အပိုင်း ၃၉
.
.
.
အေးမြသောဝင်းပပလမင်းကြီးကိုကြည့်ပြီး သူ့ရင်တွေပူလောင်လာသည်။
အခုလိုငြိမ်သက်နေတာ မကောင်းဘူး။
ထိုစဥ်ဘေးနားမှလေတိုးသံက မွှေးပျံ့ပျံ့ရနံ့ကိုသယ်ဆောင်လာ၏။
သူနှစ်သက်သည့် ထိုရနံ့က အခုများတွင်တော့သူ့စိတ်ကို မဖြေလျော့စေနိုင်ခဲ့။
" ရန်လေး..."
ချိုုသာသော်လည်း အက်ကွဲမှုတွေပျော်ဝင်ရောနှောနေသည်က ကြားရုံနှင့်ခံစားမိသည်အထိ။
ရှင်းလင်းကျယ်ပြန့်သောကားလမ်းမကြီးသည် ညအမှောင်ယံရဲ့မလင်းတလင်းလရောက်အောက် တိတ်ဆိတ်ခြောက်ခြားဖွယ် ကောင်းနေသည်။
" ညက ဘာလို့မှောင်မိုက်လွန်းနေတာလဲ ဟင် ။
ငါ့ကို မွန်းကျပ်အောင် ပိုလုပ်နေသလိုပဲ "
ကားနောက်ဖုံးကိုဖွင့်ပြီးထိုင်နေသော လူနှစ်ယောက်၏အကြည့်တို့က တစ်ခြမ်းပဲ့လကွေးကွေးလေးဆီမှာသာ အခြေတည်သည်။
ပူးကပ်သောအနေအထားမဟုတ်သော်လည်း ကျယ်လောင်နေသောနှလုံးခုန်သံတစ်ခုကို ထိုသူနှစ်ယောက်လုံးကြားနေရ၏။
ဆွေးမြေ့မြေ့မျက်ဝန်းလှတွေက ပုလဲကြွေသည့်အခါ မကြည့်ရက်သောလခြမ်းကွေးလေးသည် တိမ်တွေကြားထဲပြေးဝင်သည်။
သူမဘေးက တိမ်လေးဟာလည်း ဖြည်းဖြည်းချင်းပဲ့ကြွေနေ၏။
" အဟက်.....အရူးတစ်ယောက်လို လုပ်မိပြန်ပြီ "
ဆေးရောင်ပြယ်လွင့်နေသောပါးပြင်ကို ခပ်ကြမ်းကြမ်းဖိသုတ်ပြီး သူမဟာ ခပ်ဟက်ဟက်ရယ်သည်။
ရယ်သံတွေကလည်း....ကျိုးပဲ့နေခဲ့ပြန်သေး၏။
နှစ်သိမ့်ဖို့စကားရှာမရသည့်အခါ ငေးငေးလေးပဲကြည့်နေလိုက်သည်။
သူမဟာ လှသည်။
ပန်းချီဆရာတွေ မရေးဆွဲတတ်အောင်...
ပန်းပုဆရာတွေ မထုလုပ်တတ်အောင်....
ကဗျာဆရာတွေ မဖွဲ့နွဲ့တတ်အောင်.....
သူမဟာ...... ဆန်းကြယ်စွာ လှသည်။
မျက်ရည်များနှင့်လည်း လှသည်။
ဒေါသထွက်သည်အခါ ရဲနေတတ်သည့်ပါးပြင်တွေကလည်း သူမကိုပိုလှစေသည်။
ငေးကြည့်ချင်းတွေဟာလည်း လှပမှန်း သူမကိုတွေ့မှ သိခဲ့ရသည်။
အမြဲငေးကြည့်ချင်သည်.....
အမြဲ မြင်တွေ့ချင်သည်....
အမြဲ...အမြဲ....
ချစ်နေချင်သည်။
YOU ARE READING
3. NEEDED ( Completed)
Novela JuvenilTitle~~ Needed writer~~ Hnin Yhine All episode ~~65 တစ်စုံတစ်ဦးအတွက် တစ်စုံတစ်ယောက် လိုအပ်သလို တစ်စုံတစ်ယောက်အတွက်လည်း တစ်စုံတစ်ဦး လိုအပ်နေတတ်သော..... needed.. Zawgyi တစ္စုံတစ္ဦးအတြက္ တစ္စုံတစ္ေယာက္ လိုအပ္သလို တစ္စုံတစ္ေယာက္...
