ဧကရီမယ်တော်ဖြစ်ရတာက ပိုကောင်းတယ်

Ch-82

အခန်း ၈၂ ပြဿနာကို နှိုးဆော်ခြင်း

ထန်ရှီးရှီးက ခေါင်းငုံ့ပြီး ပြုံးလိုက်ကာ "ရှီဇီဖေးရဲ့ စကားလုံးတွေက အတွေးခေါင်လွန်းနေတယ်... လောကကြီးရဲ့ မိဘတွေကို ငါ စာနာမိသွားပြီ... ဒီကမ္ဘာကြီးမှာ အရာအားလုံးကို မျိုးဆက်ဟောင်းတွေက နောင်လာနောက်သားတွေအတွက် ပေးဆပ်ခဲ့ကြတယ်... မျိုးဆက်သစ်တွေက လူကြီးတွေကို လျော်ကြေးပေးတာကို မြင်ဖူးလို့လား... ရှီဇီဖေးက အရင်ကတည်းက ငါ့မြေခွေးလေးကို တခြားသူတွေက နာကျင်အောင်လုပ်စေပြီး အရင်ဝမ်ဖေးလောင်းရဲ့ အမေနဲ့ ညီမကို ငါ့ကို သွန်သင်ညွှန်ပြပေးဖို့ အိမ်ကြီးဆီ လာခိုင်းပေမယ့် နောက်ဆုံးမှာတော့ ဒဏ်ရာမပြင်းထန်လို့ ရှီဇီဖေးနဲ့ အဲ့ကိစ္စကို ဇာချဲ့နေမှာ မဟုတ်ဘူး... ငါ၊ ဝမ်ဖေးက နိမ့်ကျတဲ့ နောက်ခံရှိပြီး အခြားသော မြင့်မြတ်ပြီး ချမ်းသာတဲ့ မိသားစုက သမီးတွေထက် နိမ့်ကျတယ်လေ... အရမ်းကြီး မမျှော်လင့်ထားပါဘူး... ရှီဇီဖေးနဲ့ ရှီဇီ စည်းလုံး ညီညွတ်နေသမျှ ဝမ်ရယ်က ကျန်းမာရေးကောင်းနေပြီး အိမ်တော်ကလည်း စည်းလုံးညီညွတ်ပြီး သာယာနေမှာပါ "

ထန်ရှီးရှီးက သူမ ဇာချဲ့မှာမဟုတ်ဘူးလို့ ပြောပေမယ့် သူမရဲ့စကားတွေက တကယ်ကို ဇာချဲ့နေခဲ့သည်။ လုယိဖေးက အေးစက်စက် ချွေးတွေထွက်လာပြီး "ဝမ်ဖေး စိတ်အေးအေးထားပါ... ကျွန်မက ဝမ်ဖေးကို လျစ်လျူမရှုဝံ့ပါဘူး... အရင်က အရာအားလုံးက နားလည်မှုလွဲခဲ့တယ်... မြေခွေးက ဒုတိယမိန်းခလေးရှီရဲ့လက်ကို ကုတ်မိတဲ့အတွက် မတော်တဆ ထိခိုက်မိပြီး ရှီမိသားစုကို ရှင်းပြဖို့ မရှောင်လွှဲနိုင်ပါဘူး... နောက်တော့ သူတို့ကို ဧည့်သည်အဖြစ်လာဖို့ ဖိတ်ခေါ်လိုက်တာက သူတို့ရဲ့ စေတနာ ရည်ရွယ်ချက်တွေကို ငြင်းဖို့ ခက်လွန်းလို့ပါ "

ထန်ရှီးရှီးက ရယ်နေပြီး "အိုး! ဒါဆို ရှီဇီဖေးလုပ်သမျှက တခြားရွေးချယ်စရာမရှိလို့ပဲ... အရာအားလုံးကို ရှီမိသားစုက ခိုင်းစေခဲ့တာလား"

လုယိဖေးက ခေါင်းညိမ့်လိုက်သည်။ တာဝန်ရှောင်ခြင်းသည် အလွန်စက်ဆုပ်ဖွယ်ကောင်းကြောင်း သူမ သိသော်လည်း ကျောက်ချန်ကျွင်းက သူမရှေ့တွင် ထိုင်နေခဲ့သည်။ လုယိဖေးက ဘယ်လို ဖြေဝံ့မှာလဲ။ မည်သို့ပင်ဖြစ်စေ ကျင့်ဝမ်သည် ရှီမိသားစုကို မုန်းတီးခဲ့ပြီး ရှီမိသားစုအား အိမ်တော်ထဲသို့ ထပ်မံ ဝင်ရောက်ခွင့်မပြုတော့ပေ။ အနာဂတ်တွင် ရှီယွမ်ချူသည် ကျင့်ဝမ်ကို မြင်ရန် အခက်အခဲရှိနိုင်သည်။ ဤကိစ္စတွင်၊ ရှီယွမ်ချူသည် အပြစ်တင်ခံရလဲ သူမအတွက်ဘာမှ မဟုတ်ပေ။ထို့အပြင်၊ ထိုအရာများကို မူလက ရှီယွမ်ချူမှ စတင်ခဲ့သောကြောင့် ထိုအရာများကို ရှီယွမ်ချူထံ ပြန်လွှဲပေးသင့်သည်။