الحلقة 77 والأخيرة
إلياس و وسام :
واقفة في دارهم تعدل فالطاولة وبنتها بين رجليها تحبو ، شافت معاها وتبسمت .
وسام : صغرونتي ، يا حبي انا على بنتي مرام . روحي عيطي لباباك يجي ياكل .
ستناتها شويا ،لقاتها بدات تحبو جيهة الصالة ، ضحكت على طريقتها وفهمها ل االكلام بالرغم من انها قميمطة .
بعد ثواني جات تحبو وباباها وراها يضحك ، عباها وبدا ياكل فيها .
إلياس : يااا عمري على بنوتي الشابة ياعمري .
وسام : ههههه خلي الطفلة وارواح تتغدا .
إلياس : منقدرش،راهي حلوة هاذ البنت .
شافت معاه بغيرة ،ضحك وقاللها .
إلياس : كيما أمها .
________
عند وتين و آسر :
حاكم فيها يمشي فيها في نص الطريق وهي تدخل ف لهوا وتخرجو.
آسر : يعني لازم ، تمشي ، يا شوفي كرشك ، شكون الطبيبة الحمقاء هاذي الي قاتلك لازم تمشي باش تكون ولادتك ساهلة .
وتين : هههه هيا .
آسر : اه هيا راهي بولدها خلاص وانا رايحا توخذني في ولادي ، حط يدو على كرشها وحكا بصوت واطي .
آسر : متخافوش يا ولادي ، ماماكم حابتكم تتمشو شويا ، اما انا راح نديكم لدار جدكم ونوكلكم الماكلة لبنينة .
ضحكت عليه وقالت وهي تحصرلو في يديه .
وتين : بلاااك تدللهم مين يجو .
آسر : بنتي هاجر و ولدي قيس ، مين تجو تلقاوني مجهزلكم كل أنواع الرفاهية ، نتوما ارواحو برك .
وتين : هههه يلا نروحو يلا اكيد راهم يستاو فينا .
عاونها باش تركب فالطاكسي ، بعد نص ساعة كانو وصلو ، هبطو ودخلو لقاو كريمة ترحب بيهم .
كريمة : ادخلي يا بنتي ادخلي مرحبا بيكم .
وتين : جا بابا منير و يما خديجة ؟
كريمة : ايه بنتي راهم فالصالة .
توجهو ل الصالة لقات باباها وقف وجا عندها باسها من راسها وقال .
منير : كيفها بنتي ،
وتين : والله يا بابا أحفادك قتلوني ب لعيا .
خديجة : يا عمري انا وكتاه نشوفهم يقفزو قدامي .
استأذنت منهم وهي تضحك وطلعت لفوق لبيت باباها ، فؤاذ ، فتحت الباب ودخلت ، لقات قدامها خزنة كبيرة ، فتحتها ، والي كانت كلمة المرور عيد ميلادها هي وقيس خوها ، لقات القلادة لبستها ، دورت وجها قابلتها صورتو ، شافت معاه لثواني ، قربت ليه وقالت .
وتين : شحال تمنيت نكونو عايشين حياة عادية ، شحال تمنيتك ديما جنبي ، تنقذني من الدنيا ماشي تصعبها عليا ، بابا نتا خذيت الطريق الخطأ ، الطريق الي جامي نخلي ولادي يكونو عليها ، راحا نحافظ عليهم ونحميهم ونمدلهم كلشي حتاجتو انا ، قدم ليها من اللور وحضنها .
آسر : انشالله ا حبي انشالله .
_______
عند هيا وهشام :
ناعس حداها ، وهو يشوف فيه بعينيه الصغرونات ، وكأنو يغير فيه ، يحضن فيها ويحاول يبوس فيها مع أنو ميعرفش ، فجاة نطق .
هشام : ااااه لالا بزاااف.
عباه من حضنها وهي داهشة فيه وحطو في سريرو .
هيا : واش تعمل خلي الولد ناعس معايا .
هشام : بلاصتو في فراشو ماشي في،حضنك.
هيا : هههه تغير من ولدك ؟
هشام : ايه عندك مشكلة ؟
هيا : هههه جيبو جيبو ،راهو بدا يذبل في عينيه .
رفعو من بلاصتو ومدهولها ، نعستو بينهم وهي تضحك وتشوف فيهم ، كمية الشبه الي بينو وبين بوه بزااف كبيرة ، تبسمت وحمدت ربي على النعمة الي مدهالها .
_________
عند عاطف :
مقابل لبحر ، وفي يدو رسالتها ، يشوف مع بنتو كيفاش تقفز وتلعب بالرمل ، تبسم من قلبو وقال وهو يكلم خيالها .
عاطف: شفتي بنتك شحال حلوة . سامحيني حبي راني بزاف فرحان بيها ، سامحيني راكي عارفة انو موتك قتلني ، راني غير واقف على جالها ، لوكان تشوفيها كيفاش تضحك ، كيفاش ذيك الفوساث تبان في خدها الصغرون ، وإذا بكات ، نولي نشوف فيك قدامي ، لوكان تشوفيها وهي تحاول تقولي كلمة بابا ، وساعات تقول كلمة ماما ، هههه كلشي فيها نسخة منك ،
توقف لدقايق وحط لغناية الي يحسها تعبر على واش في قلبو .
{لو كان تشوفي بنتك شحال شابهاك
نفس النوطة ديال الصوت لي عندك
ملي كاتبكي كانسمعك ملي كاتضحك انا كانتفكرك
كان نفسي تسمعيها كيف كاتقول بابا
يا ريت لو كنتي معانا وبيننا دابا
سامحيني فرحان بيها بسيف مني
كانبان واقف وانا موتك هزمني
الفراق ماجا منك ولا مني
ماكاش من غيرك لي تكملني
وانا عارف الموت خدلني
وحبيبتي عارفاني حسن مني
انا هديتك قلبي صبرني يا ربي
{Passé Jamais يتنسا ولو يجيو منك خمسة
