الحلقة 71:
دخلت ترجف ، وهو من وراها ، تقدمت ل الغرفة ،دخلت وراحت تغسل وتتوضا باش يصلو ، مين شافها دخلت تبسم بسخرية ، نحا تريكوه وتسطح على لفراش ، بعد دقايق خرجت وهي لابسة عباية ، شافت معاه وقاتلو بصوت حشمان.
حياة : ادخل نتا تاني اتوضا باش نصلو .
شاف معاها باستغراب ونفد أمرها ، توضا وهو يتبسم ، ميعرفش لكن موالف يشوف آسر .
تحط قدامها مين خلص وهي وراه ، وبدا يصلي مع أنو ميعرفش 100% ، يقلد فالحركات برك ، مين خلص شاف معاها لقاها حتا هي خلصت وحشمانة ، قدم جيهة الضو وطفاه ، وهو حالف انو يعاملها معاملة تليق بيها .
__________
جا ، الصباح ، نوضتها أشعة الشمس الي دخلت ، ناضت فرحانة من ليلة البارح وعرسها ، وأخيرا ولات مرتو ، حالفة ليوم تخبرو شكون هي ، خليه حتا هو يفرح معاها ، شافت جيهتو ملقاتوش .
ناضت بشوي تحوس عليه ، غير شافتو فالصالة ضحكت وقدمت ليه . حبسها بكلامو .
عاطف: متقدميش ، من اليوم متقدميش ليا .
كلامو تعاود في وذنها ، ضحكت وقاتلو .
حياة : وشبيك عاطف ؟
عاطف: واقيلا تحسابلك صح انا نقبل بوحدة كيفك ، بنت الملاهي ف الليل وشريفة مكة فالنهار .
بقات تشوف معاه عينيها تحلو ، كل كلمة يقولها تدخل لعقلها ولكن بدون جدوى ، ماهيش فاهمة هدرت بصوت يرعش.
حياة : ك كيفاش؟
عاطف: كيما راكي تسمعي ،
هز الڨارو جبد جبدة ونسفها وهو يحكي معاها .
عاطف: الحقيقة نتي كنتي انتقامي ،برك ، انتقام من هشام ، الي بيني وبينو عداوة ، هههه والصراحة اسهل انتقام عملتو ، الفريسة جات ليا من يومها .
طاحت على ركبتها ماش مصدقة الشي الي تسمعو ، قرب ليها حتا من هو قعد في مستواها وتكلم .
عاطف: واقيلا تحسابلك اني صح حبيتك ؟ ومن اول نظرة ، ههههه واش كاين فهاذ المخ.
غمضت عينيها لثواني وفتحتهم وبدون ما تحس ،عطاتو كف ، الشي الي خلاه يهيج ، حكمها من شعرها ورجعها ل البيت وطاح عليها يضرب فيها ويسب . وهي ولا على بالها ، ماهيش حاسة بوجاع الضربات الي تاخد فيهم ، لانو كاين وجاع اقوى فيها ، وجاع قلبها .
توقف وهو يلهث وتكلم بصوت خشين .
عاطف: نتي الي بغيتي الجحيم ، اقبلي بيه ، مارانيش مطلقك ، تطلعي لسما وتهبطي ، رايحا تبقاي تعيشي فهاذ لعذاب معايا انا .
تبسمت بقهر ، حطت يديها على قلبها تحكي بينها وبين روحها .
حياة : لوكان تعرف هاذ القلب واش مخبي ليك تندم يا عاطف وجودك ماهوش عذاب ،
هبطو دموعها وهي تلوم في قلبها وعقلها ، بالرغم من انو قتلها بالضرب وقرر ياخدها غير باش ينتقم من هشام ، الا انها مازالت تحس بالحب .
خرج وخلاها فالارض لحمها كلو أزرق وعينيها معمرين دموع . سند على الباب حاسس بذنب جيهتها ، ليلتهم البارح تعاودت في مخو ، مراهوش حايب يطيح فيها ، ماشي هاذي خطتو ، اصلا هو يحب ، مازال يحبها ، اول حب في حياتو حياة تاع الميتم ، مينكرش انو هاذي تاني زعزعت فيه بزاف حوايج ، لكنو مقادرش ، شاف مع يديه وقرر ميزيدش يضربها ، لكن يعاملها بطرق خلاف يخليها تندم على الكف الي خداه من عندها .
____________
بعد مرور 5 أشهر :
عند آسر :
آسر الي كان مع حليم فالمكتب .
حليم : وكتاه راك باغي تخلص عليه ؟ 5 اشهر عداو من معرفتنا شخصيتو ومكان حتا شي ؟
آسر : مازااال راني نستنا ف اللحظة المناسبة.
حليم : عندنا أدلة بزاف تدينو .
آسر : راني حايبو ميت ، ماشي مسجون ، ميهمونيش الادلة ،
حليم : وبالنسبة لبنتو الي حكيتلي عليها ؟ حتا لدرك مكان حتا خبر عليها .
شاف معاه وقال ،
آسر : لا ،
__________
عند وسام :
قاعدة في الدار ، الي كراهالها آسر ، طلت من الثاقة ،كالعادة الحراسة مشددة عليها ، بالرغم من انهم متخفيين . تبسمت وهي تشوف مع الخاتم الي فيدها ، وتذكرت كيفاش طلب يدها من خوها ، الي شبعو ضرب غير من غيرتو عليها ، ضحكت بالصوت وهي تقول .
وسام: نتمنى يعدي كلشي بخير ، ويصرا واش راه في بالك يا خويا .
صونا تلفونها لقاتو هو جاوبتو بسرعة .
وسام : الو .
إلياس : واش ماراكيش متوحشة خطيبك ؟
وسام : ههه لا
إلياس : صاار هكذا ،
وسام : هههه باينة متوحشتك بزاف.
إلياس : وعلاه مالا راكم طولو في مسألة العرس ، يلا نعملو عرس ونجيبك عندي ومين تتوحشيني تلقايني حداك.
وسام : ههه إذا راك باغي تاخذ الضرب من عند خويا كيما خديتو وقت الي رحت عندو تطلب يدي ، ارواح.
إلياس : راني جاي
وسام : إلياس ، خلي المسألة الي راهو مشغول بيها تعدي على خير منبعد كلشي ساهل .
إلياس : ممم اوك ، راكي تاخذي في دواك ؟
تبسمت وجاوبتو .
وسام : إيه متخافش .
إلياس : انشالله يعديو هاذ ليام بزربة .
وسام : انشالله ، كاش اخبار على وتين ؟؟
إلياس : ولشي ، تقول الأرض بلعتها .
_____________
