الحلقة 50:
صدمتو وهو يعرف هاذ الشي كبيرة ، كيفاش ماتت معناها الي لتحت مجرد شبيهة ، تبسم معاها وقاللها .
إلياس : اذا تسمحيلي ناخذ القلادة الي كانت معاي ، هي الوحيدة الي تقدر توصلني لقيس .
كريمة : اكيد ولدي ، واذا سمعت حاجة ول شفت حاجة خبرني .
إلياس : شفت حاجة مثل واش؟
ترددت وتكلمت .
كريمة : اي حاجة عندها علاقة .
إلياس،: حاضر .
ساعدها تستلقي وشربها دواها ، مين تأكد أنها نعست خدا القليل من شعرها ، وراح . اليوم مصمم يقطع الشك اولا ، نتيجة وسام و ادم وثانيا ، نتيجة ام قيس والطفلة الي لتحت ، راح ل المختبر وعطاهم شعرات ادم و وسام ، و درك بقاتلو يدي شعر البنت الي شافها وخلاص .
__________
عند عاطف:
بعد ما راح وخلاها ،تبسم نظراتها ليه خلاتو يعرف قرارها ، استغرب كيفاش تحبو ومن وين تعرفو ،نطقت اسمو وقت تلقاها حدا الملهى ، تكلم مع روحو وقال .
عاطف: وهكذا يا سي هشام راح ناخد منك عروستك هههه وفي يوم عرسكم انشالله.
جبد هاتفو و عيط لآدم .
عاطف: وي آسر ، وين راك يا خويا واش حوالو جرحك .
آدم : **** ياا**** عيط آدم آدم يا ****.
عاطف : وي آدم ،وين راك يا خويا واش حوالو جرحك ، ها راني عدلتها ولكلام العيب علاه .
آدم : تزيد تعملها نقتلك .
عاطف: تتكلم برك متقدرش ضحي بيا .
تبسم وردلو .
آدم : نتا الي وينك .
عاطف: حكايا طويلة .
وحكالو قصتو مع هشام وكيفاش الظابط تم اطلق سراحو .
عاطف: نظن انك حطيت أشخاص في صفنا لتم ، صحيت خويا لعزيز .
سمع كلاموا وردلو .
آدم : ايه ، راهو تابع لينا متخافش .
عاطف: حبيت نقلك شي. المهمة الي كنا راحين نعملوها تأجلت يا خويا .
آدم: وعلاش ؟
عاطف: لقاءهم تأجل ،
استغرب وتفكر أنو هكر تلفونها وكل الأجهزة الي تعاملت معاهم .
آدم : اووك معناها لازم نعرفو سبب التأجيل ، يلا بالسلامة .
قطع عليه خلاه يشوف مع تلفون ويهدر وحدو .
عاطف: على الاقل خليتني نردلك الباي ، ففف معليش .
___________
عند إلياس :
يهبط يحوس عليها ،يلقا هيا قاعدة .
إلياس : سلام عليكم دكتورة .
هيا : دكتورة هيا .
إلياس : متشرفين ، نقدر نعرف وين راهي دكتورة هاجر .
هيا : الظاهر انها في مكتب باباها .
شاف معاها باستغراب ورد
إلياس : باباها ؟؟
هيا : ايه ، مدير وصاحب المستشفى الدكتور منير سراجي .
إلياس : اه اوك ، شكرا بزاف .
راح صوب المكتب من جيهة يتلاقا بالمدير ومن جهو ياخد حاجة منها تخليه يعمل الاختبار .وصل ل الباب طبطب ودخل بعد ما سمع الإذن ، طاحت عينو في عينها تبسمت معاه .
منير : اهلا ب الدكتور إلياس ، شرفت المستشفى تفضل .
قدم وقعد وهو يحكي .
إلياس : الشرف ليا دكتور منير .
منير : نعرفك ببنتي ،الدكتورة هاجر.
إلياس : الحقيقة رانا تعرفنا لتحت .
شاف معاها وتبسم .
منير : هههه مليح ، راح يكون المستشفى بوجودكم شي ثاني ، نتمنى تكون المافسة بينك كبيرة .
آلياس : أكيد . معليش ندخل ل الحمام الخاص بيك ؟
منير : اكيد ولدي تفضل .
استأذن منهم ودخل وكيما توقع كانت اغراضها حتا هي هنا ، فرشاة أسنان خاصة بيها من شكلها مبين، هزها وحطها في صاشي ، عمل روحو يغشل في وجهو ويديه وخرج ،
إلياس : شكرا ،ودرك نروح لخدمتي بعد إذنكم ،
عملتلو براسها ايه وبيديها علامة الباي .
منير : بالسلامة ولدي .
خرج وهو يشوف ف فرشة الاسنان وخصلة الشعر ،تبسم وتوجه ل المختبر ومدلهم العينة الثانية الخاصة بالمرأة الي عرف اسمها مدام كريمة المالكي ، و الدكتورة هاجر سراجي . ، خبروه انو غدا انشالله تخرج نتائج العينات ل الزوج ، استأذن وخرج قاصد الدار ، احداث اليوم الي صراو بزاف ولازم يحكيلها كيما وعدها .
____________
عند وسام :
قاعدة جنب الشباك وخايفة وحدها فالدار ، تخمم كيفاش رايحا تعمل فالمستقبل أكيد مراحش يخليها عندو ديما ، وبأي صفة ،ماراهي ختو ماراهي من عايلتو ، فكرة انو يخليها وحدها محملتهاش،
وصل لباب الدار لقاها قاعدة جنب الباب استغرب، قرب ليها الشي الي خلاها تعدل روحها ،
إلياس : سارة ، كي راكي .
سارة : الحمدالله ، بخير ونتا .
إلياس : الحمدالله ، كاش ما حتاجتي ؟
سارة : ايه فالحقيقة ،شفت حاجة وحبيت نوريهالك .
إلياس : تخص قيس ؟؟
سارة : لالا ،تخص وسام .
قدمت ليدو ،الصورة الي معلقة فكل بلاصة .
سارة : راني خبرتك ، شوف راهي مجنونة ،لازم عليك تخرجها من دارك .
