ဧကရီမယ်တော်ဖြစ်ရတာက ပိုကောင်းတယ်

Ch-83

အခန်း ၈၃ ထန်မိသားစု

ထန်ရှီးရှီး၏ သက်ပြင်းသည် သိသိသာသာ ပျော့ပြောင်းတိုးညင်းနေသည်။ သက်ပြင်းချပြီးနောက် သူမသည် မသင့်လျော်ကြောင်း သတိပြုမိပြီး အခြားသူများကို အမြန်ကြည့်လိုက်သည်။ ကံကောင်းထောက်မစွာ၊ ကျောက်ချန်ကျွင်းနှင့် ဖုန်းမော့မော့တို့သည် ကျင့်ဝတ်များကို ဆွေးနွေးနေကြပြီး သူမ၏ လှုပ်ရှားမှုကို သတိမထားမိခဲ့ကြပေ။

ထန်ရှီးရှီး တိတ်တိတ်ဆိတ်ဆိတ် သက်သာရာရသွားသည်။ သူမ၏မိဘများနှင့် ဆွေမျိုးများက သူမ၏မင်္ဂလာပွဲကို မတက်ရောက်နိုင်ခဲ့သည့်အတွက် စိတ်မကောင်းဖြစ်ခဲ့ရသော်လည်း သူမ၏အနာဂတ်နှင့် နှိုင်းယှဉ်ပါက ထိုနောင်တများသည် အမှန်တကယ်ပင် အရေးမပါလှပေ။ ဧကရီမယ်တော်ကြီး နှင့်ကျင့်ဝမ်တို့သည် သူမအား ယုံကြည်လိုစိတ်ရှိကြသည်မှာ ထူးထူးဆန်းဆန်း ဖြစ်သော်လည်း ဤနူးညံ့သိမ်မွေ့သော ချိန်ခွင်လျှာသည် အလွန်နုနယ်လွန်းပြီး သူမ သတိမထားပါက အရာအားလုံးဆုံးရှုံးသွားမည်ဖြစ်သည်။ ထန်ရှီးရှီးက သူမ၏ နောက်ခံကိုပင် ဂရုမစိုက်နိုင်သောကြောင့် မင်္ဂလာပွဲ၌ သူမ၏ နာမည်ဂုဏ်သတင်းကိုသာ ဂရုစိုက်ရန် အရည်အချင်းပြည့်မီပြီး သူမ၏မိဘများက မင်္ဂလာဆောင်တွင်မရှိနိုင်ခြင်းကို လက်လွှတ်လိုက်ခြင်းပင်ဖြစ်သည်။

ထန်ရှီးရှီးက သူတော်ကောင်းတစ်ယောက်မဟုတ်ပေ။ သူမက ဒါကို သိလိုက်ပြီးနောက်တွင် သူမသည် ဤကိစ္စကို အလျင်အမြန်ပယ်ချလိုက်ပြီး အနာဂတ်အစီအစဉ်များကို စိတ်နှလုံးအကြွင်းမဲ့ တွေးနေမိသည်။

ကျောက်ချန်ကျွင်းနှင့် ဖုန်းမော့မော့တို့သည် အသေးစိတ်အချက်အလက်များကို လျင်မြန်စွာ ဆွေးနွေးခဲ့ကြပြီး ရက်စွဲကိုပင် အပြီးသတ်ခဲ့သည်။ ကျောက်ချန်ကျွင်းက ထန်ရှီးရှီးအား "ကိုးလရဲ့ နှစ်ဆယ့်ခုနစ်ရက်က အိမ်ထောင်ပြုဖို့ သင့်တော်တယ်... မင်းရော ဘယ်လိုထင်လဲ?"

ထန်ရှီးရှီးမှာ ဘယ်လို ထင်မြင်ချက်မျိုး ရှိနိုင်မလဲ။ သူမက သဘာဝအတိုင်း ခေါင်းညိတ်လိုက်ပြီး " ဝမ်ရယ် ပြောတာ အရမ်းကောင်းပါတယ်... အဲ့ဒီ​နေ့အတွက်​ပဲ စီစဉ်​လိုက်​ပါ"