لا تستفزي رجولتي كي لا ابعثر انوثتك

بارت 33

طاهرة مسحات دمعة كانت هابطة من عنيها وشافت فيها:وعليكم السلام..

رنيا:انا خت كمال

طاهرة:شكون كمال.

رنيا ستغربات:كيفاش..كمال لي راك فدارو دابة

طاهرة:اه لكوميسير

رنيا بتاسمات:ويلي على لكوميسير..كاين شي وحدة كتقول على حبيبها لكوميسير نتي ناسية حتى سميتو..ياك ما دوخك لحب

طاهرة مافاهماهاش اصلا علاياش كتهضر كتافات بالصمت

رنيا:قال ليا كمال نعاونك تبدلي عليك ونداوي ليك شي جرح.

طاهرة محتاجة لشي حاجة تبرد عليها حر ااجرح لي كيوزوز :اه ايلا بغيتي عفاك

رنيا :اكييد

دورات وجها وهي تشوف لبوماضا هزاتها:فين هي الجرحة

طاهرة عرفاتها ماعارفة واولو:عاونيني عفاك نحيد حوايجي

رنيا:اه واخة

قربات حيدات ليها لكاب..وهي تصدم من الضرابي لي علا عنقها ويديها مع كانت لابسة تيشيرط نازل على لكتاف

رنيا واقفة ومصدومة

طاهرة شافت فيها بغات تحيد تيشيرط وماقداتش كلشي كيضرها..رنيا فهمات راسها :انا غنعاونك

بقات معاها تاحيدو تيشيرط بقات غير بسوتيان ..رنيا مصدومة من حالتها ضهرها كلو خطووطة ديال ضرابي وعنقها دراعها..قلبها ضرها من المنضر هزات لبوماضا:شكون هاد الحيوان لي دار فيك هكا

طاهرة غير ساكتة نزلو دموعها فاش تفكرات ااضرب لي ضربها

رنيا وهي كتدهن ليها لجرح بشوية باش ماتقصحهاش:صافي ماتبكيش قطعتيلي فقلبي الله ياخد فيه لحق يعطيه لهرس لداك ليدين هدا ماشي بشار

طاهرة كتزيد فلبكا وهي كتفكر كل لحضة عدبها فيها وقهرها فيها ..رنيا حبسات وجلسات حداها وقلبها ضارها من منضرها:صافي اختي ماتزيديش تكملي على راسك ربي دابة ياخد ليك حقك

طاهرة غير كتبكي

رنيا شدات ليها فيديها:عاوديلي مالك.

طاهرة كتهز راسها بلا:والو

رنيا تنهدات مابغاتش تضغط عليها ناضت وكملات ليها دهين:تسناي هاني جاية

خرجات من لبيت ورجعات وفيديها شي حوايج قربات وعاوناتها تلبسهم:هادو حوايج لمرحومة دمرات خويا..ايكون عاود ليك عليها.

طاهرة غير ساكتة

رنيا:انزل نقول لخدمة توجد ليك شي حاجة كوليها

طاهرة تكات:شكرا اختي ماقاداش بغيت غير نعس

رنيا تنهدات وخرجات وهبطات لتحت جلسات حدا كمال:مسكينة كتقطع فلقلب شكون دار فيها داك لحالة داتها كلها مشوهة بالضرب..