အပိုင်း ၁၇
.
.
.
" ဒါဘာလဲ တိုင်း!!..ဒီထဲက ဟာတွေကရော
ဘာတွေလဲ!!..."
အနက်ရောင် စာအုပ်လေးကို ကိုင်ပြီးမေးလာသော ကိုကို။
"အဲ့ဒါ..."
"အဲ့ဒါ ဘာလဲ...!! ပြော!! "
စိတ်မရှည်သလို ထပ်ပြီးမေးလာသော ကိုကို့ကြောင့် ကျွန်တော့်ခြေလှမ်းတွေ နောက်ကိုဖြည်းဖြည်းချင်း ဆုတ်မိသွားသည်။
"အဲ့ဒါက..."
" တိုင်း!!.."
တွန့်ဆုတ်တွန့်ဆုတ်ဖြစ်နေသော ကျွန်တော့်ရဲ့ ပခုံးတွေကို ဆုပ်ကိုင်ပြီး
ဒေါသတကြီးမေးနေသည့် ကိုကို့ကို ရင်မဆိုင်ရဲစွာဖြင့် ခေါင်းကို ငုံ့ချပစ်လိုက်၏။
စိတ်တိုနေတဲ့ ကိုကို့ကို သူရင်မဆိုင်ရဲပေ!
" မေးနေတာ ဖြေလေ!!...ဒီထဲက စာတွေက
ဘာတွေလဲလို့..ဘယ်လိုလုပ် မင်းဆီမှာ အဲ့စိတ်တွေ ရှိနေခဲ့တာလဲ! ဘယ်တုန်းက အခုလို..အခုလို......ဟာကွာ...တောက်!!!.."
ပခုံးပေါ်ရှိ လက်တွေရဲ့ ဆောင့်ခါတွန်းလိုက်မှုကြောင့် ကျွန်တော့်ခန္ဓာကိုယ်သည် အနောက်ဘက်သို့ ယိမ်းယိုင်လို့သွားသည်။ကြောက်ရွံ့မှုနှင့်အတူ စိုးထိတ်မှုတို့ကြောင့် တင်းတင်းဆုပ်ထားမိသော လက်သီးမှာ သွေးကြောစိမ်းများပင် ထောင်လို့နေတော့၏။
" ကျွန်တော်....ကိုကို့ကို.."
"မပြောနဲ့!!."
ပိတ်အော်ပစ်လိုက်သော ကိုကို့စကားသံကြောင့် ထိန်းထားနိုင်စွမ်းမရှိတော့သော မျက်ဝန်းအိမ်မှ ပုလဲမိုးတို့ အင်တိုက်အားတိုက် ပြိုဆင်းလာသည်။
" ဘာလို့လဲ တိုင်း...ကိုကို မင်းအပေါ်မှာ ညီအရင်းတစ်ယောက်လို သဘောထားပြီး ဆက်ဆံခဲ့တာလေ...။ဘာလို့ အဲ့လိုအတွေးတွေ မင်းဆီမှာ ရှိနေရတာလဲ...။ဟမ်!..ကိုကို့ဘက်က မင်းစိတ်ယိုင်လာအောင် ဘာတွေများ လုပ်ခဲ့မိလို့လဲကွာ....."
နောက်တစ်ကြိမ် ကျွန်တော့်ပခုံးကို ဆုပ်ကိုင်ပြီး ပြောလာသော ကိုကို့အသံတွေဟာ တုန်ယင်နေသလို ကျွန်တော့်ရဲ့ ခန္ဓာကိုယ်ဟာလည်း တုန်ယင်နေခဲ့သည်။
တာကျိုးသလို စီးကျလာသော မျက်ရည်တွေကို မသုတ်နိုင်ဘဲ ကြောက်ကြောက်လန့်လန့်နှင့် ကိုကို့ကိုသာ ငေးစိုက်ကြည့်လိုက်၏။
YOU ARE READING
3. NEEDED ( Completed)
Подростковая литератураTitle~~ Needed writer~~ Hnin Yhine All episode ~~65 တစ်စုံတစ်ဦးအတွက် တစ်စုံတစ်ယောက် လိုအပ်သလို တစ်စုံတစ်ယောက်အတွက်လည်း တစ်စုံတစ်ဦး လိုအပ်နေတတ်သော..... needed.. Zawgyi တစ္စုံတစ္ဦးအတြက္ တစ္စုံတစ္ေယာက္ လိုအပ္သလို တစ္စုံတစ္ေယာက္...
