الحلقة 55:
عند إلياس :
سمع طبطيب في بيتو ، حرك عينيه بشوي ، حتا فطن ، شاف مع بابو وناض دايخ ، فتح الباب لقاها واقفة قدامو تتبسم .
وسام : صباح الخير .
رد بصوت نعسان .
إلياس : صباح النور
وسام : يلاا ،راح تبقا ناعس؟ يلاا نروحو ل السبيطار .
شاف معاها وشاف مع الساعة لقاها 6 تاع الصباح ، قدم يديه لشعرها فرفشهولها وهو يحكي .
إلياس: راهو مازال الحال يا بنتي.
رجع راح ينعس دخلت عندو حكمت يدو وتجر فيه غسلتلو وجهو ، الشي الي خلاه يضحك ،
إلياس: راكي متحمسة كتر مني .
ضحكت وردتلو .
وسام : اييه بزاااف .
صونا تلفونو ،راح جيهتو وهو مستغرب شكون يعيطلو في هاذ الوقت ،مين شاف اسمو تبسم وحكا بصوت خفيف .
إلياس : الظاهر ،خوك تاني راهو متحمس.
شافت معاه وقالت .
وسام : قلت شي؟
إلياس : اه لالا .
رد على هاتفو .
إلياس : الو .
آدم : اه مليح الي راك فاطن .
شاف معاها وبعد عليها وردلو .
إلياس: والله الظاهر أنكم خاوة بلا منشوف الاختبار نايضين في زوج بكري تحسب عسكر.
آدم : وجد روحك برك ،درك نعدي عليك ونروحو لزوج .
إلياس : لا ،راهي جايا معايا ،نتلقاو لتم .
آدم : علاش راهي جايا ؟ متقليش برك انك خبرتها .
إلياس : لا ، راحين على موضوع خلاف .
آدم : ياك مابيها والو .
إلياس : لا متخافش ،حبت برك تشوف المشفى الي نخدم فيه .
آدم : اه إذا هكذا معليش ، حقا وين تخدم .
جاوبو وهو يقلو اسم المستشفى .
آدم : وشنو ؟
إلياس: مالك ؟
آدم : لا ، ولشي . منبعد نتلقاو .
إلياس: باي .
قطع الخط وبقا يخمم علاش تفجع مين عرف المستشفى ، تنهد ورجع عندها يشوف فيها كيفاش تخيرلو في القش الي يلبسو ، ضحك وقدم ليها شكرها وقال .
إلياس : روحي نتي تاني عدلي روحك شوفي واش تلبسي .
فرحة وراحت تجري .
_________
عند وتين :
فطنت بكري عدلت روحها وبعتت ميساج ل هيا .
هاجر : نووضي ،راني علابالي بيك خامرة
ناضت عملت روتينها ، قابلت لمراية وعدلت شعرها ، لبست قشها وهبطت تفطر .
منير : صباح الخير بنتي .
تبسمت معاه وراحت باستو من راسو ، جات جداتها وهي حاملة لفطور ،راحت حتا هي باستها من راسها ونحات من يديها السنيوة ومشات بيها ل الطابلة .
خديجة : مرسي يا بنتي .
شافت معاها بإمتنان وبعتتلها بوسة فلهوا ، قعدو يفطرو ، حتا وصلتها رسالة من هيا .
هيا : راني نضت درك عادا ، واقيلا نتوخر شويا .
ضحكت ورجعت تلفونها لجيبها ، ديما تتوخر ماشي حاجة جديدة .
ناضت وجات رايحا .
منير : استناي بنتي انا نوصلك .
تبسمت حكمت في يديه وراحت معاه ، ركبو فالطاكسي بعد ما ودعو خديجة وديماراو ل السبيطار .
__________
عند وسام :
قاعدة تشوف مع روحها ف لمراية ، راضيا على روحها ، تبسمت بحرقة وهي تشوف في شعرها المنكوش ، تمنات لوكان جات تعرف تضفرو ، طبطب ودخل شاف عبوسها ، صفر عامل نظرة اعجاب وقاللها .
إلياس : واقيلا منديكيش معايا راني بدلت رايي.
شافت معاه بشوفة
إلياس : خايف كون نديك يهربو بيك ، شوفي كيفاش جيتي شابة .
ضحكت معاه وقاتلو .
وسام : اما هذا ماشي شباب ، شوفو كيفاش .
تحكي وتتملس في شعرها .قدم ليها وشاف مع خيالها الي ف لمراية وهو يحكي .
إلياس : أي حاجة فيك شابة ، خصوصا شعرك المنكوش الي يميزك .
وسام : بصح انا راني حابتو ضفيرة .
طل عليها .
إلياس : هاذي برك ؟
قدم ليها وبدا يضفرلها فيه وهي تتبسم ، بالنسبة ليها هو البطل تاعها ومنقذها ، مكانش حاجة ميعرفش يديرها . بعد ما خلص جاب مراية صغيرة حطها ورا شعرها باش قدرت تشوف انعكاس الصورة فلمراية لكبيرة وتكلم .
إلياس : عجباتك ؟
شافت معاه بضحكة وعملتلو براسها ايه ،والدنيا ماش سايعتها .
إلياس : معناها يلا بينا نروحو .
وسام : اووك .
حكم يديها وراحو يخرجو من الدار ، ركبها في طونوبيلتو وركب هو تاني ،ديمارا وراح ل السبيطار .
_________
عند فؤاذ :
حس بالدار فارغة بلا بيها ، راح لبيتها ، بقا يشم في ريحتها الي معبية المكان ، تبسم للحظة خمم علاش دخل لهاذ الدومان واش فائدة السلطة الي عندو وهو كان قادر يعيش مع ولادو ومرتو كأي شخص فهاذ الدنيا ، قطع تفكيرو الميساج الي دخلو .
: سيدي ، الاجتماع راح يكون هاذ الايام ، صدر روحك .
تبسم وراح لبيتو ، فك خزانتو الي غير مسموح لحتا واحد خلاف يروح ليها ،قابلتو خزنة كبيرة ، حط الشيفرة ، تفكت وقابلو قناعو ، شاف معاه وتكلم .
فؤاذ : نتمنى تكون كيف باباك يا ولد رحماني ،وتسعى ل الانتقام ، راني مليت حياتي بلا مغامرات هههه ، شاف مع القلادة الي جنب القناع ، فتحها وشاف مع صورتهم ، غلقها وعلقها في صدرو . وهو يقول .
فؤاذ : وين رحتي يا وتين ،وييييين.
