အခန်း (၁၆၄) အာဖရိကကို လယ်စိုက်ဖို့သွားမယ်
'' ဟေ့ ဟေ့ ဟေ့ မင်းတို့ပြောတော့ မကောင်းတာတွေမလုပ်ကြတော့ဘူးဆို။ အခုကဘယ်လိုဖြစ်တာလဲ'' အိုင်ဗန်က ဘုတ်ပြားပေါ်ကရမှတ်ကိုမကျေနပ်စွာကြည့်ရင်းဆိုသည်။ ရလဒ် 187 ထဲမှာ သူ့အမှတ်မပါဘူးလေ။ သူအားကြိုးမာန်တက်ကူညီထားတာတောင်မှဒီလိုခွဲခြားဆက်ဆံခံရလို့မကျေနပ်ပေ။
ဝက်ဝံကြီးနဲ့ငြူစူနေမှုကိုသတိထားမိသည့်ချန်အန်းက အနားကိုလျှောက်သွားပြီး အိုင်ဗန်ကိုဖက်လိုက်သည်။ ''မင်းကောင်းကောင်းလုပ်ခဲ့ပါတယ်''
ချန်အန်း၏နဖူးပေါ်တွင်မက ခန္ဓာကိုယ်တစ်ခုလုံးလည်းချွေးများဖြင့်ရွဲနစ်နေသော်လည်း အိုင်ဗန်အနေနဲ့မသတီစိတ်မဖြစ်ဘဲ ဆန့်ကျင်ဘက် စိတ်ကြွလာစေသည်။ ဒီအမှတ်တမှတ်ပွေ့ဖက်မှုက အိုင်ဗန်ကိုအနည်းငယ်တော့ပီတိဘဝင်မိစေ၏။
'' ဥာဏ်များတဲ့မြေခွေးအိုကြီး! '' မကျေနပ်ချက်များကရင်ဘတ်မှအငွေ့ပျံ၍ စိတ်ချမ်းသာမှုများဝင်ရောက်လာသည့်အိုင်ဗန်က မိမိရင်ခွင်ထဲမှလျော့ရဲရဲလူသားကိုပြန်ဖက်ထားလိုက်သည်။ ကစားပွဲအတွက်သူတို့မှာလူစားထိုးမရှိတာကြောင့် ငါးယောက်လုံးအ
နားယူချိန်မရဘဲ ဆက်တိုက်ဆော့ကြရသည်။ ချန်ယန်းတို့လို အားအင်ပြည့်နေတဲ့လူငယ်လေးတွေနဲ့ယှဥ်ရင် ချန်အန်းကတော့ဇရာအရလိုက်မမှီတော့တာကငြင်းမရသည့်အမှန်တရားပင်။ အသင်းခေါင်းဆောင်လည်းဖြစ်တာကြောင့် ကာယခွန်အားသာမက စိတ်နဲ့ဥာဏခွန်အားပါအသုံးပြုထားရသည့်ချန်အန်းတစ်ယောက်ယခုအချိန်မှာ အိုင်ဗန်လက်မောင်းကြားကထွက်ဖို့စိတ်ကူးတောင်မရှိတော့ပေ။ ဘေးမှာပရိတ်သတ်တွေသာမရှိရင် အိမ်အထိ ငါ့ကိုချီသွားစမ်းလို့ပြောလိုက်မိဦးမည်။
အခြားသူတွေက သူ့ဆီအမြန်ပြေးလာကြပြီး ခဏကြာအားပြန်ရလာတော့အားလုံးကိုသူပွေ့ဖက်ပြီး ချီးကျူးလိုက်သည်။ ကစားသမားအချင်ချင်းပွေ့ဖက်မှုကသာမန်ဖြစ်သော်လည်း ခံစားချက်ရှိနေသူများအဖို့မှာတော့ မျက်နှာမှာရှက်သွေးဖြာလျက်ရင်ခုန်သံမြန်နေကြ၏။
ချန်အန်းတို့ဘက်မှာပျော်ရွှင်လျက်ကြည်နူးစရာကောင်းနေကြသောလည်း ပြိုင်ဘက်အသင်းကမှုရှက်ရွံမှုကြောင့်ခေါင်းငိုက်စိုက်အံ့ကြိတ်နေကြရသည်။ ကစားနေစဥ်အတွင်းမှာလည်း သမာသမတ်ကစားလျင်မနိုင်မှန်းသိတော့ ညစ်ဖို့ကြိုးစားကြည့်ခဲ့ကြပေမယ့်ချန်အန်းကိုမကျော်နိုင်ကြ။ တစ်ဖက်ကိုသွားဖို့ကြိုးစားတိုင်း ချောင်ပိတ်ခံရတာနဲ့ပြိုင်ဘက်ရဲ့ထိုးစစ်ဆင်ခံရတာနဲ့ကိုယ့်အသင်းသားကိုယ်ပြန်တိုက်မိတာနဲ့ ပရိတ်သတ်ရဲ့ရှုံ့ချသံတွေအောက်မှာ ရုပ်ပျက်ဆင်းပျက်ရှုံးခဲ့ကြသည်။
VOUS LISEZ
Rebirth of Chen An【Zaw + uni】
Roman d'amourလက်နက်ရာဇာချန်ကျန်းအန်းဟာသစ္စာဖောက်လက်ထဲကိုယ့်ကိုယ်ကိုယ်အဆုံးစီရင်ပြီး အခြားခန္ဓာတစ်ခုမှာပြန်နိုးထလာခဲ့တယ်။ သဘာဝဖြစ်ရပ်လွန်ကိစ္စအတွက် ချန်အန်းဟာအထူးတလည်းအံ့ဩမနေပါဘူး။ မသေခင်ကမြေခွေးအိုလို့နာမည်ကြီးတဲ့သူဟာ ခန္ဓာပြောင်းသွားလဲ ဘဝကိုဘယ်လိုအနိုင်ယူရမယ်ဆိ...
