لا تستفزي رجولتي كي لا ابعثر انوثتك

بارت 18

وترخات يلاه اطيح وهو يشدها بين يديه هزها حطها فوق النموسية بقا كيضرب ليها على وجها مافاهم والو كانت حاسة بيه ولكن ماعندهاش الحهد باش تحل عنيها تقال بزاف وريقها ناشف وقلبها كيضرب بالجهد ..شد ليها فيديها وهي كتسمع صوتو كيعيط بسميتها حلات عنيها بشوية وشافت فيه

ناصر كيمسح ليها على وجها:باش كتحسي

طاهرة لسانها تقيل عليها:شويو دوخة وصافي

ناصر:نعيط لطبيبة تجي

طاهرة بلعات ريقها:لا غير بلاش..غير ماكليت والو من لفطور عليها

تنهد:او لا شي حاجة خرا

دورات عنيها لجيهة لوخرا وهي كتبلع ريقها:لا ماشي داكشي

وشافت فيه:ما حاملاش راني قلت ليك غير من لماكلة

ناض من حداها عمر ليها كاس دلما ومدو ليها:راني حدرتك داك النهار

وقرب لوجها وهو كيهضر على سنانو:قلت غنقتلو وهو فكرشك

طاهرة كتشوفو قريب ليها خلعها عارفاه يديرها ويقد بيها :لا كون هاني ما شي حمل هدا

ناصر بعد عليها :نوضي سيري لبيتك

ناضت وهي مازال حاسة بالدوخة ماقادراش تزيد

حتى كتحس بيه هازها لفوق ستسلمات ليه عيانة ونيت مافيها لي يمشي خرجو من لبيت وهي حاطة راسها على صدرو تا وصلها لبيت دخلها حطها :قلهم يوجدو ليك شي حاجة كوليها قبل تموتيلي هنا

وخرج وشد لباب موراه

هي جلسات فوق النموسية وخايفة من داكشي لي فبالها ناضت ودخلات لحمام كتجري ردات وناضت غسلات فمها كتحس بمصارنها كيتقطعو وقفات تحت رشاش كدوش كتقول مع راسها مايمكنش تكون حاملة تفكرات داك ليلة ما خداتش دوة تا لهاد الممراسات توالة عاد بدات تاخدو

.مايمكنش تحمل بهاد السرعة من داك الليلة .تنهدات وهي كدعي ماتكونش حاملة حيت غتوقع كارتة..هي ماتقدش طيحو وتقتل روح فكرشها وهو ماغايرحمهاش ويقدر يقتلها هي وياه خرجات من لحمام لبسات عليها ودخلات فلفراش باغة تبعد فكرة لحمل من راسها هادي تلتيام ودوخة شاداها وغير كترد ..لي كلاتها كتردها..وهو ماخفاش عليه هدشي..كيلاحض كلشي وكيفهم فكلشي تاحاجة ماكيفلتها..حطات يديها على كرشها وهي كتفكر لا كانت حاملة شغا دير ..هاد الاسبوع حاولات ما امكن تقرب منو كتر ومايمدش يديه عليها..كانت كتفاداه واخة بعد لمرات كتنسى راسها وتستافزو بهضرتا..وكيسكتها بشي صقلة .وضاروري من التجريح فالهضرة..كتصبر..ولكن هاد شي كامل غيتهدم ايلا صدقات بصاح حاملة غيرجع كي كان وكتر..تنهدات باغة تأكد بعدة

كانت جالسة فبيتها من بعد ما فطرات شافت فالساعة 12 تنهدات ماكتحسش بدوخة ولا حتى الردة ..موالفة غير كتاكل كتولي ترد..دابة صبحات هي هديك..