لا تستفزي رجولتي كي لا ابعثر انوثتك

بارت 19

عماد كان فعالامزاخور حتى فيقاتو شاف فيها:مالك
ليلى كتحاول تنوض وهو كيرجعها :عفاك اعماد صافي براكة
كتقولها وهي كتلهت وتبلع فريقها بحاليلا كانو كيجريو عليها

عماد بتاسم من طريقة بوستها وحركاتها وردة فعلها فاش قرب لصدرها عرف اول مرة..سيد عندو خبرة فهادشي استاد فلعلاقات الحميمية خخخ
عماد جرها من شعرها وطبع بوووسة مجنونة على شفايفها وبعد عليها:مالك خفتي
ليلى:خليني دابة نرجع لبلاصتي
رخى منها وهي دغيا ناضت لبلاصتها وجلسات:رجعني لدارنا عفاك
عماد.كسيرا وهو كيقاد حوايجو:تا نعرفك على شي حد
ليلى كتهبط جلابتها على فخادها وشعرها لي تخبل بسبابو:لا تا لمنبعد
عماد:لا دابة
ليلى مزال قلبها كيضرب سكتات وهي كتسترجع انفاسها
بقاو غاديين وعماد.طريق كاملة وهو مبتاسم عاجبو لحال معاها واخة ماداروش شي حاجة شي حاااجة...حس باحساس زوين لدرجة بغا يزيد.كتر
وقف وشاف فيها:نزلي
ليلى كتشوف هوما فين:واخة نزلات وهي كتشوف حومة شعبية 100 في ل100 بحال حومتها تماما ماعرفاتش لاش جايبها لهنا
عماد غير وقف الطوموبيل ونزل ضارو بيه ولاد لحومة سلم عليهم كاملين ودراري الصغار كيتعلقو فيه بحاليلا الملك زايرهم
واحد من الدراري:خاي عماد يتووب عليك..عرفتي فاش درتي لينا داك تيران دلكورة فالحومة صرعتيها ولينا عاطينها غالماتشات
بتاسم ليه:بصحتكم
قرب ليلى وشدها من يديها :هدي حومتي هنا فين تربيت
خرجات عنيها:بصاااح
عماد:ااه ماتولدش ملعق
وغمزها
بقا غادي بيها تا قربو لواحد دار :هادي دارنا هنا عشت
طلعات راسها كتشوف دار عادية ومع جيران واخة مهلي فيها وصابغها
علي:زيدي باش نعرفك على الشخص لي قلت ليك
دخلات وهو يلا ايدخل وهو يسمع :عماااد
كيعرف هاد الصووت مزيان عمرو ينساه ضار بلا ما يحس وهو يشوفها واقفة حدا لباب فلحضة حساب ليه كتعيط عليه
وقف حدا لباب وتكا على الحيط وهو كيشوفها كتهز ولدها لي كان كيلعب فالزنقة كان يقدر يكون ولدو هو ويكون هو باباه ..سماتو عماد على سميتو
شاف فيها فاش هزات راسها وشافت فيه وولدها بين يديها هازاه لمح دمعة فعنيها ودخلات وشدات لباب هو تنهد وفيقو صوت ليلى
ليلى:عماد يلا
ضار لعندها وبتاسم:زيدي
طلعو فالدروج وجبد.الساروت وحل لباب ودخلو
عماد شد لباب:هنا جييت
شافها خارجة من لبيت وفيديها لكارو كتكميه :جيتي الكيداار عاد.تفكرتيني
ضحك وهو كيقرب ويطبع بوصة فجبهتها:كنت مشغول راكي فبالي
هي :ااصحافة والحفلات مامشغولش عليهم يحرق طاسيلتك كتجي فوقاش ما رشقات ليك يااك
عماد باس يد يها:وصافي هنا معاك دابة انبقا نجي نشوفك ديما غا حيدي هاد تغوبيشة اياامنة للحمقة
يامنة:تا ومك هوما لحمقين دوز تجلس
يامنة عاد شافت ليلى ورجعات شافت فيه:شكون هاد خيتي لي جايب معاك ليلى كتشوف فيها مرا كبيرة يكون عندها داك 80 عام شارفة وكتكمي فلكارو عماد مشا وشد ليلى من يديها:هدي ليلى اجدة عزيزة عليا بزاف

يامنة:عزيزة عليك ولا شي حاجة خرا
عماد:ههه ماشي داكشي لي فبالك هدي حالة خاصة ماشي بحال هادوك
وشاف فليلة وهو شاد فيديها:هدي ليلى ديالي
يامنة طلعات وهبطات فليلى :زيدي قربي
ليلى قربات عندها
يامنة مدات ليها يديها باش تبوسها
ليلى بقات كتشوف ماعجباتهاش ديك الطريقة مدات يديها وسلمات عليها عادي
يامنة بتاسمات:هكا نبغيك عجبتيني
ليلى مافاهمة والو فهاد لمرا الشارفة
يامنة:دوزو تجلسو
جلسو فالصالون
يامنة:مالك حشمانة راه غا مك يامنة هدي خودي راحتك
عماد كيخربق ليها شعرها:لقطة ديالي حشمانة هدشي جديد عليا
ليلى نترات يديه:بعد لي من شعري اويلي حي
عماد:ههههه كوغا بقيتي حشمانة
ليلى وهي كتقاد فشعرها:ونت كتخلي شي حد.حشمان
عماد:انا باغيك هكا
يامنة :شوفي ماضسريهش عليك عطيه ماتسكتيش ليه
ليلى:ويااه حاكر عليا اجدة
عماد:شمن جداك راه جدا انا
يامنة:لا عساك جداك انا
ليلى:سمعتي
عماد جرها لعندو وباسها من وجها:سمعت المشة
ليلى تنترات:اووف
يامنة:شنو تشربو راه ماكاينة غا هواي
ليلى:تاهي مزيانة
ناضت يامنة وجابت هواي وحطات لكيسان وكبات ليهم وجلسات:جبتي معاك شي باكية
عماد جبد باكية دلماربورو فتحها خدا واحد ومد ليها لباكية:لعفووو
يامنة خداتها:يعفو عليك نت وما انا ماوبقا قد ما فات ونمشي بحالي
وشعلات لكارو وبدات تكمي..عماد خدا منها لبريكة وشعل تاهو
ليلى كتشوف شهاد العائلة فشكل
عماد نتر نترة:هدي جدا مات لواليد هي لي رباتني تقريبا هي كتر من لواليدة فالمعزة ..واخة تشوفيها هاكة راه لقلب لحنين ماكاينش بحالها ...ديفو واحد.دارت لي هي نهار درت لاباس مابغاتش تمشي تعيش معايا بغات تبقا هنا
يامنة:انا ابنتي ولفت الحومة وصداع ولحيحة والزلط واخة هاد لكيدار مامخليني مخصوصة من والو..ماعنديش مع لفيلات وداكشي دلالييباا هههه
عماد:ايوا الله يهديك