الحلقة 73:
بعد 3 أشهر :
واقف ومعاه حليم وعاطف حتا من هشام واقف معاهم ، وصلو ميساج وشاف معاهم وهو يتبسم .
آسر : واخيرا، صدرو الرجال .
عاطف : نهجمو عليه ؟
آسر : ايه لكن ماش في دارو ، في وكرو .
حليم : اتولهو على روحكم بني .
آسر : ماتخافش ، هشام وسام ختي نخليها في رقبتك .
هشام : متخافش عليها .
عاطف: علاه إلياس رايح معنا ؟
آسر : ايه كون نحتاجو طبيب على السريع لازم نديرو في راسنا كل الاحتمالات.
عيطو ل إلياس يخبروه والي جا بأقصى سرعتو.
ركبو فالطاكسيات وراحو متوجهين ل الموقع ، الي كان في غابة بعيدة على السكان ، لمحو دار بدات تبانلهم .
عاطف: هاذي هي دارو ؟
آسر : ايه ، وكرو .
إلياس : على هاذي ، بقيت تستنا فالوقت المناسب ؟
آسر : ايه .
عاطف: مانيش فاهم ؟
إلياس : الطريق الي راك تشوف فيها الي تدي لهاذ الدار ،عبارة عن واد ، كاين فترات يجف فيهم الواد وين نقدرو نعبرو ، اما الباقي لازم هليكوبتر ، وهكاك نكونو هدف مكشوف أكثر .
عاطف : اه درك فهمت ،
صونا تلفونو وين لقا اسمها ، كوپا ، زاد عيطت زاد كوپا ، بقات تعيط حتا شافو معاه. ريپوندا .
عاطف: قداه من مرة قتلك كي نكون فالشغل متعيطيليش ،
سمعها تأن وتتوجع ، ومن كلامها عرف أنو الولادة قربت ، شاف مع اصابعو يحسب فالشهور ، وتكلم بينو وبين روحو .
عاطف: 7 أشهر ؟ مستحيل ، كيفاش تولد ف 7 ، مدرتهاش في بالي .
شافو معاه ، وقالو .
آسر : كاين حاجة عاطف؟
كوپا ، وقال وهو يوقف الطاكسي.
عاطف: سامحني آسر ، لازم نروح حالة مستعجلة .
فهمو ومحبش يزيد عليه ، مدلو طاكسي زايدة كانت معبية زوج رجال ، وزعهم على السيارات لخرين .
راح ركب بسرعة وديمارا جيهتها ، عيط بالاسعاف ،مدلهم لادغاس تاع الدار لأنو كان بعيد شوي ، وهو توجه ل المستشفى على طول ،بعد ما عيط لوالديها تاني.
__________
وصلو ل الدار ، هبطو كلهم ، مع هبطو بدا الرصاص يضرب وهوما يجرو ، تخباو ورا سور وهو يحكي .
آسر : يلزم ندخل ل داخل أكيد راهو تم.
_________
عند فؤاذ :
قاعد مقابل الحاسوب ويتفرج فيهم ، ضرب الرصاص قاس نص من رجالو ، تبسم بخبث وأمرهم أنهم يوقفوه ، يخلوه يدخل ،
فؤاذ : مزال ما شفت شي يا ولد الرحماني
_______
مع توقف اطلاق النار ، اغتنم الفرصة هو وإلياس وعدد قليل من رجالو ، ودخل ، الهدوء الي ف المكان مابشروش بالخير ، غير ما قدمو شويا بخطوات خرجوا مجموعة كبيرة من الرجال موجهين أسلحتهم صوبهم ، تبسم وحتى منهم هوما وجهو أسلحتهم ليهم.
دقائق فقط سمعو صوت الطالون ، خطوات ثقيلة ومسموعة جايا من فوق ، هبطت ف الدروج بكل ثقة وهي تتبسم بسخرية ، شعرها الي يطاير مبعدتو ورا ظهرها ، أناقتها والشر الي في عينيها وهي تشوف معاه ، شاف معاها وضحك ضحكة مكسورة ، حتا من إلياس كان داهش ، قدمت ليهم ، الشي الي خلا بعض من رجالو يوجهو أسلحتهم ليها ، الدمعة هبطت من عينو مين شافها حتا هي رفدت السلاح و وجهتو ناحيتو ،تكلم وهو مغصوص.
آسر : وأخيرا ظهرتي وتين .
ردت عليه والضحكة مالية وجها.
وتين: في بالك تروحلك هكذاك يا السي آسر ؟ مانيش وتين المالكي لوكان ماندمكش على العملة الي عملتها .
مين كملت كلامها ، ضغطت على الزر الشي الي خلا إلياس يتصدم ، صوت مسدسها دوا فلمكان ، لحظات فقط وكان غارق في دمو ، وهي تتبسم بشر . قدم ليه يحاول يستوعب الي صرا ، حط يديه على رقبتو يتحسس نبضو ، شاف معاه يحاول يفطنو لكن دون جدوى، آسر مات.
شافت معاه ونطقت بصوت أمر .
وتين : هز جثتو ورجالكم واخرجو من هاذ لبلاصة ، عندكم ربع ساعة في يديكم ،
💔💔
