني وبين امين

عاود ليه كلشي

ياسين حط ليه يديه على كتافو:ضلمتي لبنت بزاف وزدتي على مابيها..دابة نت ضيعتيها..عارف هدشي لي غنقوليك ماغيعجبكش

ناصر:غير قول

ياسين:تزوج بيها

ناصر:مستحيل