لا تستفزي رجولتي كي لا ابعثر انوثتك

بارت 24

برك على سميتها بطريقة مستفزة وناض وخرج وخلاها مخرجة عنيها مصدومة
طاهرة:اويلي هذا شكا يقول...شنو قصد..ياك ما يحساب ليه ...
طاهرة جمعات لوقفة وناضت كتجري تابعاه باغة نفهم شكا يقصد
كان طالع فالدروج وهي تعيط ليه بسميتو حافية ماعرفاتش منين جاتها هاد الشجاعة:ناااصر
هو وقف بلا ما يدور ..طاهرة طلعات تا وقفات موراه
طاهرة:شنو كتقصد بهضرتك
دار وهو مقوس حواجبو وشتف فيها بلا مايقول تا كلمة
طاهرة وهي كتشالي بيديها ومرة مرة كترجع شعرها اللور:انا مابيني وبينك والو باش تقول داك لهضرة وماعندي بيك تا علاقة مادرت ليك واالو ..داك نهار مديتي عليا يديك على حاجة تافهة..ودابة كتهيني فاخلاقي ونت ماكتعرفنيش اصلا..شوف ماتبقاش تحكم على بنادم ونت ماعارفوش وتبدا ضلم فيه ديها فراسك انا عارفة راسي شكا نسوا ماشي داكشي لي فبالك ...
ماجات فين تكمل هضرتها حتى كتلقا راسها لاصقة فيه ومزير ليها على شعرها تا توجعات
ناصر ركبو جن لكحل كيفاش وحدة بحالها تهضر معاه بديك الطريقة وتهز عليه يديها من لفوق هضر بصوت زعزعها وركب فيها الرعب بقات كترجف بين يديه:سي ناصر الزعيم سمعتيني ...
وشدها من ليد لي كانت كتشالي بيها قدام وجهو ولواها بالجهد شوية ويهرسها:ويدك جمعيها عندك مازال ماعاش هدا لي يهز يديه على ناصر الزعيم
طاهرة كتحس بيديها مشات كان كل شوية كيزيد يلويها حالف تا يهرسها لسان لي ينطق ويقول راك وعتيني تقال ومابقاش قادر ينطق
ناصر كيكمل هضرتو وهو عاض على سنانو:ماشي نتي لي اتجي تعلميني كي نظير نتعامل مع بنادم خصوصا لاكان بحالك رخيص ..راه ساهل نزطم عليك ونمحي لمك لاتار ..هاد لمرة دوزتها لمرة جاية شهدي على روحك
ودفعها تا تضربات مع لحيط وطلع وخلاها كتوجع وكتبكي يديها كضرها بزاف وعاد.شعرها لي كان ايتقطع بين يديه
طاهرة جلسات فدروج وهي كتبكي ودعي فيه:شمااتة لاخوور كان غيقتلني الله ياخد فيك الحق الحيوان
بقات كتشوف فيديها وفدراعها..لي فهم لاتار ديديه ..هي مادارت ليه والو لاش كيدير فيها هكاك

ناصر لقا لحاريس كيتسناه ركب اللور وهو معصب بزاف كيغلي مايكرهش يولي يزيد يكمل عليها هضرتها وصوتها وصورتها وهي كتهضر مزال بين عنيه ..رخف لكرفاط وهو كيسوط معصب ...

نمشيو عند احمد
لبس عليه من بعد ما خرج من دوش ووقف كيقاد لكرافاط فلمراية حتى كيشوفها خارجة من دوش وملوية عليها فوطة جات وعنقاتو من اللور
ضار لجيهتها ودور يديه على خصرها:نتي هي المتنفس ديال كتنسيني روتين وصداع والمشاكيل دلخدمو
دورات يديها على عنقو:داكشي لي بغيت..راحتك احبيبة..
وشداتو من يديه وجلسو فوق النموسية :امم شحالزما شفت الدراري كي بقاو
احمد بتاسم:ؤاهم مزيانين
بتاسمات تاهي:عماد صافي خرج من المافيا
احمد:ماكنتش باغيه يخرج ولكن ماشي مشكل
علات حاجبها:ماشي من عوايدك ديرها اخر واحد بغى يخرج من لمافيا قتلتيه
احمد ناض وتقابل مع لمرايا:نتي لوحيدة لي كتفهميني أدنيا
دنيا :هههه حيت نت كتهمني..دابة عاودلي شنو واقع
أحمد:ناصر الزعيم...مانقدرش نقول ليه لا ...هو لي دخل وبزز عليا نوافق باش نخلي عماد على خاطرو
دنيا:لهاد الدراجة ناصر كيأتر عليك
احمد:حيت هو لي مسير لمافيا مزيان ..لمافيات كاملين كيضربو ليه الف حساب عليها ماكيقدروش يقربو لجيهتنا ..وانا مابغيتش نخسرو هو رأس المدبر دلمافيا ضاروري يبقا على خاطرو...
دنيا:امم دابة لا خيروك بينو وبين امين شكون تختار
أحمد بقا ساكت شحال:انا فمصلاحتي يبقاو بتلاتة حيت بتلاتة كيكونو فريق مادايرش مانخافش عليهم ..عماد كان عندو دور مهم فلمافيا كوما دخلش ناصر مستحيل كنت نوافق دكي بزاف تاحاجة ماصعيبة عليه عندو سهزلة فالاقناع وصعيب لواحد يشك فيه قد ما مبرد وضاحك قد ما صعيب ونعار يتعصب يقلب الدنيا ..أمين كيعجبني كي كيفكر و الطريقة لي كيخطط بيها كيدرس كلشي عاد كينفد واخة هادئ فطبعو مخبي بزاف دلحوايج مور هاد الهدوء يقدر يبان ليك ضريف ورومانسي ولقلب لبيض..ولكن لا عندو وجه تاني خايب بزاف وخبيت...اما ناصر الزعيم باش كيعحبني قلبو ميت ماكيعرفش شنو هو الخوف ولا الرحمة لا دار شي حاجة فراسو كينفدها واخة يعرف يغامر بحياتو ماكيعرفش شنو هو الخطر .. شخصيتو قوية بزاف وفيه هيبة لدرجة انني انا براسي شي مرات كنخاف منو..بنادم كيحس ليه الف حساب ..هدشي لي خلا لمافيات يعطيوه التيقار وما يدخلوش فخدمتو حيت عارفين لا قربو لساحتو غينوض لحرب وهو لي غيخرج منها رتبح كي وقع لبزاف دلمافيات..