تابع حلقة 15 /
كان قاعد وتخماموا بعيد ، انقلبت خطتو ضدو ، لدرك معرفش وينو و واش راه يدير ، لأول مرة يفشل في حاجة ، وهاذي الفشلة راح تسقاملو غالية بزاااف ، راح يكون نقطة ضعف بالنسبة ليه . عدا عام على لحكاية ومقدرش يجيب خبارو ، حتا من فتيحة قتلوها ،والقاتل بقا مجهول ، زعما عرفو بخطتو وقتلوه ؟ أو أنو هو الي اكتفا من هاذ الشي وهرب .
قاطعت تخمامو مين دخلت وهدرت .
كريمة : راني حابا نخرج شويا .
جاوبها بسرعة وبدون تفكير .
فؤاد : مكانش خروج .
كريمة : راني رايحا نتخنق ، خليني نخرج شويا .
فؤاد : قلت لااا يعني لاا ، وإذا خارجة تحوسي عليه غير مكالاه . انا نفريها .
كريمة : عندك عام ونتا تقلي نفريها ولدرك مكاننننش .
ضربها بكف وقاللها ترجع لغرفتها ومتوريلوش،وجها مرة خلاف . طاوعتو للمرة المليون وراحت لبيتها . غير ما دخلت اطلقت العنان لدموعها و هي تلوم في روحها ... كانت عارفة انو رافض رفض تام انو تجيبلو دراري ، اما فاليوم الي عرفت فيه انها حامل ، غريزة الامومة تحركت فيها .، هدرت مع روحها وهي تبكي .
كريمة : يا ريتني ما جبتكم ، يا ريتني ، سامحووني ، سامحوني .
كريمة ❤👇
