لا تستفزي رجولتي كي لا ابعثر انوثتك

بارت 25

امين بقة كيشوف فيها طلع يديه وحطها على وجها وبدا يحرك صبعانو بشوي:علاش بغيتيني نتي ختاريتي الشخص لغلاط

جنات بتاسمات وطلعات تكات حداه:القلب ماكايشاورش

حطات يديها على راسو وبدات كتلعب فشعرو هو غمض عنيه شوية بشوية نعس ..ونعسات تاهي

جا ليل

كانت جالسة فلبيت وكتلعب لالعاب فطليفونها حتى كتشوفو داخل شافت فيه وبتاسمات بمكر وهي كتشوفو حال فمو مصدوم

كمال :شهادشي لابسة

روبي ناضت وربعات رجليها فوق النموسية:حوايجك ..شغا نلبس متلا

كمال :اهاا القضية فيها لعناد. اتهزي دابة وتحيدي ليا حوايجي

روبي:رجع ليا حوايجي بعدة. انا داكشي ديال باربي وفلة لي شريتلي ماكانحملوش لبسهم لبنتك الزوينة ولا عطيهم للخدامة سمعتيني

كمال قرب لعندها وهي توقف عرفاتو قاصدها

كمال حيد القميجة ورماها فلارض بقا بتيشيرط:اتحيديهم بلخاطر

روبي حطات طليفون فوق لكوافوز:لااااا رجعلي حوايجي بعدة

كمال بتاسم :واخة

طلع فوق النموسية باش يشدها وهي تهبط

روبي:شكا ديرر

كمال:غنحيد حوايجي بيدي

روبي مشات كتجري جيهت لباب حتى كتحس بيه شدها بدات كضربو فصدرو وتغوت:رخيييي منييي ازاامل..رخيييي

كمال متبتها بين يديه وهي كتفركل

روبي مانوياش تحبس بغات تولي ضربو لحجرو بحال اخر مرة ساعة صدق عايق شقلبها قبل ديرها ولات عاطاه بالضهر صدرو لاصق مع ضهرها دور يديه على خسرها:الضربة ماكاتعاودش جوج مرات..امراتي

قرب لودنيها :شنو دابة

طبع قبلة تحت ودنيها تا قفزات بتاسم وهو عاجبو لحال كيستافزها:الصبر تقادة

روبي صخانة طلعات معاها :كماال رخي مني

كمال رجع قلبها ودورها لعندو:نحيد بعدة حوايجي

بغات تنتر منو وهو يشدها ويلصقها مع لحيط :مالك زربانة..عرفتي شنو داك لكسوة لغوز تجي معاك زوينة

روبي:هديك هي لي ماتحلمش بيها

كمال:شوف تشوف

روبي مزال كتنتر منو:رخي مني دابة

كمال:غنرخي منك ولكن تانحيد ليك حوايجي

وحط يديه على تشور وبدا يحيدو ليها وهي كتغوت وتقاتل معاه تا حيدو ليها بقات غير بسوتيان بتاسم وهو كيشوف فصدرها طالع هابط معصبة وكترجف غير بوحدها وجها ولا حمر بزاف تلونات