الحلقة 57 :
عند إلياس :
غلق عليه بعد ما وجهو لمكان المختبر ، شاف مع الزوج بريات الي عندو خبا وحدة ، وبقا حاكم وحدة يستنا فيه يجي ويحلوها مع بعض . بعد دقايق كان واقف جنبو .
آدم : واش ، واش خرج فيها ؟
إلياس : مارانيش عارف، ستنيتك تجي وتحلها نتا .
شاف معاه بإمتنان ، مدهالو ليدو ، لثواني حس بالدنيا الكل دور بيه ، حايبها تكون ختو وخايف في نفس الوقت ، لاحظ خوفو وقالو يشجع فيه .
إلياس : يلا افتحها .
فتحها بلعقل وأول شي قابلو إسمو وإسمها ، ونتيجة الاختبار الي كانت 98% تطابق ، هبط على ركبتو ودموعو في عينيه ، حط راسو بين يديه ، شكوكو كانت في محلها ، أختو ، أختو الي سنين وهو يحوس عليها ، شاف حالتو هكاك توقع انها متكونش ختو . لأنو أي حد في بلاصتو لوكان خرج الاختبار ايجابي يفرح ، قدم ليه وحكا بصوت يهدن فيه .
إلياس : معليش خويا آدم ، انشالله تلقاها .
على كلامو طلع راسو ليه ومدلو الورقة ، شاف معاها وتصدم نفس صدمتو ،تكلم معاه بصوت متردد .
إلياس: أختك ؟؟؟ كييفاش .
ناض من بلاصتو وهو يرعش ، قدم ليه وحكى.
آدم : إلياس ، نقدر نعرف واش تعرف ؟ يعني كلشي عليها وكيفاش جات عندك و واش حكاية السبيطار ؟
شاف معاه لأول مرة يحسو ضعيف ويغيضو ، قرب ليه وقالو .
إلياس : أول شي لازم تغسل وجهك تفطن ، منبعد نروحو نقعدو في المكتب ديالي ونحكو في كلش ،آلاز .
آدم : مي راهي لتحت وحدها .
إلياس : معليش درك نعيط لواحد نعرفو يبقا معاها .
جبد هاتفو وعيط ل هيا الي خدا نيميرو ديالها في آخر مرة .دقايق وجاوبتو .
آلياس : الدكتورة هيا ،معليش نطلب منك طلب .
هيا : تفضل ؟
إلياس : تبقاي مع وحدة فاميلتي اذا معندكش خدمة هاذ الوقت .
هيا : ايه ،معليش راني في طريقي ل السبيطار مين نوصل نخبرك .
إلياس : داكوغ. مرسي .
_________
عند هيا :
غلقت عليه وبعتت ميساج لهاجر تعرف وين راهي ، دقايق وردتلها تخبرها انها جايا ل السبيطار مع باباها ، وصلو في نفس اللحظة .
هيا : عمي منير ، واش راك .
منير: الحمدالله بنتي ونتيا .
هيا : الحمدالله
شافت مع صحبتها وسلمت عليها وهي تهدر .
هيا : وتنيا واش راكي .
عملتلها بيدها علامة تدل على أنها مليحة .
منير : انا نخليكم ، مين تحتاجو حاجة ارواحو عندي .
هيا : يعطيك الصحة عمي .
اما وتين عملتلو بيدها باي .
هيا : ايه استناي نعيط ل إلياس .
شافت معاها ودارتلها بيدها شكون
هيا : إلياس ذاك الطبيب .
تبسمت وشافت معاها شوفة .
هيا : لالا غير متبدايش تسخايلي وأحلام اليقضة تاعك وتشوفيني بلاغوب ونتي تشطحي .
ضحكت عليها وستناتها تكمل .
هيا : استناي راهو رد. ألو دكتور إلياس ، راني وصلت .
إلياس : شوفي مع تدخلي تلقاي بنت قاعدة وحدها جنب الي يبيعو القهوة وكلشي .
حكمت في يدين هاجر ودخلت وهي ،تسمع فيه، شافتها وقاتلو .
هيا : نظن أني عرفتها .
إلياس : صحا قربي منها وقوليلها إذا هي وسام .
قربت وسقساتها ، ردتلها بإيه .
إلياس : مديلها تلفونك
عملت الي يقول عليه .
وسام : ألو ؟
إلياس : وسام هذا انا إلياس ، شوفي ابقاي مع هيا ،راني نعرفها داكوغ ، عندي شويا خدمة .
وسام : أما راهم زوج .
إلياس : يمكن تكون هاجر الي معاها .
تبسمت وشافت مع الي جنب هيا . وقاتلو .
وسام : داكوغ .
رجعت تلفون لهيا ،الي غلقت عليه وقعدت هي وهاجر جنبها .
هيا : أنا هيا .
مدت ليها يدها ،خمست معاها وكملت تهدر .
هيا : وهاذي صاحبتي الدكتورة هاجر .
ضحكت معاها والفرحة ماش سايعتها واخيرا شافتها . رجعتلها الضحكة حتا هي ومدتلها يدها تخمس عليها .
وسام : وانا وسام .
بقاو مع بعض يضحكو ويحكو ، رتاحتلهم في دقيقة وخصوصا لهاجر بالرغم من انها متحكيش لكن قدرت تخلق جو معاهم بإشاراتها وتعابير وجهها.
________
عند إلياس :
بعد ما طمن عليها ،تنهد قاطعوا آدم .
آدم : يلزم نشريلها تلفون ، و أي حاجة تحتاجها عيطلي برك ، اي شي ناقصها خبرني .
إلياس : متخافش حتا انا خممت فيها ، اصلا هذا وين خرجت معاي نسيت أمر الهاتف .
قعد حداه وبدا يحكيلو كل القصة من الالف ل الياء ،كيفاش لقاها وكيفاش عانات وكل شي يعرفو عليها . كان كل حرف في هدرتو يخليه يزيد يحقد ويحب يقتلو ، عارفو هو سبابها وعارف انو كل كلمة هدرتها كانت صح . ضرب البيرو بدبزة وقال ل إلياس.
آدم : دير فيا مزيا لوكان تخليها عندك .
إلياس : أكيد .
آدم : وراني راح نحط قدام دارك حراسة مشددة.
إلياس : وعلاه هاذ الشي ،راني مااها متخافش.
آدم : ماراك عارف والو ، دير الي نخبرك عليه خويا وخيرك نرجعهولك شي نهار .
إلياس : مفروزة.
