الحلقة 26 :
بعد ما رجع بيها لدارو ، فك باب سيارتو وعباها بين يديه ،كانت بالنسبة ليه خفيفة بزاف، شاف معا شعرها الي كان ملموم بطريقة فوضوية وتبسم ، طلع بيها لدارو ، حل الباب وهو حاكمها بيد وحدة ومزير عليها ، ودخل ،غلق الباب برجلو وتوجه بيها لغرفتو ،حطها في سريرو ، وعدل نومتها وراح يجيب الاسعافات الاولية وأدواتو باش يبدا يفحص فيها، بعت ميساج للمستشفى باش ميستناوهش واعتذر وراح ليها ، فتح الباب ودخل ، بدا يفحص في عينيها لسانها نبضات قلبها ، واخيرا انتبه لملابسها الي كانت ملابس مألوفة بالنسبة ليها وكأنها ملابس مرضى، زفر كان حايب ينحي شكوكوا اما ميقدرش ينحيلها قشها ، شاف مليح مع اثار الحقن الي مالية يدها حتا انها مخلفة بزاف كدمات منها الجديدة ولقديمة ، حس بشي كبير صاير معاها قرر يقعد مقابلها حتا تفطن ، محسش بالوقت يعدي وهو مقابلها ويحفظ في ملامحها التاعبة ، لولهة ذكرتو بحالتو زمان الميتم و بخوفو والايامو الاولى فيه ، تبسم بقهرة وتمنى تكون مجوزتش الشي الي جوزو ، وهو في وسط تخماموا قاطعور هاتفو الي صونا ، شاف مع الرقم الجديد الي دخلوا عوج فمو ،وهو حابب يذكر إذا عارفوا او لا، من بكري عندو عادة ميردش على الاتصالالسلام
ميعرفهمش ، رماه بعيد وسط الدولاب الي جنبوا وكمل يتامل ، لكن صوت الهاتق قلقوا وقرر أخيرا أنو يهز .
إلياس : ألو .
: اا ألو ،موسيو إلياس ؟
إلياس : انعم ، شكون معايا ؟
: أنا سارة .
إلياس : سارة ! شكون سارة .
سارة : سارة تاع الميتم ، خليتلي نيمروك باش نتحقق ونردلك لخبر .
تعدل في جلستوا وأفأف كيفاش ينسا أنو وصاها على حاجة مهمة .
إلياس : اه اسمحيلي معرفتكيش مع الاول ، نظن اتصلتي باش تخبريني بشي ؟ كاش جديد على لحكاية ؟
سارة : الصراحة ايه ، دورت ودرت اتصالات بزاف على كل المياتم الي موجودة ، و للأسف ول واحد فيه الاسم و الاوصاف الي،راك تحوس عليها ، والغريب اني زدت تأكدت من الميتم الي راني فيه ،ونقدر نأكدلك أنو جامي دخلو واحد اسموا قيس .وبمواصفات صاحبك .
كانت كل ما تحكي حرف يزيد يتحرق ،كل ما يقول خلاص فرجت وراني رايح نلقاه ،يحسوا زاد بعد عليه بزاف ، سؤال واحد حاب يسقسيها عليه أما تردد .وكأنها حست وقاتلو .
سارة،: حتا من المستشفيات درتهم، ميكونش توفا ؟
كأنها حطت الملح على جرحوا، الفكرة هاذي محابش يدخلها في راسوا وراه حاس الي صاحبوا مزال حي ، لكن علاه مجاش هو تاني حوس عليه ، وخصوصا انو عارف شكون تكفل بيه ، تنهد بالصوت وعلى تنهيدتو حركت روحها شويا وهي تأن . دور يشوف معاها وبعد هاتفو عليه شاف معاه وجاتو فكرة .
إلياس : سارة .
سارة : انعم ؟
إلياس : تقدري تجي عندي ل الدار محتاجك ضروري .
تفاجأت من كلاموا لكنها تبسمت وردت عليه .
سارة : أكيد .
إلياس : معناها درك نبعتلك العنوان وزاربي تعيشي .
سارة : اوك
__________
عند حياة :
كانت جالسة وبينها بزاف أطفال مستمتعين بقصصها ودروسها الدينية متحمسين يسمعوا قصة نبي آخر ، خصوصا أنو سردها ل القصة و طريقتها جذبتهم وخلاتهم كل يوم يجو .
حياة : شكون لفحل او الفحلة الي تعاود تعمللنا ملخص عن قصة سيدنا آدم عليه السلام ، والي يجيبها صحيحة عندو جائزة .
رفعوا يديهم الكل ، وأشارت لبنية كانت جالسة فالخلف ولابسة جلابة كبيرة عليها ومركزة معاها ، للحظة ذكرتها بروحها ،تبسمت معاها وقاتلها تفضلي بنتي .
👧: ذكر الله -تعالى- في كتابه العزيز قصّة خَلْق آدم -عليه السلام-؛ أوّل الأنبياء؛ فقد خَلَقه بيده على الصورة التي أرادها -سبحانه- ، فكان مخلوقاً مُكرَّماً عن باقي المخلوقات، وخلق الله -سبحانه- ذريّة آدم على صورته وهيئته، قال تعالى: (وَإِذ أَخَذَ رَبُّكَ مِن بَني آدَمَ مِن ظُهورِهِم ذُرِّيَّتَهُم وَأَشهَدَهُم عَلى أَنفُسِهِم أَلَستُ بِرَبِّكُم قالوا بَلى شَهِدنا)،[١][٢] وبعد أن خلق الله آدم، أسكنه الجنّة مع زوجته حوّاء التي خُلِقت من ضِلْعه، فاستمتعا بنعيمها، باستثناء شجرة واحدةٍ نهاهم الله -سبحانه- عن الأكل منها، فوسوس لهما الشيطان؛ ليأكلا منها، فاستجابا لوساوسه، وأكلا من الشجرة حتى انكشفت عوراتهما، فسترا نفسيهما بورق الجنّة، وخاطب الله آدم مُعاتباً إيّاه على الأَكْل من تلك الشجرة بعد أن بيّن عداوة الشيطان له، وحذّره من اتِّباع وساوسه مرّةً أخرى، وقد أبدى آدم ندمه الشديد على فِعلته، وأظهر لله توبته، وأخرجهما الله من الجنّة، وأنزلهما إلى الأرض بأمره.
تبسمت معاها وحست بفخر كبير أنها تدرس أطفال كيما هكا ، فصاحة لسانها واختصارها للقصة بهاذ الطريقة خلاوها تقعد تشوف معاها وتصرفقها بحرارة ، شكرتها بزاف على إجتهادها ومدحتها قدامهم الكل ، ومدتلها هدية الي كانت سجادة صلاة ، قدرت تشوف فرحتها بين عينيها .
شافت معاهم وقاتلهم ودركا ، واش راكم حابين تسمعوا .
رفع يديه الصغار وحاوب بصوت مسموع ،
: قصة عيسى عليه السلام
