لا تستفزي رجولتي كي لا ابعثر انوثتك

بارت 7

ناصر سكت بلا مايجاوبها

طاهرة:هدشي لاش عيطتي لي

ناصر بنفس برودها؛اه

خرجات وخلاتو مع ولادو رجعات طلعات فوق النموسية وتكات ناصر بقا شحال مع ولادو حتى نعس بدر عاد خرج

خرج من بيت دراري حيد تجاكيط ودخل بدل عليه لبس سروال دلكيطمة وخرج..خدم تدفئة..وجلس فوق الفطوي ولبي سي قدامو كيخدم على شي دوصي..وكاس دلويسكي فيديه..طاهرة شافت فيه عيات صابرة وهي تنوض..دخلات للمطبخ حلات تلاجة جبدات ليه دوة ديالو وكاس دلما ورجعات عندو وقفات حداه خدات ليه كاس دلويسكي:فبلاصت ما تشرب هاد لويل شرب دواك بعدة طبيب قال خاص تبعو لا بغيتي تبرة.ونت لما فكرتكش فيه ماتشربوش

تنهد خدا دوة من عندها دارو ففمو وشرب موراه لما بلا تاشي كلمة .تنهدات بغات ترجع لبلاصتها وهو يجرها من يديها لعندو تا طاحت فوقو وتخالطات انفاسهم..جات عنيه فعنيها كانو قراب بزاف..طاهرة نسات راسها وهي كتشوف فيه..ناصر سها فعويناتها..همس ليها:مالكي

بلعات ريقها وجاوباتو بنفس الهمس:ماماليش

زاد قرب لعندها:كديريها قد راسك وتغضبي ملفوق كتسنايني نجي نرغبك

طاهرة علات حاجبها:كتهضر بحاليلا نت مادرتي والو.

ورجعات اللور وتقادات فالوقفة :وماكانتسناكش ترغبني سمعتيني

سمعات صوت لبكا تنهدات بصوت مرتافع:اوووف ديما خاصهم يبكيييو

دخلات لعندهم لقاتهم فاقو بقات كتشوف فيهم نعلات ااشيطان وقربات لكروسة ديالهم دارتهم بتلاتة فيها...ماقادراش تهزهم واحد بواحد..خرجاتهم للبيت وحطاتهم فوق النموسية وتكات كترضعهم شافت فيه لقاتو خدام على لبيسي تنهدات وشافت فوليداتها رضعاتهم وجلسات كتلعب معاهم..داز الوقت وهوما ينعسو غطاتهم..وشافت فيه لقاتو نايض ..دخل للصالة ..عرفاتو غيبات فيها ..غمضات عنيها ماباغاش تفكر فيه ..داتها عنيها ونعسات

صباح صباح

خرجات من دوش ..دخلات لبسات عليها فبيت تبدال ونشفات شعرها ..وخرجات لقاتو كيرش لعطر ديالو يلاه ايخرج وهي توقفو بصوتها:تسنة

وقف يشوف مالها..ختافات من قدامو شوية هو يشوفها جاية ودوة فيديها مداتولو خداه وشربو

طاهرة شافت فيه لقاتو كيشوف فيها نزلات عنيها يلاه بغات تمشي وهو يجرها من يديها وباسها على وجها علات راسها وشافت فيه بلا تاشي كلمة

ناصر بعد خصلة من شعرها كانت على وجها باسها على خدها فين ضربها ورجع باسها على الخد لاخر وشاف فيها:ماكنتش باغي نضربك غير تعصبت..راكي عارفة فاش كنتعصب كنفقد الشعور

طاهرة:واش اتبقة هكا فوقما تعصب تضربني.واش عمرك اتبدل

ناصر بتاسم:ماديريش علاش وانا ماغانضربكش