ဧကရီမယ်တော်ဖြစ်ရတာက ပိုကောင်းတယ်

Ch-49

အခန်း ၄၉ ယောက္ခမ

လုယိဖေးနှင့် ကျောက်ဇီရှင်းတို့သည် စာဖတ်ခန်းမှ အတူတူထွက်သွားကြပြီး လမ်းတစ်ဝက်တွင် ကျောက်ဇီရှင်းက သီးခြား ထွက်ခွာသွားခဲ့သည်။

လုယိဖေးက သူမခံစားချက်တွေကို ထိန်းထားလိုက်သည်။ ရိနင်ခြံဝင်းကို ပြန်ရောက်သောအခါ သူမ သည်းမခံနိုင်တော့ဘဲ လက်မှာကိုင်ထားသော လက်နွေးမီးဖိုကို မြေပေါ်သို့ ပစ်ချပေါက်ခွဲလိုက်သည်။

မီးသွေးသည် လက်နွေးမီးဖိုထဲတွင် တောက်လောင်နေဆဲရှိပြီး ကျယ်လောင်သော ပေါက်ကွဲသံနှင့်အတူ မြေပြင်ပေါ်သို့ ပြုတ်ကျကာ မီးပွားများ နေရာအနှံ့ ပြန့်ကျဲနေသည်။ ခန်းဝင်အဖြစ်ပါလာသောအစေခံသည် အံ့အားသင့်သွားပြီး " ရှီဇီဖေး... စိတ်အေးအေး ထားပါ... ရှီဇီဖေးရဲ့ ခန္ဓာကိုယ်က အဖိုးတန်ပါတယ်... ဒေါသဖြစ်ရတာ မတန်ပါဘူး "

ခန်းဝင်အဖြစ်ပါလာသောအစေခံက လုယိဖေး ပျော်ရွှင်အောင် ကြိုးပမ်းနေပြီး အခြားအစေခံများက မြေပြင်ပေါ်မှ မီးသွေးအပိုင်းအစများကို ငြိမ်သက်စွာ ငုတ်တုတ်ထိုင်ပြီး သိမ်းဆည်းနေကြသည်။ လုယိဖေး၏ ဆိုးရွားသောစိတ် အခြေအနေ ပိုဆိုးလာမည်ကို စိုးရိမ်သောကြောင့် လူတိုင်း တိတ်ဆိတ်နေခဲ့သည်။ လုယိဖေးက ခဏတာ စိတ်ဆိုးနေပြီး နောက်ဆုံးတွင် စိတ်အေးသွားကာ "ရှီဇီ ဘယ်ရောက်သွား တာလဲ"

"ရှီဇီက စာကြည့်ခန်းငယ်လေးထဲမှာ... အခုတော့ ပထမလက မပြီးသေးပေမယ့် ရှီဇီက စာသင်ခန်းကိုသွားပြီး စာကျက်ဖို့ အစပျိုးနေတယ်... သူက တကယ်ကို လူကြီးလူကောင်းဖြစ်ပြီး ထက်မြက်ပြီး သင်ယူလိုစိတ်ပြင်းပြသူပါ... ရှီဇီဖေးက မြင့်မြတ်ပြီး စိတ်အားထက်သန်တဲ့ ခင်ပွန်းနဲ့ လက်ထပ်ထားရတယ်... အပြင်ကလူတွေ ဘယ်လောက်တောင် မနာလိုနေမလဲ မသိနိုင်ဘူး... ရှီဇီဖေးက ကိုယ့်ကျန်းမာရေးကို ဂရုစိုက်ပြီး ရှီဇီနဲ့ ကောင်းမွန်စွာနေထိုင်ရမယ်လေ... တခြားသူတွေက ရှီဇီဖေးကို ဟာသအဖြစ် မမြင်ပါစေနဲ့ "

ကျောက်ဇီရှင်းသည် စာသင်ခန်းငယ်လေးတွင် ရှိနေကြောင်း သူမ ကြားလိုက်သောအခါ လုယိဖေး၏ဒေါသတွေက ပြေလျော့သွားသည်။ ဒါပေမယ့် လုယိဖေးက ရုတ်တရက် တစ်ခုခုကို တွေးပြီး အံ့အားသင့်သွားပြီး "စာကြည့်ခန်းထဲမှာ ဘယ်သူရှိသေးလဲ"