لا تستفزي رجولتي كي لا ابعثر انوثتك

بارت 50

لارا:طاهرة بسبابها خلاني كنتسنة هنا قالي غيجي مورايا وماجاش ما كيتسارا هو وياها كنكرها دير شي حاجة وفرقهم مابقيتش كنتحمل نشوفها معاه انا كنتقطع من لداخل وليت مدلولة بزاف ..تصور نزلني من لقدام وركبها هي بحاليلا اناماشي خاطيبتو

امين غير ساكت وكيتصنت ليها

لارا وهي كتبكي:ناصر صافي ولا كيبغيها عمرو دار على شي وحدة بحال هكاا.وانا ماغانستحملش يضيع مني سمعتيني ايما ادير شي حاجة ولا انقتلها بيدي

امين دور الساروت وكسيرا بالجهد تا وقفو فواحد لبلاصة خاوية دوز شي نمرة:صيفطلي التصاور

قطع وهو كيتسنة التصاور شوية جاه مساج دخل وبتاسم وهو كيدوز فتصاور قلب طليفون ل لارا:شوفي

لارا زادت فلبكة:واش باغي تحمقني باغي تكمل عليا ياك

امين:لا سمعي مزيان..هاد تصاور انصيفطهم للكوميسير داك ساع غيجي يديها بالسيف عليه طبعا طاهرة اتبغي تمشي

لارا وهي كتمسح دموعها:ومن بعد

امين:من بعد لكوميسير بااااح ايتقتل وانا غندي طاهرة معايا ولكن قبل خاص نهضر معاها عندي مانقولها..خلي كلشي فوقتو

لارا:ماكايهمني والو لي كيهمني مانبقاش نشوفها مع ناصر

امين حرك الطموبيل:كوني هانية قريب كل واحد فينا غيتجمع مع لي كيبغي ..فين انوصلك

لارا:لعندو لدار

امين:مزيان خلي عنيك عليهم بلا مانوصيك

لارا:واخة

وصلها لدار دخلات وهو مشا

عند طاهرة وناصر

كانت ناعسة حلات عنيها بشوية وهي كتحس براسها مهزوزة جات عنيها عليه كان هازها دخلها لداخل

طاهرة:فين حنا

ناصر نزلها:نتي وسط لغابة دابة فراس الجبل

بقات كتشوف فين هوما كان بحال شي كوخ كبير كلو خشب شكلو واتاتو كلو زوين كلشي من لخشب كيتكون من جوج اطاج لتحت ولفوق ..لتحت كاينة صالا وكوزينة ولفوق بيت نعاس كبير وحمام ..الاتات وديكورات ولفراش كلشي مندامح بلون لمارو ودهبي ولكحل ولبيض..وضواوات خافتين جايين مع الجو..قربات لواحد لحيط كلو من زاج كيطل على لغابة من لفوق عرفات ان هاد الكوخ جا فراس الجبل عجبها لمنضر خصوصا وانا الشمس بدات تغيب منضر واعر ووضلام بدا يطيح تنهدات براحة مكان كيريح النفس ..دارت فاش سمعات صوت الخدامة عرفاتها هادي وحدة من لخدامات لي كاينين فدار لوخرا

الخدامة:راه جبت ليكم لحوايج لي اتحتاجو ستفتهم ليكم لفوق ..نمشي نوجد لعشا لا كنتو ما اتحتاجونيش.

طاهرة:لا شكرا غير سيري

طاهرة ماشافتوش ايكون طلع لبيت بقات كتسارا فالكوخ حتى كتشوفو هابط لابس سروال دلكيطمة فرمادي وتيشيرط كحل كملات لمسارية تا عيات جلسات فصالة شافت فيه لقاتو خدام فلبيسي ومركز معاه تنهدات وطلعات لفوق تبدل عليها حلات لبلاكار لقات شي حوايج قلال هزاتهم ودخلات لحمام دوشات ولبسات عليها وتكات فوق النموسية ترتاح شوية كتشوف هاد النهار كيف عاملها ودار ليها خاطرها..ولكن هادشي ما اترش فيها مابدل والو من جيهتو المهم عندها راسها انها دوزات نهار زوين تقلبات لجيهة لوخرا وداتها عنيها ونعسات داز الوقت حتى كتحس بشي حد كيفيقها حلات عنيها كانت لخدامة:لعشة واجد الالة سي الزعيم كيتسناك لتحت