အပိုင်း ၂၁
.
.
.
" ကြောက်တယ်"
" ဟင်"
သိမ့်သိမ့်တုန်အောင် ငိုရှိုက်နေသော ကလေးငယ်ကြောင့် တိုင်း ဆောက်တည်ရာမရဖြစ်သွားသည်။
ရင်ခွင်ထဲက ကလေးငယ်ကတော့ ဆွဲခွာလို့မရအောင်အထိ အတင်းပူးကပ်လို့။
" ကျွန်တော့်ရဲ့ မျှော်လင့်ချက်လေး ပျက်ဆီး
သွားမှာကို ကြောက်တယ်"
"ရိုင်း"
"ကျွန်တော် သူ့ကို ရှာမတွေ့တော့မှာ ကြောက်တယ်"
"ရိုင်း...ကိုယ့်ကိုကြည့်!"
" သူ့ကို မတွေ့နိုင်တော့မှာ တကယ်ကြောက်တယ်"
"ရိုင်း! ဒီမှာ..ကိုယ့်ကို ကြည့်စမ်း!"
" သူ သူ...ကျွန်တော့်ကို မသိလိုက်မှာလဲ ကြောက်တယ် ဟင့်..."
ရင်ခွင်ထဲက မထွက်ဘဲ စကားတွေ တတွတ်တွတ်ပြောပြီး ငိုရှိုက်နေသော ကလေးငယ်ကို တိုင်း အတင်းဆွဲဖယ်ပြီး မျက်နှာကို လက်တွေနှင့် ခပ်ကြမ်းကြမ်း ဖိကိုင်လိုက်ကာ
" ကိုယ့်ကို သေချာကြည့်စမ်း!!..ရိုင်း!..."
သူ့ရဲ့ လေသံမာသွားတာကြောင့် ငြိမ်သက်သော ကလေးငယ်ဟာ မျက်လုံးဝိုင်းတွေနှင့် ပြန်ကြည့်လာသည်။ ထိုအခါ နီတွတ်နေသော မျက်ခွံဖောင်းဖောင်းလေးများအောက်က မျက်လုံးတွေမှာ အရင်လို တောက်ပမှုတွေပျောက်ဆုံးနေသည်။ ပြည့်အိုင်နေသော မျက်ရည်စတွေကလည်း ပါးပြင်ရဲရဲလေးပေါ် တစ်လိမ့်ချင်း ကျဆင်းလို့နေလေ၏။
" အိပ်မက်...."
"..."
" တကယ်မဟုတ်ဘူး! အိပ်မက်ပဲ။
အဲ့ဒါကြောင့်....စိတ်ကိုလျှော့...။
ကိုယ်ပြောတာ ကြားလား..အိပ်မက်ပါ..။
အခု နိုးလာပြီ...အိပ်မက်က ပျောက်သွားပြီ "
တဆတ်ဆတ်တုန်ယင်နေသော နှုတ်ခမ်းပြည့်ပြည့်လေးက ဖြည်းဖြည်းချင်း လှုပ်ခါနေသည်။ သူ့မျက်နှာကို ငေးရင်း လှုပ်လှုပ် လှုပ်လှုပ်နှင့် နှုတ်ခမ်းလေးတွေက ရေရွတ်သံလေးတွေ စိပ်လို့လာ၏။ တစ်စတစ်စကျယ်လာသော အသံတုန်တုန်လေးတွေကြောင့် အခုမှပဲ တိုင်းမှာ စိတ်သက်သာရာ ရသွားရသည်။
YOU ARE READING
3. NEEDED ( Completed)
Teen FictionTitle~~ Needed writer~~ Hnin Yhine All episode ~~65 တစ်စုံတစ်ဦးအတွက် တစ်စုံတစ်ယောက် လိုအပ်သလို တစ်စုံတစ်ယောက်အတွက်လည်း တစ်စုံတစ်ဦး လိုအပ်နေတတ်သော..... needed.. Zawgyi တစ္စုံတစ္ဦးအတြက္ တစ္စုံတစ္ေယာက္ လိုအပ္သလို တစ္စုံတစ္ေယာက္...
