الحلقة 21:
عند آدم الي كمل يمشي والدم يسيل من كرشوا ، حس روحو بدا يفقد الوعي ، لأول مرة يغدروه وشكون ؟ فرخة متسواش ، هدر مع روحو بصوت وجاع .
آدم : تستاهل يا آسر ، جامي دير كونفيونس ف الجنس اللطيف .
شاف كوانة متحملش يزيد يمشي وقرر يتخبا فيها ويبقا يعيطلو على أمل أنو ،يرد أما من زهرو مكانش إشارة طلع راسو فالسما وبقا يتفكر فالشي الي قالو.
فلاش باك :
آدم : لالا ، راني حاب نقعدو انا ونتا راس براس ، وياك ديما تحب تعرف شكون انا، واليوم ليك الشرف تعرف .
حرك يدو بإشارة منو لرجالو الكل يخرجو . شافو معاه للحظات و خرجو الواحد تلو الثاني ،مع خروج آخر واحد فيهم رما سلاحو فالأرض وبدا يتقدم صوبو وضحكتو مرسومة .
وقفوا كي نطق .
الزعيم : شكووونك نتا ، و واش دخلك لهاذ الدومان .
آدم : أنا آسر .. آسر رحماني .
شاف الصدمة في عينيه والخوف ، تقدم ناحيتوا وقالو.
آدم : ماراكش شافي عليا؟؟ ذاك الولد الصغير الي في عمرو 4 سنين، مراكش شافي كيفاه اترجاك تنقذهم ؟
كمش ملامحو ورجع ل لور ، رفد سلاح قدامو و وجهو ليه ، شاف حركتو وناض يضحك .
آسر : نظن مراكش ناوي تطلق النار، حتا انا راني وعدتك مانيش حا نقتلك ، أما بشرط .
الزعيم : الي هو ؟
آسر : خبرني شكون قتلهم.
بعدما كان موجه السلاح لآسر ، دورو لراسو وتمتم بكلمات خلات آسر يرجف و يرجع ل اللور .
الزعيم : ههههه مع الأسف، مراكش راح تعرفوا ، أما نبشرك الي هو تاني راه يحوس عليك ، حقيقة حركة جريئة منك أنك تدخل في وكرنا، أما راك غلطت فالوكر ، راه غدرني وتفاهم مع ديك اللفعة ،وقدر يطلع فوق ظهري ، وعلى هاذي طلبت منك مهمة قتلها ، كانت هي الوحيدة الي تقدر توصلك ليه ول شخصيتو الحقيقية ، لكن مع الاسف ماتت ههه
آسر : معناها إذا راني باغي نلقاه نتبع تعاملات فتيحة مديرة الميتم ،هكذا راك تقول .
الزعيم : لالا ، نعطيك حل سريع، وراح يكون صدمة ليك ، أسهل طريقة انك تلقاه ، تلقا اختك الي راهي عندو .
بقا لثواني يستوعب فالشي الي هدرو وتكلم وهو يرجف
آسر : واش راك تهدر نتا
الزعيم : كيما راني نخبر فيك ، لوكان ترجع بعقلك اللور تتذكر أنو أمك كانت حامل فهذاك اليوم .
جا يرد عليه لقا الرصاصة دخلت في راسو وضاع السر معاه.
نهاية لفلاش باك :
تنهد وهو يشوف مع السما ويتفكر في كرش أمو المنتفخة، تكلم مع نفسو بألم ودموع في عينيه .
آسر : اااه ، وعلاه نسيتني يا ربي وعلاه، كنت قادر ننسى بيها ، كنت قادر نرمي حزني وانتقامي ونركز فيها هي ، نربيها ونعلمها ونكبرها . علاااااه يا ربي وين راح نلقاها أنا درك ، 17 سنة من نهار عرفت بوجودها قلبت الدنيا و مكانش أثر عليها، وإذا لقيتها راح تتقبلني!
________________
كانت ماشية وخايفة .. للحظة ندمت أنها خدات طريق مختصر ، سمعت أنين خفيف قريب منها . مع الاول كان في بالها انها تسخايل ، زاد الأنين مع كل خطوة تخطوها ، شافت مع جسمها لقات كل جسدها يرعش ، صوت الأنين ماشي غريب عليها ،حست بوجاع كبير في قلبها ،وخداوها رجليها بدون ما تحس لبلاصتو. شافتو طايح و يتنفس بالجهد أما ملامحوا ماهمش واضحين ليه ، قدمت بخطوات حتا لاحظ وجودها ورفع عينيه
شاااف معاها بنظرات حادة ، الي زاد خوفها كتر ، نظراتو مألوفين بالنسبة ليها ... قربت ليه بالشويا وهي ترعش شي من نظراتو وشي من البرد والجو ، بعد ما صارت مسافة قليلة بينهم أخيرا لاحظت الجرح لكبير الي في كرشو و تنفسو الصعيب . عملتلو إشارة بيدها ،أما هو في عالم آخر يركز مع كل تفاصيلها كل إنش من وجها وجسمها يحوس على شي يمحي التوسويس الي حكمو ،أما كل ما يزيد يركز وتزيد تقدم ليه شكوكو يزيدو، ريحتها عينيها خدودها حوايج ميقدرش ينساهم أما الشي هذا مستحييل.... مستحيييل تكووون هي ، شاف مع يديه وشاف معاها تبسم نص تبسيمة وقال بصوت واطي .
آسر : راك قتلتها بيديك يا آسر .
_______________
عند عاطف :
جالس فالدار يعيط ويعاود ، فكرة أنو صراتلو حاجة متحملهاش ، صحيح الي هو وحش وغامض قدام الناس الكل أما معاه هو كان حاجة خلاف ، كان السند و الأخ الي عمرو ما حلم بيه، صحيح الي هو دخل ل مستنقع بسبتو أما خيرو جامي ينساه ، شرب دوا يمكن ينحي عليه آثار الشراب والدوخة الي حاكمتو لكن بدون جدوى ، زفر بالقاوي و قرر يرجع لنفس لبلاصة يستناه برا .
