لا تستفزي رجولتي كي لا ابعثر انوثتك

بارت 48

عماد رجع شاف فالتصاور..كانو مصورين ليلى ومدورين على وجها بالحمر كتهديد ..وشي تصاور اخرين شاف فرجالو وغوت فوجهم:تحركو تقودوو كاملين مابغيت نشوف تاشي قواد هنااا..

حناو راسهم عارفين لا زادو كلمة غيجيبوها فراسهم..خرجو واحد مور واحد

عماد عيط لاحمد وعنيه على التصاور:فييينك.

احمد:ياك لاباس

عماد:فينك دابة

احمد:فدار

عماد:اتجي دابة لعندي لدار

وقطع ودخل لدار شاف ليلى جالسة غير شافتو وقفات وهي كتشوف فيه بخوف ماحدو كيقرب وكيزيد خو فها شوفاتو فشكل خوفوها وصل لعندها وجرها من يديها وعنقها وخشاها فصدرو وزير بحاليلا خايف لا تمشي من بين يديه:سمحيلي كنت معصب

ليلى غير ساكتة.بقو هكاك تا بعد عليها شافت فيه:شنو واقع

كتهضر وعنيها على لبرية

خباها مور ضهرو:والو ماديريش فبالك

ليلى هزاات راسها بواخة وجلسات وهي كتشوف فيه شوية سمعو الدقان مشا حل لباب كان احمد

احمد:شنو واقع

عماد:اجي معايا

مشا هو وياه لمكتب لخاص ديالو دخلو وجلسو عماد حط قدامو التصاور:شوف

احمد هزهم هو براسو مصدوم:كيفاش

عماد:تا لمراتي مالاعبينش غيقيس شعرة منها نقلب الدنيا فوق راسو.

احمد :نت لي ماخليتيناش نقتلووه شوف دابة شنو وقع.

عماد كيمسح على راسو بالاعصاب:ترجاني

احمد:مشكلتك قلبك حنين

عماد ضرب بيديه فوق المكتب:انا ماكنقتلش انا ماشي هو نتوما .مايمكنش نقتل روح

احمد:ولكن درتيها

عماد:ماكنتش قاصد

احمد تنهد:دابة هدشي داز .خلينا نفكرو فهادشي .مهما تجرأ ودار هادشي ايلا وراه عارف شكا يدير مايمكنش الخواف بين ليلة ونهار يولي زعيم تا لهاد الدراجة اكيد تحت من راسو شي حاجة..وهاد الحاجة كبيرة

عماد:اناماكايهمنيش لي كتهمني ليلى مراتي

احمد:انشوفو شنو فهاد الفيديو

عماد خداه وبرونشاه مع التلفازة شوية وهوما يشوفوه كيهضر وهو مبتاسم بكل جىأة ماشي بحال اخر مرة كان كيبكي ويرغب ويطلبهم باش ما يقتلوهش

الشخص:ههه هنا رجعت تاني ولكن بشكل اخور.كلامي موجه لعماد بالاخص.باقي لحد الان مانسيت خويا لي قتلتي كنحلف ليك غندمك مزيان انمرق ليك قلبك كي حرقتي لي قلبي على خويا ..درتي غلاط كبير فاش ماخليتيهمش يقتلوني .ماكنتيش عارف راك عطيتيني فرصة باش نتاقم.ماعلينا هاد ابهضرة دازت سمعو الاهم..عماد درتي دابة عائلة ولات عندك كتكوتة ليلى شحال من مرة جات بين يدي الفرصة نقتلها ولكن تراجعت كيف ما عطيتيني نت فرصة باش نعيش انعطيك تا انا فرصة باش تفرح بمراتك حيت ايامها ولات معدودة غنقتلها قدام عنيك ونت كتشوف انحرق قلبك عليها..من بعد اتجي نوبتك وتلحق عليها ..وجد راسك ..وصل سلامي للزعيم جاية نوبتو تاهو ولكن ماشي دابة تا نسالي منك .قولو من دابة لفوق الزعيم هو رشاد .ولائحة طويلة عمري غنسا خطيبتي لي دالي.هههه