لا تستفزي رجولتي كي لا ابعثر انوثتك

بارت 7

ليلى:وهكاك الله يرضي عليك

عماد كيقرب ليها:شتك شوية وتسوطيني ياك لاباس

ليلى:هههه غا كنهضرو

عماد دور يديه على خسرها:زيدي زيدي امراتي

ليلى:ههه حوبي

عماد وهو كيحل ليها باب طوموبيل:حياتي

ليلى ركبات:نموت عليك

تحنا لعندها وباسها بوسة خفيفة فشفايفها :وانا كنحماق عليك..ومشى ركب وكسيرا بالجهد..خدم اغنية وجهد ليها تا لتالي..وبقاو كيغنيو معاها بجوج

عماد نقص شوية للموسيقى:واش نتي كلشي حافضاه.

ليلى وهي كتشطح بشعرها:هههه كلشي كلشي

عماد مد ليها يديه:اجي جلسي فبلاصتك

بتاسمات وقربات عندو جلسات فوق رجليه وهو سايق ومرة مرة كيخطف ليها بوسة فشفايفها..

ليلى:دابة فين كابنة ختي

عماد وهو كيبوسها من عنقها:هانتي اتشوفي

حتى كيوصلو لدار دالزعيم حلو ليهم لباب ونزلو

ليلى شافت فيه:هادي الدار دالزعيم

عماد جرها لعندو:منين كتعرفيها..فايتة جايا لعندو ولا شنو

ليلى:اويلي حي لاش انجي..راه كنشوفها فسوشن ميديا..كنت كندخل نقرا لاخبار ديالو

عماد :ااه يحسابلي

ليلى سكتات كون تقوله شحال كانت كتحماق على ناصر..شافت فالدار..شحال كانت كتحلم تزورها وتشوفها ملداخل..هاهي دابة جات وغدخل وتجلس فيها كاع

حلو ليهم لباب ودخلو ستقبلاتهم لخدامة وجلسو فصالة

عماد:الزعيم ماكاينش

الخدامة:لا اسيدي ماكاينش

عماد:صافي عيطي لطاهرة

الخدامة:واخة اسيدي

ليلى وقفات وهي كتمنضر فدار وحالا فمها وحاضية منين اتخرج ختها بقات غادة جاية

عند طاهرة

طاهرة:ولاش بغاني هادا تاني

الخدامة:ماعرفتش الالة

طاهرة:زيدي نشوفو مالو نيت نتفاهم معاه مزيان ملي جاا..لكيدار لاخور

لخدامة مافاهمة والو

هبطو لتحت..غير شافت ختها شهقات..ليلى غادة جاية سمعات شهقتها وهي ضور لعندها مشات كتجري عنقاتها..تعانقو بجووج بلا تا كلمة..شوية بدا كيتسمع صوت بكاهم..تاوحدة فيهم مابغات ترخي من لوخرا.متمسكين ببعضهم..

طاهرة بعدات شوية وهي كتبكي وكتبوس ليها يديها بحاليلا بناتها وضاعت منها:جييتي الموصيبة توحشتك بزااف بزاف