အခန်း(၁၁၈) ဘယ်သူက သူလျှိူလဲ
Red Fox သူမအခုခံစားချက်ကိုအတိအကျမပြောနိုင်ဘူး။ သူမလုဖုန်းနဲ့အတူ အလုပ်လုပ်လာတာ ငါးနှစ်ခြောက်နှစ်လောက်ရှိပြီ။ တစ်ချိန်တည်းမှာပဲ အတွေ့အကြုံမရှိတဲ့လူငယ်လေးကနေ ဩဇာကြွယ်တဲ့ခေါင်းဆောင်တစ်ဦးဖြစ်လာတဲ့အထိ စောင့်ကြည့်ခဲ့တယ်။ ဒါကြောင့် လုဖုန်း ချန်ကျန်းအန်းအပေါ်ထားတဲ့ခံစားချက်ကို သူကောင်းကောင်းသိတယ်။ လုဖုန်းကချန်ကျန်းအန်းကိုအမှန်တကယ် နက်နက်ရှိုင်းရှိုင်းချစ်နေသူဖြစ်သည်။ ချန်ကျန်းအန်းမရှိတဲ့နောက် လုဖုန်း ကိုယ်အလေးချိန်ရောစိတ်ဓာတ်ပါ တစ်နေ့ထက်တစ်နေ့ကျလာတာကို သူမဘာမှမတတ်နိုင်ဘဲ ကြည့်နေခဲ့ရသည်။
တကယ်လို့များ သူမတတ်နိုင်ပါရင် လုဖုန်းရဲ့အတိတ်ကိုမေ့အောင်လုပ်ပေးဖို့တစ်စုံတစ်ယောက်လောက်သူမရှာပေးလိုက်ချင်ပါရဲ့။ အခြားတစ်ဖက်မှာလည်း ချန်ကျန်းအန်းရဲ့နောက်လိုက်တစ်ယောက်အနေနဲ့ ချန်ကျန်းအန်းအပေါ်ထားတဲ့လုဖုန်းရဲ့ခံစားချက်ကိုထာဝရမြဲနေစေချင်ပြန်တယ်။ အခုလို ရုတ်တရက်အမျိူးသားတစ်ဦးက လုဖုန်းကို သူ့ရဲ့ ရှူးဂါးဒယ်ဒီလို့ပြောလိုက်တော့ ဘယ်နဲ့မအံ့ဩဘဲနေရပါ့မလဲ။ သူမရဲ့အတွေးတွေဝိရောဓိဖြစ်၍ရှုပ်ထွေးကုန်သည်။ ဒါပေမယ့်လည်းသိပ်မကြာလိုက် ချန်အန်းရဲ့စကားက သူမအာရုံကို တစ်ဖန်ပြန်ဆွဲယူလိုက်သည်။
'' အရှေ့တိုင်းအဖွဲ့အစည်း ခေါင်းဆောင် အဲရဖက်က ဒီတစ်ခါ LA ကို မလာဘူးလား ''
ချန်အန်းကဘယ်လိုလုပ် အရှေ့တိုင်းအဖွဲ့အစည်းဝန်ကြီးသိနေရတာလဲ။ ဒီအသိုင်းအဝိုင်းထဲကလူတစ်ချိူ့လောက်ပဲ အရှေ့တိုင်းဌာနခွဲကိုဦးစီးတဲ့သူဘယ်သူဆိုတာသိချင်သိလိမ့်မယ်။ ဒါပေမယ့် လုဖုန်းအတွက်တော့ ချန်အန်းဆိုတာ ဒီနယ်မြေထဲကံချွတ်ချော်လို့ခြေကျွံမိတဲ့ သာမန် အပြစ်မဲ့ပြည်သူတစ်ယောက်ပဲ။
လုဖုန်းက မျက်မှောင်အနည်းငယ် ကြုတ်ကာမေးလိုက်သည်။ '' ခင်များ အဲရဖက် ကို သိတယ်ပေါ့? ''
''အဲရဖက်ကို သိရုံတင်ဘယ်ကမလဲ ။ သူကလည်း တောင်ပိုင်းဌာနရဲ့ဦးစီးမှုဆိုတာပါသိတယ်။ အရှေ့တောင်အာရှနဲ့တောင်အာရှဖက် မှာ ကူးသန်းလက်နက်ရောင်းဝယ်မှုကြောင့် သူ့ရဲ့နာမည်ပြောင် Red Fox က ကျော်ကြားတယ်လေ။ '' ချန်အန်းက သူ့နံဘေးက အမျိူးသမီးကိုပြုံး၍ကြည့်လိုက်သည်။
YOU ARE READING
Rebirth of Chen An【Zaw + uni】
Romanceလက်နက်ရာဇာချန်ကျန်းအန်းဟာသစ္စာဖောက်လက်ထဲကိုယ့်ကိုယ်ကိုယ်အဆုံးစီရင်ပြီး အခြားခန္ဓာတစ်ခုမှာပြန်နိုးထလာခဲ့တယ်။ သဘာဝဖြစ်ရပ်လွန်ကိစ္စအတွက် ချန်အန်းဟာအထူးတလည်းအံ့ဩမနေပါဘူး။ မသေခင်ကမြေခွေးအိုလို့နာမည်ကြီးတဲ့သူဟာ ခန္ဓာပြောင်းသွားလဲ ဘဝကိုဘယ်လိုအနိုင်ယူရမယ်ဆိ...
