الحلقة 19:
عند حياة :
هبطت لعند والديها الي باسولها راسها وتبسمو معاها .
صلاح : روحي يا بنتي راني راضي عليك دنيا وآخرة ، انشالله نشوف ولادكم نتي وهشام .
صليحة : انشاالله يا ربي ،وكتاه ناويين ديرولنا العرس .
هشام : والله يا خالتي ،الظاهر بنتك راهي تشرط علينا .
شافت معاهم في ثلاثة وتبسمت ،ضحكوا على خجلها وراحو يروحو ، ركب هشام من قدام وحداه باباها و وراهم أمها وهي ، كان كل دقيقة يضرب عينو عليها من لمراية ويتبسم ، واخيرا وبعد ما جرا وراها لأعوام قبلت بيه، بالنسبة ليه حياة فتاة أحلامو وحبو الاول ومن أول نظرة قدرت تخطف قلبو بخجلها وتربيتها ، بالرغم من أنو واجه مشاكل باش خداها بحكم انها يتيمة ومتكفلين بيها والمجتمع ميرحمش لكن ربي سهلوا ورضاو والديه فالأخير بعد ما شافوها وسقساو عليها . وصل لدارهم و ودعهم ، مين جا هابط قالو .
هشام : عمي صلاح معليش نهدر معاك دقيقة .
صلاح : تفضل ولدي .
هشام : والله يا عمي راني ناوي نسرع العرس ، يعني راحي حققت حلمها ماشاالله و نجحت ،درك لازم نتزوجوا .
صلاح : يا ولدي انا راني معاك و الراي رايها ، منبعد نفاتحها فالموضوع والي فيه الخير ربي يجيبهولكم ا ولدي .
هشام : انشاالله يا عمي .
ودعوا وراح وهو طاير من الفرحة يسخايل فيها مرتو وفي دارو .
____________
عند آدم و عاطف :
شاف وحدة من بعيد جايا صوبو تتمايل ، لولهة اتصدم من لباسها الي مكانش اصلا وأفأف وهو يهدر مع روحو .
آدم : ففف يخي تربية ياخي ، ايه يا آدم واش كنت تستنا مثلا تلبسلك جلباب وهي جايا هنا . استغفر الله .
رجع شاف مع وجها وهاذ المرة قدر يميزها ، جبد هاتفو وفتح الصورة لقاها نفس البنت الي يحوس عليها .
آدم : ايييه ارواحي ارواحي جابك ربي .
👩: ممم نقدر نقعد .
آدم : بيانسور تفضلي .
👩: ممممم لالا نقعد هنا .
أشرتلو بيدها على حجرو أفأف و قال وهو يضحك ضحكة من فوق قلبو .
آدم : واش رايكي نبدلو لبلاصة كاملة .
وغمزها .
ضحكت معاه وقاتلو .
👩: كنت حشمانة نقلك انا ، مي مدامك هدرت أكيد راني موافقة .
هدر مع روحو بصوت شبه مسموع .
آدم : اييه يا وجه الحشمة .
👩: كيفاش .
آدم : اه قتلك وانا نموت على الحشمة .
👩: هههه يلا يلا .
جبدتو من يدو ورايحا مديتو لدروج وهو عينو تحوس على عاطف الي كان في عالم آخر يشطح معلابالوش بالدنيا ولبنات ملمومين عليه ، كان كل همو يتمتع اصلا مكانش يخليه يجي لهاذ لبلايص . طلب كأس خلاف و بقا يشرب فيه واحد ورا الثاني . حس بدوخة خرج يستنشق شويا هوا برا ويسترجع قوتو .
_________
عند حياة :
صلاح : يا بنتي راه هشام مزروب وحاب تتعجلوا فالزواج .
حياة : أما ..
صليحة : مكان والو ابنتي وافقي هشام مكانش كيفو اصلا راكم مخطوبين .
حياة : اوك انشاالله .
صلاح : معناها نعيطلو نخبرو بالخبر لمليح ونجي .
راح لغرفتو وعيطلو .
صلاح : الو يا ولدي جيت نبشرك ... ايه ايه قبلت يا ولدي . دركا ..ممم اوك ، لالا يا ولدي راني مداير فيك ثقة اتهلالي فيها برك .
غلق عليه الخط ورجع عندهم .
صلاح : حياة بنتي صلاح راهو حايب يخرجك هاذ الليلة تتعشاو مع بعض وتتفاهموا على بعض النقاط .
حياة : لالا بابا مانيش حايبة .
صلاح : يهديك ربي يا بنتي لازم تتفاهمو على كلش ، روحي يا بنتي ومتخافيش هشام راجل .
بعد اقناع منهم اقتنعت وراحت توجد روحها .
__________
طلع معاها وهو يدقق في كلشي من حولو ، زاد شويا و وصلو لبيت دخلتو وقعدت جنبو ، مدلها كاس تشرب و هي بدورها قبلتو وشربت بدون ما تلاحظ انو حط فيه المخدر ، بعد دقائق غفات ، وخلاتو يخدم خدمتو ، هكر كل هاتفها واي حاجة دخلت ليها باسمها او رقم هاتفها وتبسم بشر .
آدم : مممم والله وصلحت في حاجة يا عاطف .
____________
عند هاجر :
راحت عند باباها الي لقاتو غارق في اوراقو وشعرو مبربش طبطبت باش يلاحظ وجودها . شاف معاها مفزوع وقاللها .
منير : مالكي يا بنتي راكي صفرا .
تبسمت معاه وكتبتلو في لوحها .
هاجر : والو يا بابا راني عيانة وحايبة نروح .
شاف مع الاوراق المهمة الي عندو وهي فهمتوا وقاتلو .
هاجر : بابا متخافش عليا راني كبيرة.
بعد تأكيد منها وافق وخلاها تروح وحدها بالرغم من انو الجو كان ممطر .
هشام 👇
