ဧကရီမယ်တော်ဖြစ်ရတာက ပိုကောင်းတယ်

Ch-53

အခန်း ၅၃ စွဲလမ်းမှု

ဒီလို နှင်းတွေ ထူထပ်နေတဲ့အချိန်မှာ အပြင်ထွက်မယ်ဆိုတာက ပေါ့ပေါ့ပါးပါး စကားပြောရုံနဲ့တင် မပြီးဘူး။ ထန်ရှီးရှီးအတွက် အဝတ်အစားတွေ လဲပေးရင်း တုကျင်းက မကျေမနပ်ဖြစ်နေပြီး "သခင်မလေး... လူတွေကို ကယ်တင်ဖို့ တောင်ပေါ်တက်ရတာ လွယ်တဲ့အလုပ်တော့ မဟုတ်ဘူးနော်... ဝမ်ရယ် အကူအညီနဲ့ ရှီဇီ နဲ့ ရှီဇီဖေးက အဆင်ပြေသွားမှာပါ... သခင်မလေးက တကယ်စိုးရိမ်ရင် အိမ်တော်ကြီးထဲမှာ ဗုဒ္ဓကျမ်းဂန်တွေကို ရွတ်ဖတ်နိုင်တယ်လေ... ဘာလို့ အပြင်ကို လိုက်သွားမှာလဲ"

ထန်ရှီးရှီးက ဂရုမစိုက်ဘဲ "ပြောမနေနဲ့တော့... ငါ့မှာ ကိုယ်ပိုင်ဆုံးဖြတ်ချက်ရှိတယ်... ငါ ဒီမှာနှစ်ရက်မရှိရင် မင်းက တံခါးကိုစောင့်ပြီး မြေခွေးလေး လျောက်မပြေးအောင် ကြည့်ထားပေး "

တုကျင်းသည် ဖြစ်နိုင်သမျှ နည်းလမ်းတိုင်းတွင် တွန့်ဆုတ်နေသော်လည်း နောက်ဆုံးတွင် သူမလိုက်နာရန်ကလွဲ၍ ရွေးချယ်စရာမရှိပေ။ ထန်ရှီးရှီးက အင်္ကျီအထူကို ၀တ်ထားပြီး အပြင်ကို ထွက်သွားသည်။ ခန်းဆီးကို ဖွင့်လိုက်သည်နှင့် လေပြင်းက ဝါးမြိုခြင်း ခံလိုက်ရသည်။

ထန်ရှီးရှီးက လေကြောင့်လွင့်ပါးလုနီးပါးဖြစ်သွားပြီး ခဏလောက်တုံ့ဆိုင်းသွားသည်။ ယခုတော့ အားလုံးပြေလည်သွားသောအခါတွင် အမျိုးသားဇာတ်ဆောင်နှင့် အမျိုးသမီးဇာတ်ဆောင်အကြား အရာရာပြေလည်သွားပြီး ကျိုးရွှင်းဟွာသည် အမျိုးသမီးဇာတ်ဆောင်ဖြစ်ကြောင်း မီးမောင်းထိုးပြ နေသည်။ ယခုတော့ ထန်ရှီးရှီးက အတိတ်ကို ပြန်မပြင်နိုင်ဘဲ သူမကိုယ်သူမ အခက်အခဲများနှင့် ကြုံတွေ့စေခဲ့ရသည်။ ထန်ရှီးရှီးက ခဏမျှ တုန်လှုပ်သွားသော်လည်း သူမ သွားများကို တင်းတင်းစေ့ကာ အဆုံးတွင် ရှေ့သို့ ဆက်သွားခဲ့သည်။

ပြင်ဆင်ထားသူများအတွက်တော့ အခွင့်အလမ်းတွေက သီးသန့်ရှိနိုင်ပါသေးသည်။ သူမက အရမ်းလွဲနေခဲ့တာလေ။ အခုအချိန်မှာ ပြင်ဆင်စရာဘာမှမရှိဘူး၊ သူမက ကျိုးရွှင်းဟွာရဲ့ လုပ်ဆောင်မှုအားလုံးအပြီးမှာပဲ‌ရောက်သွားနိုင်တော့မည်။