الحلقة 75 :
وصلو لباب لبلاصة الي كانو مجتمعين فيها ، خرجو الكلهم ، هيا هشام وسام ، كلهم يستناو فيهم بالريق الناشف ، تفتحو بيبان السيارات وخرجو منهم الرجال مهبطين راسهم ، فجأة خرج إلياس من السيارة وعينيه كلها دموع ، ملابسو كلها دم .
قدمت ليه بخطوات ثقيلة وهي خايفة ترجف ، مين وصلت عندو سقساتو بصوتها وعينيها عليه وعلى الدم الي في ملابسو.
وسام : آسر ، وينو ؟ وينو خويا ؟؟؟
هيا الي تكمشت في حضن هشام ، شاف معاها إلياس وعمللها براسو جيهة السيارة ، قدمت وهي تدعي ربي يكون الشي الي في بالها غالط ، غير ما قدمت شافت يديه الي طاحو ، وجثة خوها الي كلها دم في دم . عيطت بالصوت الي عندها .
وسام : آآسسسسسسر.
وفقدت الوعي .
_______
يشوف فيهم وهو يضحك عاجبو عذابهم ،شاف مع بنتو وحضنها وهو يقول .
فؤاذ : ليا شرف انك تكوني بنتي يا وتين.
شافت معاه وتبسمت ، وكملت تشوف مع منظر حزنهم وبكاهم .
فلاش باك :
مين خلصت ، من بكاها فوق قبر هاجر ، راحت قاصدة دار باباها الحقيقي ، وصلت ل الباب لكبيرة طبطبت ، فكولها الباب وهوما يشوفو معاها .
: انعم مدموازال ، كاش ما تحتاجي .
هدرت بصوت مبحاح .
وتين : ناديلي على ماما وبابا .
: أمك وبوك ؟
: كريمة المالكي وفؤاذ المالكي ، قوليلهم أنو بنتهم وتين ولات.
هبطو يجرو مين سمعو الخبر ، صورتها وهي قدامهم خلات كريمة تفقد الوعي ، قدم ليها فؤاذ بوها وحضنها بقوة وهو يقول .
فؤاذ : وييين رحتي يا بنتي وييين ماخليت بلاصة ماحوست عليكي فيها .
بعد نصف ساعة كانت في حضن امها الي مش مستوعبة حتا الآن أنو بنتها رجعتلها .
شافت بنص عين لبوها، وتكلمت في قلبها .
وتين : راحا نخليك تندم ، تندم يا فؤاذ المالكي ، تندم على موت قيس وهاجر ، راحا نخليك تندم يا بابا.
دات تلفون امها بدون ما تحس وبعتتلو ميساج .
{ اذا راك باغي فؤاذ المالكي مقتول ، أستناني حتا وين نزيد نبعتلك ميساج }…
نهاية لفلاش باك :
دور بظهرو رايح وهو يغني جيهة ،سيارتو ركب ولحقتو حتا هي ، وراحو لدارهم . مين وصلو استقبلتهم كريمة وهي تشوف فيهم وتحمد في ربي أنو ماصرالهم شي .
استأذن منهم وراح يدوش ، جبدت تلفونها وبعتت الميساج .
{ درك تقدر تجي}.
خلص تدويشتو وخرج لبيتو ،لبس قشو وراح ل الصالة وهنا كانت الصدمة ليه ، من بكري يشوف في جثتو وبكاهم عليه ،ودرك يشوف فيه حدا عينيه ويضحك ، رافد مسدس وموجهو ليه .
آسر : أهلا أهلا بالسي فؤاذ المالكي . نتمنى كانت الصدمة كبيرة ليك .
دور وجهو لجيهة الباب وين دخلت بنتو وتين ، وهي تشوف مع عينيه ، وجهت مسدسها ليه وهي تحكي .
وتين : واقيلا أمنت صح أنو وحش كيفك راح يعيش ؟ وأني راحا نكون في صفك.
شافت مع آسر وتبسمت .
فلاش باك :
هز تلفونو الي عيط ، نفس الرقم الغريب الي بعتلو ميساج.
آسر : ألو ، شكون معاي ؟
وتين: انا ، وتين .
مين سمع صوتها قلبو ،ضرب ، مأمنش عقلو .
آسر : وتييين ؟ راكي بخيييير ؟
وتين : اسمعني مليح ، احكيلي كلشي ، كلشي ،متخبي عليا والو .
بدا يحكيلها على كلش حتا أنو فهمها في خدمة بوها و واش يكون ،الشي الي مكانتش فاهمتو مين كانت صغيرة ، حقدت عليه بزاف مين خلص قاتلو .
وتين : راني معاك ، نربح ثقة بابا ونستناو اللحظة المناسبة ،
آسر : واشنو هي خطتك بالتحديد ؟
وتين : حسب ما حكيت ، مشكلة بابا أنو يثق بالناس ليه ليه ، معناها لازم نعملو خطة موتك على يدي .
آسر : مراحش يأمن غير إذا كان المشهد حقيقي .
وتين : وهذا الي راحين نديروه ، تلبس شي ،معمر دم تحت ملابسك و واقي الرصاص ، نضربك برصاص نمزق الشي هذاك ، الدم يطيح كلو .
آسر : وكون يتأكدو من النبض ؟ حقيقة لهواش الي معاي ميعرفوش يمثلو يعني لازم يكون صح 100% .
وتين : ساهلة ، كاينة حبة دوا توقف النبض لدقائق ، ماذابيك مين نرفد المسدس ونوجهو ليك تبلعها ، والباقي خليه عليا .
نهاية لفلاش باك :
دور لبنتو وحكا .
فؤاذ : ههه وتين بنتي .
وتين : مارانيش بنتك ، منتشرفش نكون بنت واحد كيفك.
شاف معاها بحزن وذكر كلام صاحبو الي قتلو وقبل ما يقتلو وعدو انو موتو راح يكون على يد أكثر واحد يوثق فيه ، وراح يتغدر وهذا الي صرا .
رفدت المسدس جيهتو وقبل ما تتكا عليه خداهولها من بين يديها ، تبسم وقال وهو موجه المسدس لراسو .
فؤاذ : سامحيني بنتي .
وتيرا عليه الرصاص،
دخلت كريمة ، تشوف مع جثتو ومعاها ، قدمت عند بنتها الي كانوا عينيها مليانين بالدموع ، مهما كان يبقا بوها ، حضنت امها وقاتلها .
وتين: خلاص يما وفا الكابوس .
يشوف في جثتو الي تمنا ديما يشوفها مقتولة ، اكثر حاجة عملها صح انو اطلق على روحو النار ، مكانش باغيها تقتل بوها ،
