لا تستفزي رجولتي كي لا ابعثر انوثتك

بارت 19

طاهرة بلا ماتحس علات عنيها جات نيشان فعنين امين بقات شحال كتشوف فيه وهي تنزل عنيها..ماباغاش الصدع مع ناصر

جات الخدامة:لعشا واجد

أحمد:ادن نوضو نتعشاو

ناضو كاملين الا طاهرة بقات جالسة شاف فيها ناصر:مالك

طاهرة وقفات:مافيا لي ياكل

ناصر:زيدي قدامي

تنهدات وتبعاتو لطبلة جلسات فبلاصتها كان جالس حداها ناصر واونفاص معاها أمين وجنات..وعاد.لارا لي جالسة حدا ناصر من جيهة لوخرت..واحمد مترأس الطبلة فالمقدمة..ناصر احتراما له خلا ليه بلاصتو..ماكان فيها ماياكول غير كتلعب بلفرشيطة فلماكلة .علات راسها لقات امين كيشوف فيها شافت جنات لي حداه ..تفكرات فاش كانت كتحلم شي نهار ايتزوج بيها تنهدات ونزلات عنيها مابغاتش تبقا تفكر فيه مزال..خاص تحيدو من بالها مايستاهلش ..سهات وهي كتلعب فلماكلة ..حتى كتحس بشي يدي على فخادها كان ناصر شافت فيه

ناصر:كولي

طاهرة ميلات شفايفها ببرائة:مافياش الجوع

ناصر ضغط على فخادها بيديه:قلت ليك كلي

طاهرة بدات كتمتم بصوت مامسموعش:ونت سوقك ناكل ولا ماناكلش

ناصر:شنو قلتي

طاهرة:هنا غناكل

هزات الفرشيط وبدات تنقب وتمدغ فلماكلة ماكاتسرطها على عام ..سلاو لعشا ناضت هي لولا دخلات لحمام غسلات يديها يلاه كانت خارجة وهي تلاقا بجنات بتاسمات ليها..وتا جنات بادلاتها الابتسامة

طاهرة:راني شتك ماكليتيش فخاطرك كنتي حشمانة

جنات بتاسمات ليها:تانتي ماكليتيش

طاهرة غير محيت مافياش الجوع

جنات كتافات ببتسامة ودخلات غسلات يديها..طاهرة رجعات لصالة ما لقاتهومش حتى كتسمع شي صوت موراها ضارت لقاتو أمين بغات تمشي وهو يشدها:اجي فين غادة

طاهرو بحدة:رخي مني ماتقيسنيش

امين زاد قربها لعندو:توحشتك

طاهرة ضربها الضو حسات بيه كيقولها من قلبو دور يديه على خسرها وهو كيزيد يقربها لعندو:ماقدرتش نساك.عارفك تانتي مانسيتينيش

طاهرة بلعات ريقها تبلوكات كان قريب ليها بزاف امين كيشوف فشفايفها وهو كيقرب شوية بشوية..كتحس بانفلسو حارين كيضربو على وجها كانت كتشوف فعنيه مزال فيهم نفس الشوفة فاش كان كيشوف فيها.شوفة حنينة كتخليها تنسى راسها..هبطات عنيها لشفايفو لي ولاو قراب ليها غمضات عنيها فاش حسات بيهم غيتحطو فوق شفايفها فلحضة حسات على راسها بعدات مابغاتش تضعف مابغاتوش يولي يقيسها :بعد منييييي