الحلقة 65:
بقاو لثواني محضنين بعض ، شاف معاه مسحلها دموعها وقال .
آسر : من اليوم منسحقش هاذ الدموع يبكو غير من الفرحة .
تبسمت معاه وقاتلو .
وسام : كيفاش عرفت اني ختك ، حقيقة حسيت بشعور غريب جيهتك.
آسر : الدم يحن يا ختي ، وشبهك لكبير ل ماما الله يرحمها .
وسام : صح كنت نشبهلها ؟
تبسم وقاللها .
آسر : بزاف .
حمحم من وراهم وجا بينهم بعدهم على بعض ، شي من غيرتو وشي من الموصيبة الي راهم فيها وقال .
إلياس : بصح أصبرو ... انا كيفاش مافقتش انو قيس صديق طفولتي بنت ؟؟؟
رد عليه عاطف بضحكة .
عاطف : واش راح نقلك يا خويا من بكري بغل ، حتا من قيس ،نقصد وتين نفسها كانت تعاني وهي تفهم فيك الدروس ، الله اعلم كيفاش وليت طبيب.
ضحكت، شاف معاه وقالو .
إلياس : زعما نتا الي فقت ،
عاطف: انا على الاقل مكنتش قريب منها،
وسام : الحقيقة جاني تخمام انو قيس يكون متنكر في هيئة شخص ،لكن آخر حاجة توقعتها هاذ الشي .
عاطف: لكن آسر عرفها بنت من أول نظرة .
شافو معاه لقاوه يخمم . قطعت تفكيرو .
وسام : آسر ؟ فواش راك تخمم ؟
آسر : قلتي أنو أحسن طريقة أنو يخبي بنت ، هي يحطها في هيئة ولد ، يعني اذا عرفو شخصيتو وعرفو شخصية بنتو ،مين يحوسو عليها ميلقاوهاش ، لكن متنساوش انو من معلوماتنا عندو توأم ، قيس و وتين ، يعني علاش يحط وتين في بلاصة قيس ؟
إلياس : معناها عمل خطة حط وتين في بلاصة خوها ، وخوها في بلاصتها؟
وسام : بصح هكذا ما عمل شي ؟ معندها حتا فايدة !!
آسر : إلياس ، قلت انها كانت تحكي عن قيس برك و وتين لا ، وانها قالت الي هي ماتت ؟ وشفت الحزن في عينيها ؟
إلياس : ايه .
آسر : خطتو تكون عندها فايدة في حالة وحدة فقط.
شافو معاه وحكاو الكل ضربة خطرة.
وسام ، عاطف ،إلياس : الي هي ؟
آسر : موت قيس الحقيقي في صغرو . والظاهر أنو مات بسبب مافيا، يعني باباه كان السبب ، لكن وباش يحمي بنتو الي بقات ، لفق موتها هي ، واكيد عمللها جنازة و الجنازة الحقيقية كانت لخوها قيس .
وسام : لكن هكذا ، ما عمل شي ؟ الكل راح يعرف انو وتين ماتت و واحد مراح يحوس على بنتو بالعكس يحوسو على ولدو قيس ؟ واخفاء شخصيتها في شخصية خوها راح تكون مشكلة .
شاف معاها وتبسم، راح لسيارتو جبد حاسوبو وقعد في وسط الطريق ، جاو فوقو ويشوفو فيه .
إلياس : واش راك دير؟
آسر : نحوس على تاريخ موت قيس بما اننا عرفنا شخصيتو الحقيقية ، نقصد موت وتين المزيف .
وكيما كان الحال وبما انو شخصية معروفة لقاو تاريخ موت قيس الحقيقي ، والي كان بعنوان كبير ، جنازة بنت رجل الأعمال الشهير فؤاذ المالكي . " وتين المالكي". شاف مع إلياس وقال .
آسر : هذا هو تاريخ (سنة) وصول قيس ل الميتم؟.
شاف مع التاريخ وعملو براسو لالا .
إلياس : كان ف العام الي وراه بلاك.
ضحك آسر وقال .
آسر : كيما توقعت ، خطتو كانت انو يخبر الناس بموتها ، ويحط قيس الي كانت جنازتو الحقيقية في القبر بصفتو وتين ، لكنو مكانش راح يحط وتين مكان قيس الي مات، وانما خباها بصفتها بنت ،يمكن في مكان محروس او شي هكا ، لكن وبعد عام بالتحديد أكيد خرجو شائعات انو بنتو عايشة .
ورالهم عنوان خلاف مكتوب ، عن حالة زوجتو كريمة ، الي كانت تعاني من انهيار و جنون ، بعد موت بنتها وتخبر الخدم انو بنتها حية .
إلياس : الشي الي خلا خطتو تفشل بالرغم من انو احتمال انهم يصدقو زوجتو ضعيفة
آسر : ضعيفة لكن المافيا متلعبش معاها اكيد كاين عدد عرف شخصيتو الحقيقية ومن بينهم الزعيم الي قتلتو وخديت بلاصتو، واكيد رايحين يحوسو على بنتو .
عاطف : وهكذا لجأ ل الخطة الثانية ، وتين مكان قيس وحطها في ميتم على أمل أنهم يتكفلو بيها .
وسام : الظاهر انو خبر وتين مين كانت صغيرة انها راح تاخد مكان خوها ، وهذا يفسر إسم قيس الي مشات بيه وتين في تعاملاتها لكن فالاوراق اكيد كان بإسم خلاف.
آسر : وهكذا ما يلقاو حتا شي ، لا بنتو ، لا ولدو . حتا من الشرطة كانت غالطة ههه فؤاذ ممخبيش بنو ، مخبي بنتو .
