لا تستفزي رجولتي كي لا ابعثر انوثتك

بارت 27

ليلى:ههه بحال داكشي حيد خليني نوض ندوش
بعد باش تنوض هي ناضت يلاه حطات رجليها فلارض ورجعات جلسات شدها شي حريق من لتحت
عماد جلس حداها:مالك
ليلى:شي حريق وصافي
عماد:بشوية عليك راه عاد لبارح
ليلى:واخة
ناضت وهي ملوية عليها ليزار كتمشى بشوية دخلات لحمام وطلقات عليها ما دافي هبطات عنيها لتحت لقات لما هابط مخلط بالدم تنهدات وهي كتفكر هضرتو انهو ماغيسمحش فيها وهي تايقة فيه
سلات تدواش ولوات عليها فوطة وخرجات متلقاتوش لبسات عليها وشافت فالنموسية وفداك الدم ماعرفاتش شنو غدير حيدات داك ليزار ودخلات كتصبنو فلحمام مابغاتش مي فاطمة تشوفو

نمشيو عند.طاهرة
كانت واقفة وهي كتشوفهم كيقادو فداكشي شافت فالساعة 2ونص شمس دوخاتها دخلات لداخل شربات لما حتى كتسمع صوت طوموبيلات خرجات تشوف شكون عنيها نيشات مشات ليه كان نازل من طوموبيل ونازلة معاه لارا وفيديها لكلب ديالها..عاد نزل احمد لي كان راكب معاهم اللور
.قلبها بدا كيضرب فلمية وهي كتشوفو كيشوف فيها بداك شوفات رتاحت فاش شافت طوموبيل دامين وقفات عاد رجعات فيها الروح مابغاتش تبقا معاهم بوحدها
احمد:طاهرة لاباس
طاهرة:الحمد الله اسي احمد
لارا كطلعها وتهبطها:فين وصل داكشي
طاهرة:راهم خدامين
لارا ماحملاتهاش فاش جاوباتها بنفس طريقة دهضرتها
امين قرب ليها وباسها من خدها حداهم:كي بقيتي
طاهرة بتاسمات:بيخير
امين:صخونة بزاف
طاهرة:غير مع شمس
امين شدها من يديها ودخلها لداخل:ماتبقايش فالشمس بزاف باش ماتمرضيش
طاعرة كيدوبها بلهتمام ديالو:واخة
شافتهم كيجلسو فالصالة حداهم ..ناصر بقا واقف وكي لعادة كيعمر كاس ويخشي يديه فجيابو وبدا يشرب
بقات كتشوف فيه وغير شاف فيها حدرات عنيها
لارا:انطلع نلبس لمايو ديالي ونخرج نعووم بغيت هاد نهار يدوز زوين
طلعات ولكلب ديالها تابعها
طاهرة وقفات:نمشي نشوف فين وصلو ونرجع
ومشات وهي ماحاساش بالنضرات لي تابعينها كانو بتلاتة عنيهم عليها
احمد:منين كطيح على بحال هادو غي قولي
امين شاف فيه:هدي ماشي اي وحدة
احمد:بيني وبينك زوينة
امين كيبدل لموضوع:عماد قالك ايتعطل ماغيجيش دابة
احمد:هداك عندو شي بلان لباح عيطت نبارك ليه ماكيجاوبش فطليفون
امين:تانا
شوية وهي تنزل لارا بالدوبياس وعلى لخصر ديالها لكاش مايو وقفات حدا ناصر:يلاه نعومو
ناصر:غير سيري
امين وقف:هنا جاي نعوم معاك
احمد:تانا
لارا:هنا سبقتكم
امين طلع يبدل عليه باش ينزل يعوم وتبعو احمد

عند طاهرة شافت داكشي غادي هو هداك ودخلات جلسات على المسبح وهي كتشوف لارا كتعوم كي شي حوتة وسط لما شوية وهي تشوف امين خارج بالشورط ديالو بتاسم ليها وتلاح تاهو كيعوم تغطس لداخل تا مابقاش كيبان عاد رجع طلع لفوق هي حطات يديها على حناكها وبقات حاضياه سهات فيه حتى كتشوف لارا كتقرب ليه وتعلقات فعنقو وهي كضحك هي وياه حسات بلغيرة كتاكلها مابغاتهاش تقيصو ولا تقرب ليه ...
امين:21عاام كبرتي
لارا:ههه شوية وصافي
امين:باربس كنبقا صغيرة واخة كتزيد فلعمر هادي ديما كتقوليها نهار عيد ميلادك
لارا :ههههه سبقتيني هاد لمرة
شوية وهو يخرج ناصر ..طاهرة بقات حاضية تعابير دوجهو زعمة واش ايغير لاشاف لارا هي وامين كيعومو بجوج ساعة والو مادار تا ردة فعل دمو بارد تنهدات وهي كتقول واقلة مكبرة الموضوع
دخلات لداخل لابقات كتشوفو معاها اتزيد تعصب...يلاه اطلع فدروج وهي تجرها شي يد ضارت لقاتو امين :مالك
طاهرة:ماماليش
امين:ومالك دخلتي
طاهرة:خليك خود راحتك
امين عاد فهم بتاسم:لارا راه تربات وسطنا بحال ختي
طاهرة:ايوا مزيان
بدا كيقرب ليها وهي كتبعد:ههه يخليلي لي كيغير
طاهرة:ماغرتش سير كمل لعومان
امين شدها من يديها وتم غادي بيها تا لسقها مع لحيط كان قريب ليها بزاف ومدور يديه هلى خصرها:خاصك تفهمي ان عيني ماكتشوف فتاشي وحدة من غيرك غير نتي لي معمرالي عيني
كانت كتشوف فيه ومركزة فهضرتو حتى كتشوفو كيقرب لشفايفها يلاه ايبوسها وهي تشوف ناصر داخل تبلوكات منين علا راسو وشافهم فديك اللقطة بلا ماتحس دفعات امين وحيدات من حداه امين مافاهم والو ضار يشوف فين كتشوف وهو يشوف ناصر
ناصر بتاسم بتسامة جانبية غير هي لي فهماتها بحاليلا كيقولها ها شكا تسواي ماحملاتوش يشوفها هكاك :نمشي نطل عليهم
دازت من حداه وهي كترجف
ناصر :راك خدام على راسك
امين:كيفاش
ناصر:راك عارف امين:ماعرفتش هاد لبنت كنرتاح معاها
ناصر:غي نزوة ودابة دوز
امين:ماكنضنش
ناصر:شنو زعمة وليتي تبغيها
امين بقا ساكت:ماعرفتش
ناصر ضرب ليه على كتافو:خاص تعرف
ومشا وخلاه واقف كيفكر فواش هو كيبيغها ولا غير نزوة كي قال