الحلقة 63 :
خرج من الصالة ولاحقو عاطف ،
عاطف : واشبيك خرجت كي الثور الهايج ؟
مجاوبوش ، بقا يعيط بتلفونو ، ويخبط فالدنيا الي حداه . ركب فسيارتو وستنا عاطف ركب وديمارا ، مخلي لغبار وراه ، قاصد إلياس .
_______
عند إلياس :
وصل ل الدار لقاها مصدرة روحها وتبكي ، خبرها انها بخير مكالاه تبكي ، ركبو ف الطونوبيل وجا راح يديماري لكن الباب تحلت بالقوة وجبدو من ڤاست تاعو .
آدم : يااااا كلب سااااعة وانا نعيط ساعة .
هبطلو يديه لزوج منو وهو يحكي .
إلياس : واشبيك نتا هبلت ؟ راك خلعتها .
شاف مع ختو الي لقاها تشوف معاه بعينين مدمعين وذابلين ، أمرها بصوت عالي تروح ل الطاكسي لخرا ، مين جات خارجة حكمها إلياس ورجعها لبلاصتها وقفل الباب وراها .
إلياس : راني انا الي ساعة وانا نعيطلك .
حكمو من تريكوه وبعدو على الطاكسي .
إلياس : ودرك واشبيك قالب خليقتك خير انشالله .
خرج عاطف من الطاكسي وقدم ليهم وهو يقول .
عاطف: هبطو صواتكم ، وآدم واشبيك يا خويا في دقيقة تقلبت .
قدم ل إلياس وقالو .
آدم : القلادة ، القلادة الي راهي عندك .
إلياس : واشمن قلادة ؟
آدم : متلعبهاليش هنا ، القلادة الي شفتها عندك في دارك .
لاح يدو لجيبو وجبدهالو وقالو .
إلياس : تقصد هادي،؟
مين شافها شاف معاه وقالو .
آدم : شكووون نتااا ؟ و واااش علاقتك بيه .
إلياس : عليمن راك ، ياو فهمني واشبيك زادم ، إذا على هاذ القلادة ماراهيش تاعي أصلا .
تكلم عاطف يهدي الوضع .
عاطف : تعمن ؟
إلياس : قيس .
مع كلمتو ، حس بالدوخة حاكمة فيه ، لثواني فقد توازنو ، حكمو إلياس وهو يهدر .
إلياس : آدم ؟ راك بخير ؟ خويا ؟
تكلم بكلمات متقطعة .
آدم : ه هاجر ، هاجر وين راهي .
شاف معاه ومع عاطف وقالو .
إلياس : على هاذي كنت نعيطلك ، وعلى هاذي ماخد معاي وسام ، هاجر عملت حادث ،
عاطف: حادث ؟
إلياس : ايه ، الصراحة عملتلها العملية وراهي بخير ، لكن حتا لدرك مالك ؟؟؟؟
شاف معاه بشوفات حزينة ، طاح على ركبتو وقال .
آدم : ماشي كنت باغي تعرف وينو قيس .
شافو معاه لزوج وقالو .
إلياس عاطف: أنت تعرف مكانو ؟
ضحك من قلبو وقاللهم .
آدم : هاجر ، هاجر هي قيس .
فلاش باك :
تقدم للبيوت وهو يحفض في كل شبر ، دخل ل البيت لكبيرة و جاتو صدمة شاف بنت تبدل في ثيابها و وحمة في ظهرها ، رجع بزربة للخلف و دور للبيت لخرا على أمل انها تكون غرفة الذكور جا يدخل ،
قاطعو بكلامو .
قيس : هاذيك غرفة لبنات ، و هاذي غرفة الذكور .
دور براسو لجيهتها وبقا يشوف معاها لثواني ، لأول مرة فحياتو يحس بشعور خوف و استغراب ،استغرب من قصة شعرها وملابسها شاف معاها من فوق ل لتحت وتكلم .
أدم : ممم مرسي ، أما شاراكي ديري تم .
مفهمتش عليه الشي الي زاد استغرب منو ، كان رايح ينطق يكمل يسقسيها أما صوت إلياس قاطعو .
إلياس : قيييس يااا قيس .
دور لجيهة الصوت لقا ولد جاي صوبهم وقف لثواني وهو يشوف معاهم لزوج و تبسم ودخل ل الغرفة .وهو يخمم واش يخلي بنت تتنكر في شكل ولد .
نهاية لفلاش باك :
إلياس : ك كيفاش ؟؟؟؟
عاطف : قيس هو هاجر ؟؟؟
إلياس : قيس هو نفسو وتين ؟
شافو معاه لزوج ونطقو بصوت واحد .
آسر و عاطف : وتين ؟
