لا تستفزي رجولتي كي لا ابعثر انوثتك

بارت 10

تمنات الموت فهاد اللحضة وماتشوفش هدشيي..طلعات ليلى والبقية كيجريو..ليلى تحنات لعندها وعنقاتها وهي كتبكي معاها ..كلشي دخل لداخل..

طاهرة بعدات ووقفات كتهضر هضرة مخربقة:رشاد غير كيضحك ياكي..ولدي ماماتش ياااكي..انا اندخل دابة للبيت وما انلقا والوو هديك غير مونيكة

ليلى غير كتشوف فيها وكتبكي..طاهرة دخلات لداخل وهي حاطة يديها على قلبها..وقفات وهي كتشوفو فوق النموسية كلو دم نزلو دموعها حارين وشهقات بصوت مرتافع...علات عنيها وشافت ناصر واقف ومصدوم..عماد حداه جالس على ركابيه وكيحرك راسو بلا وهو كيبكي..طاهرة قفزاات فاش سمعات ليلى غوتااات على حر من جهدها...طاهرة رجليها فشلو عليهت طاحت على ركابيها وهي كتشوف تاجدين خو لي مقتوول...ليلى قربات عند ولدها وهي كتغوت بحرقة وضرب فوجها:ولديييي لااا لا ماشي هو..عماد هدا ماشي ولدنا هدا ولد طاهرة...

ولات بحال شي حمقة كتبكي وتغوت

طاهرة رجليها فشلو عليهت طاحت على ركابيها وهي كتشوف تاجدين هو لي مقتوول...ليلى قربات عند ولدها وهي كتغوت بحرقة وضرب فوجها:ولديييي لااا لا ماشي هو..عماد هدا ماشي ولدنا هدا ولد طاهرة...

ولات بحال شي حمقة كتبكي وتغوت ..مشات عند عماد ما قادراش تشوف فولدها ميت:عماااد هز هداك راه ماشي ولدناا ..الله يخللييك حيدو ملهنا

تحنات عند طاهرة وهي كتبكيي:نووضي شوفي ولدك راه مات..هداك مااشي تاجدين..نوووضي مالك جالسة

خرجات كتجري من لبيت..هبطات لتحت ووقفات كتشوف فيهم حتى كتبان ليها المربية جالسة وقدامها امونة ويوسف وبدر فوق الفطوي..دورات وجها شافتهم هابطين تابعينها..بتاسمات وسط دموعها:هاهو ولدي باقي عاايش

مشات هزات يوسف وعنقاتو وهي كتبكي:هاهوو اجي تشوف اعماد باقي كيتنفس

طاهرة متكية على الحيط وكتبكي بحرقة..عماد واقف ودموع نازلين من عنيه كيحس بروحو كتخرج..مازال مامتيقش مزال مامستوعب..كيزيد يتقطع فاش كيشوف ليلى فهاد الحالة

ليلى قربان لعندوها هو تاجدين

نزلات راسها وشافت فيوسف ورجعات شافت فعماد:لا هدا ماشي ولدنا..هدا تاجدين

رجعات حطات يوسف وهزات امونة:هو هدا تاجدين هاهو ناعس

شافت فامونة:لاا ماشي تاجدين هدا.لا هدي بنت انا حماقيت ويلي عماد هدي بنت ماشي تاجدين...اااه هاهو ولدنا

حطات امونة وهزات بدر وهي مبتاسمة ودموع شلال فعنيها...ولات بحال شي حمقة كترجف غير بوحدها:هاهوو صافي هو هدا...ششش خليوه راه ناعس..طاهرة طلعي شوفي ولدك..قتلووه مات مسكين..ولدك مات اطاهرة.خاص تبكي عليه..

ليلى طاحت على ركابيها وبدر فيديها بقات كتبكي بلغوااات:لااااااا ياسيدي ربي

مشات المربية دغية خدات منها الولد