لا تستفزي رجولتي كي لا ابعثر انوثتك

بارت 6

عند طاهرة

طلعات لبيت حلات لباب ودخلات وهي كتقلب عليه بعنيها ماشافتوش..عىفاتو ايكون فبيت دراري..جلسات فوق النموسية..وهي كتفكر.ماغاتهضرش معاه.تكات وهي مزال كتفكر..داز الوقت تقلبات على جنبها..حتى كتسمع صوت لبكة..ناضت طافجة دخلات لبيت دراري ..شافتو هاز بدر وكيحاول يسكتو ..شوية سكت..بقات واقفة شحال وهي كتشوف فيهم ..حسات بيه مهموم وساكت فلحضة كانت غتمشي وتوقف حداه تحاول تواسيه ولكن تفكرات هضرتو وكي ضربها خرجات وشدات لباب من موراها طلعات تكات فوق النموسية سهات بالتفكير تا داتها عنيها ونعسات...

ناصر حس ببدر نعس تحنا وحطو فبلاصتو غطاه وخرج من لبيت ..دخل لبيتهم لقاها ناعسة .هز فوطة ودخل للدوش وقف تحت رشاش بما دافي..غمض عنيه وهو كيحس بلما سخون ..وكيسترجع داكشي لي وقع فدماغو

تنهد راسو ضرو بتفكير..خرج من دوش وهو لاوي عليه فوطة دخل لبيت تبدال لبس عليه شي حاجة خفيفة..وخرج.شاف فيها مزال ناعسة..عارف راسو غلطان حيت مد يديه عليها وسبها ولكن تاهي غلطات فاش خبات عليه كتبقة هديك مو وهي مراتو.وبجوجهم كيتعتابرو من شرفو .وعراضو مشا نيشان لصالة لي فلجناح جلس من بعد ماهز الوسكية فيده رجع راسو اللور وهو كيشرب..ماحس بالوقت تا خوات ليه لقرعة عكز ينوض ويجيب وحدا خرا حس براسو مهلوك..تكا فوق الفطوي وغمض عنيه ونعس

دازو سعات...ضرباتها لفيقة على صوت بكا دراري ناضت بالزربة شافتهم بتلاتة كيبكيو تنهدات..مارضعاتهمش قبل ينعسو..هزاتهم واحد بواحد وداتهم لناموسية تكات على جنبها وجراتهم عندها بتلاتة عنقاتهم وبدات كترضع فامونة هي لولا وفنفس الوقت كتلعب بيديها مع بدر ويوسف باش يسكتو..حتى حسات بامونة شبعات وجرات عندها يوسف رضعاتو تاهو تا شبع عاد رضعات من موراه بدر..بتاسمات وهي كتبوسو كتحس بيه كيفهمها كيصبر ويسكت بمجرد ماكاتشد ليه فيديداتو ..رضعو بتلاتة وبداو كيبجغطو ويلعبو بيديدداتهم ويحركو رجليهم بقات غير كتشوف فيهم وبالها مع ناصر..هزات لخدادي وكلاتهم بيهم باش مايطيحوش..وناضت كتقلب عليه فلجناح تادخلات لصالة لقاتو متكي وناعس ولويسكي حداه تنهدات هزات لحاف وغطاتو بيه بقات كتشوف فيه شحال. عارفة راسها غلطات فاش خبات عليه وسكتات تا وصلو لخبار من جيهة اخرا..ولكن ماكانش عليه يمد يديه عليها ويسبها ..عارفاه عصبي ولكن خاص يبدا يتحكم فراسو ..خرجات ومشات عند وليداتها تكات حداهم شافت فساعة ربعة دصبح بقات كتلعب معاهم تانعسو غمضات عنيها تاهي ونعسات

جا نهار جديد

فاقت دورات عنيهها على لبيت ماشافتوش ناضت غسلات وجها هبطات لتحت طلات على صالة مالقاتوش..عرفاتو ماباتش فدار تنهدات ..شافت علي ونور كيفطرو باش يمشيو للمدراسة

علي:ماعرف كي طرا فقتي بكري..اجي تفطري

هزات راسها بلا وطلعات لبيت جلسات فوق النموسية باغة تعرف فين يقدر يكون بات ..حتى كتشوف لباب تحلات..شافتو داخل ماشافش لجيهتها هز فوطة ودخل لحمام دوش وخرج لبس عليه ولحد لان باقي ماهز عينو فيها..تأكد من سلاح ولمينوط ولكارط..عاد شاف فيها:صباح لخير