အခန်း ၁၀၂ ဇနီးနှင့်ကလေး
အပြင်မှာ မိုးက ဖွဲဖွဲလေး ဖြစ်နေပြီး ထီးမပါရင်လဲ ကိစ္စမရှိပါဘူး။ ထန်ရှီးရှီးက တုကျင်းကို ဆုတ်ခွာရန် စေခိုင်းခဲ့သည်။ သူမ အပေါ်ဝတ်ရုံကို ဆွဲစေ့လိုက်ပြီး ကျောက်ချန်ကျွင်းဆီသို့ ပြေးသွားကာ " ဝမ်ရယ်. "
ထန်ရှီးရှီး ထီးမပါဘဲ သူ့နောက်ကို လိုက်လာနေတာကို မြင်လိုက်ရတော့ ကျောက်ချန်ကျွင်းရဲ့ မျက်နှာက အလိုမကျဖြစ်သွားပြီး "အဆင်အခြင်မဲ့လိုက်တာ... ထီးက ဘာလို့ ယူမလာတာလဲ?"
"ထီးက ရှုပ်လွန်းတယ်... မိုးစဲနေပြီ... ထီးမရှိရင်လဲ ကိစ္စမရှိပါဘူး " ထန်ရှီးရှီးက ကျောက်ချန်ကျွင်းကို အမှီလိုက်ကာ ကျောက်ချန်ကျွင်းကို သဘာဝအတိုင်း မှီ လိုက်သည်။ ကျောက်ချန်ကျွင်းက မိုးရေကို တားဆီးရန် သူ့လက်ကို ဆန့်ထုတ်ရန်မှတပါး ရွေးချယ်စရာမရှိပေ။
သူသည် သန်မာကြံ့ခိုင်ပြီး မိုးရေထဲသွားလျှင် အရေးမကြီးသော်လည်း ထန်ရှီးရှီးက ဒါကိုဘယ်လိုလုပ်နိုင်မလဲ။ ထန်ရှီးရှီးက ကျောက်ချန်ကျွင်းကို မှီပြီး "ဝမ်ရယ် မပျော်ဘူးလား?"
"ကိုယ် ပျော်နိုင်ပါ့မလား" ကျောက်ချန်ကျွင်းက ဆိုးရွားတဲ့လေသံနဲ့ပြောလိုက်သည်။ "သူက မိန်းမတွေရဲ့ ဆွဲဆောင်မှုကို စွဲလန်းနေပေမယ့် အမှားအမှန်ကို ရှင်းရှင်းလင်းလင်း သိနေသေးတယ်လို့ ကိုယ်ထင်ခဲ့တာ... ခုတော့ ကိုယ် သူ့ကို လွန်ကဲပြီး တွေးနေမိပုံရတယ်"
ထန်ရှီးရှီးက မျက်လုံးပြူးပြီး ဖြည်းညှင်းစွာဖြင့် "ကျိုးရွှင်းဟွာက ရှီဇီဖေးထက် သုံးလလောက်စောပြီး ရှီဇီနဲ့ အတူရှိခဲ့တာ... ဝမ်ရယ်သာ ဝင်မပါခဲ့ရင် ရှီဇီ အမြဲတမ်းလက်ထပ်ချင်သူက သူ(မ) ပါပဲ "
ကျောက်ချန်ကျွင်းက ထန်ရှီးရှီးကို ငုံ့ကြည့်ကာ အေးစက်စွာ ဆူပူကြိမ်းမောင်းလိုက်သည်။ "မင်း ဘယ်ဘက်ကလဲ"
"ဟုတ်ပါပြီ၊ ကျွန်မက ဝမ်ရယ်ဘက်က အမြဲနေတယ်" ထန်ရှီးရှီးက ဣန္ဒြေရှိစွာ တုံ့ပြန်ခဲ့သည်။ "ရှီဇီက အမျိုးသမီးတွေရဲ့ ဆွဲဆောင်မှုအားကြောင့် ရှုပ်ယှက်ခတ်နေရုံကလွဲပြီး အရာအားလုံးမှာ ထူးချွန်ပါတယ်... ဘာပဲဖြစ်ဖြစ်... ရှီဇီက နောက်ဆိုရင် ဒီမင်းသားအိမ်တော်ကို အမွေဆက်ခံရမှာဖြစ်ပြီး သူက အနောက်မြောက်ဘက်မှာ အကြီးဆုံးဖြစ်လာမယ်... တခြားဘာတွေ စိတ်ပူနေမလဲ... သူမိန်းမတွေအကြောင်းနဲ့ ရှုပ်နေရင်တောင် သူက ဧကရာဇ်မဟုတ်သလို မိန်းမတွေရဲ့ ဆွဲဆောင်မှုကလည်း တိုင်းပြည်ကို ထိခိုက်မှာကို ကြောက်နေစရာမလိုဘူးလေ "
VOUS LISEZ
ဧကရီမယ်တော်ဖြစ်ရတာက ပိုကောင်းတယ်
Fiction HistoriqueMyanmar Translation of " It's Better to be the Empress Dowager" 135 Chapters + 8 extras Crd September Flowing Fire 九月流火 T/Notes:::FMLက strong မဖြစ်ပါဘူး အကျင့်ကလဲVL သာသာ...
