لا تستفزي رجولتي كي لا ابعثر انوثتك

بارت 31

ليلى:غير بغيت نبات عندك هاد ليلة توحشت نعس حدااك.المهيم دوشي على خاطرك هنا كنتسناك

طاهرة بلعات ريقها:واخة

ضارت عند ناصر:ويلي شنو غندير وهي ماعارفة والو من هادشي

ناصر جرها لعندو:خليها تعرف

وبدا كيبوسها من عنقها

طاهرة رجعات اللور:لا مايمكنش..مابغيتهاش تعرف ويلي لا

ناصر:كيفاش لا

طاهرة كطلبو:عفااااااك مابغيتهاش تعرف بهادشي..خلي هاد الليلة دوز على خير وانا كنواعدك غدا نعوضك عفاااك راه ختي هادي مانرضاش تعرفني ...

وسكات

ناصر تنهد:وشنو غنديرو دابة

طاهرة:انا غنخرج غنلاهيها ونت خرج عفااك

كتقولها وهي كترمش بعنيها

دار فيها شوفات بمعنى سربييي خلاص

بتاسمات وقربات لعندو باستو من شفايفو:شكرا

بقا كيشوف فيها وهي كتلوي فوطة عليها حلات لباب وخرجات

ليلى كانت واقفة حدا لمراية:بالصحة

طاهرة:الله يعطيك الصحة

ليلى:لبسي عليك باش مايضربكش لبرد

طاهرة:اه داكشي اجي معايا لبيت تبدال بغيت نوريك شي حاجة

ليلى:واخة

دخلو لبيت تبدال وناصر خرج وهو كاره راسو حس براسو بحال شي برهوش ..مشا نيشان لبيتو بدل عليه وشعل كارو وهو كيتخايل شكلها

عند طاهرة

ليلى:وراه هدشي كامل شتوو اصاحبتي

طاهرة:اه حسابلي ماشتيهمش هه

ليلى:اارجوع الله

طاهرة لبسات عليها وخرجو تخشاو بجوج فبلاصتهم مدات يديها طفات الضو وعنقات ختها ..ليلى خشات راسها فصدر ختها:توحشت دوك ليام

طاهرة تنهدات:الله غالب

وغمضو عنيهم ونعسو بجوج

عند روبي

كانت كتكمي وهي ملوية عليها فوطة ماحملاتش داك سوميج..ماعندهاش مع داك شي..كتقول مع راسها طاهرة مالقات ماتجيب ليها..بقات شحال كتفكر كون كانت بنت بحالها بحال لبنات كيراها تاهي كتلبس داكشي..طفات لكارو وناضت هزات داك الشوميز عمرها لبسات بحال هادشي..حيدات الفوطة ولبسات السوميج..بقات كتشوف فراسها فلمراية..صدرها كيف بارز وجسمها المنحوت..فورمتها زوينة ولحمها بيض بزاف..فلحضة عجبها راسها هكا حسات بالاونوتة ديالها ولكن دغيا نفضات هاد الافكار حيدات من حدا لمراية وتخشات فبلاصتها ماباغاش تفكر فهادشي..غمضات عنيها ونعسات تاهي