အခန်း ၁၈ ရေထဲကျသွားခြင်း
တစ်ယောက်ယောက်က ရေကန်ထဲကို ပြုတ်ကျခဲ့တာလား။ ထန်ရှီးရှီး၏ အမူအရာပြောင်းသွားပြီး ရန်ယွိကျင်ကို လျစ်လျူရှုကာ အခင်းဖြစ်ပွားရာသို့ ပြေးသွားခဲ့သည်။ ကျန်သုံးယောက်ကလည်း အပြောင်းအလဲရှိမှန်း သိသဖြင့် အမြန်လိုက်ရန် ပြင်လိုက်ကြသည်။
ထန်ရှီးရှီး ရဲ့ ပင်ကိုယ် အတွေးက မှားနေသည်။ လုယိဖေးက ရေကန်ဘေးတွင် ရပ်ကာ စိုးရိမ်တကြီး အော်နေသည်။ ထန်ရှီးရှီးကို တွေ့သောအခါ သူမက "မိန်းခလေးထန်.... ဒီမှာ ရေကူးနိုင်တဲ့သူရှိလား...ကျွန်မရဲ့ တတိယညီမက ရေမကူးတတ်ဘူး "
ထန်ရှီးရှီးက အမျိုးသမီးငယ်များ အနားယူရန် အဆောင်သို့ ပြေးသွားပြီးနောက် တစ်ယောက်ယောက်က လမ်း၏အစွန်းမှာ ချော်သွားပြီး ရေထဲသို့ ပြုတ်ကျနေသည်ကို တွေ့လိုက်ရသည်။ အခုနပဲ "မိန်းခလေးလု" လို့ ခေါ်သံ ကြားခဲ့ရသည်။ ထန်ရှီးရှီးက လုယိဖေးလို့ထင်ခဲ့ပေမဲ့ လုယိကျီပဲ ဖြစ်နေသည်။
လုယိဖေးသည် အနောက်မြောက်အရပ်တွင် ကြီးပြင်းခဲ့ပြီး ရေမကူးနိုင်ပေ။ လုမိသားစုမှ အိမ်အကူများ အားလုံးသည်လည်း ရေကူးသမားများ မဟုတ်ကြပေ။ ထိုအချိန်တွင် ရေထဲသို့ကျသွားသော လုယိကျီသည် အကူအညီတောင်းရန် ရုန်းကန်ရင်း နစ်မြုပ်တော့မည်ဖြစ်သည်။
ထန်ရှီးရှီးက မြေပြင်ပေါ်ရှိ ခြောက်သွေ့သော ကျောက်စရစ်လမ်းကို ကြည့်လိုက်ပြီးနောက် ရေထဲမှ လုယိကျီကို ပြန်ကြည့်လိုက်ပြီး မျက်ခုံးများ အနည်းငယ် ပင့်သွားသည်။
လောကမှာ ဒီလို တိုက်ဆိုင်မှုမျိုး ရှိပါလို့လား။ ကျင့်ဝမ်က လုယိဖေးကို ရှီဇီဖေး ဖြစ်စေချင်ကြောင်း သူတို့ ခုနက သိလိုက်သည်။ ခု အခြားမိခင်မှမွေးသော လုယိဖေး၏ ညီမက ကျင့်ဝမ်စံအိမ်ရှိ ရေထဲသို့ပြုတ်ကျသွားသည်။ ရေကန်ဘေးကလမ်းက သွားလာရ မလွယ်ကူပေမယ့် ကျင့်ဝမ်အိမ်တော်က လမ်းက ကျောက်တုံးတွေက ခိုင်ခံ့လွန်းလှသည်။
မနေ့ညက မိုးမရွာလို့ အခုလမ်းက ခြောက်ကပ်နေသည်။ သူမ ဘယ်လို ပြုတ်ကျနိုင်မှာလဲ။
ESTÁS LEYENDO
ဧကရီမယ်တော်ဖြစ်ရတာက ပိုကောင်းတယ်
Ficción históricaMyanmar Translation of " It's Better to be the Empress Dowager" 135 Chapters + 8 extras Crd September Flowing Fire 九月流火 T/Notes:::FMLက strong မဖြစ်ပါဘူး အကျင့်ကလဲVL သာသာ...
