لا تستفزي رجولتي كي لا ابعثر انوثتك

بارت 28

ليلى ناضت فرحانة:خاص يكون شي عيد ميلاد وااعر عمرها تنساه فحياتها..

عماد:ان شاء الله.نتي شتك لا حفاضة لا والو ماقبلة داك لقصص

ليلى:راه كنحفض..

عماد:كتحفضي لقصص

ليلى كتبوسو من وجهو:لا حبيبي..كنحفض عاد كنشد طليفون كون هاني

دور يديه على خسرها:ايوا دابة نوبتي

بتاسمات وهي كتبوسو من شفايفو ويديها كتلعب فصدرو حتى كيسمعو الدقان ومي فاطمة دايزة من حداهم ليلى ناضت طافجة وهي كتقاد فحوايجها وعماد تقاد فلجلسة..

شافو حسنة داخلة هي ومصطفى

عماد ناض وسلم عليهم..ليلى قربات باست يد مصطفى وشافت فحسنة وقربات وسلمات عليها بالوجه ببرودة.وجلسات حدا عماد وقع الصمت

حسنة:بنتي ليلى

ليلى شافت فيها وكتقول مع راسها شمن بنتي

حسنة:جيت نطلب منك السماحة عارفة راسي غلطت معاك..وغلطة كبيرة.سمحيلي الله يرضي عليك..ندمت كنت ناسية ان الله كبير..وكيشوف

مصطفى:صافي ابنتي لي فات مات وهي جات تا لعندك تعتادر منك..مابغيتش نبقاو هكا..نتي بنتي وعماد ولدي بغيت نجمعو شمل هاد العائلة

حسنة ناضت لعند ليلى وشدات ليها فيديها:خلينا نساو ابنتي داكشي لي وقع انا عمري نولي نأديك..نتي دابة بنتي ماشي غير عروستي.سمحيلي

ليلى تنهدات:تانا بغيت نكون مفاهمة معاك وتعتابريني بحال بنتك..بغيتك تكوني بحال ماما الله يرحمها

حسنة عنقاتها:صاغي ابنتي من اليوم نتي بنتي بحالك بحال سارة..

ليلى عنقاتها تاهي:سمحيلي تا انا على داكشي لي درت معاك

حسنة شافت فيها:مسامحاك..دابة انساو كلشي

ليلى هزات راسها باه وهي مبتاسمة:ااه

مصطفى:ايوا الحمد الله هكا بغيتكم تكونو

حسنة رجعات لبلاصتها وهي مبتاسمة

بقاووكيهضرو كيضحكو وعماد شاد ليلى فيديها كل نهار كيزيد حبوو ليها..وتاهي كتزيد تبغيه..علاقتهم زوينة وبريئة ارواحهم متشابهة ..

كان فبيتو واقف اونفاص مع لمراية كيقاد فلقميجة..رش لعطر ديالو وهز سوارتو وطليفونو وخرج..

وهو يتفكرها من لبارح ماشافها ..وماباغيش يشوفها ولكن دابة جاه لفضلول يعرفها شكا دير ..شاف فالساعة كانت 9 دليل..مشا لبيتها حل لباب ودخل..سمع صوت فلحمام وقف كيتسناها...طاهرة من بعد ماردات غسلات وجها وخرجات لقاتو قدامها تنهدات ماعندهاش لكانة ليه ولا لهضرتو..هزات فوطى وبقات كتمسح فوجها..طاحت ليها من يديها فاش حسات بيه مدور يديه على خصرها ولاصق فيها من للور بلعات ريقها دورها لجيهتو وهو كيشوف فوجها كيحقق فيه بحاليلا عمرو شافها..طاهرة شوفاتو وتروها نزلات راسها لتحت ورجع علاه باطراف صبعانو..وعنيه فعنيها...طاهرة تفكرات هضرتو دلبارح..قاسية بزاف ..تغرغرو عنيها بالدموع..وحنات راسها..ديما كتقول ماغاتبكيش قدامو..وكتبكي..ناصر طلع يديه مع ضهرها وجرها لعندو وعنقها..ستسلمات ليه..محتاجة لشي حض يعنقها ماكايهمهاش شكون..واش كتكرهو ولا لا..المهيم اي واحد.تبكي على صدرو وصافي..عيات بزاف..دفنات راسها فصدرو وهي كتبكي ربي لي عالم بيها..ناصر كتافا بالصمت ويديه فوق شعرها كيحرك صبعانو بشوية..بقاو شحال هكا..طاهرة غير كتبكي.وهو مخليها على راحتها..