အခန်း ၆၈ ဒေါသ
ဘဏ္ဍာစိုးက ချုံပုတ်ထဲမှ မြေခွေးလေးကို ဖမ်းရန် ခြံအလယ်တွင် ရှိနေသည်။ သူက အသံကြားတော့ လှည့်ကြည့်လိုက်ပြီး "ထန်သခင်မလေး?"
ထန်ရှီးရှီးက သူမ၏စကတ်ကို ရုတ်သိမ်းရင်း အနီးကပ်ပြေးလာခဲ့သည်။ သူမက ပိုကြည့်လေ ပိုကြောက်စရာကောင်းလေ ဖြစ်လာသည်။ အစေခံငယ်များ၏ လက်ထဲမှာ ထန်ရှီးရှီးရဲ့ လက်မောင်းလောက်ရှိသော တုတ်ချောင်းများကို ကိုင်ထားသည်။ ဘဏ္ဍာစိုး၏ လက်ထဲတွင် သံကြိုးမျှင်ကောင်းများဖြင့်လုပ်ထားသော တိရစ္ဆာန်ကျော့ကွင်းကို ကိုင်ထားသည်။ မြေပြင်ပေါ်တွင် တိရစ္ဆာန်ထောင်ချောက်များစွာ ပြန့်ကျဲနေပြီး အောက်ခြေတွင် သံသယဖြစ်ဖွယ် အနက်ရောင် အစွန်းအထင်းများ ဖုံးလွှမ်းနေသည်။
ထန်ရှီးရှီးက အလွန်ထိတ်လန့်သွားသဖြင့် သူမ၏မျက်နှာသည် ချက်ချင်းအေးစက်သွားကာ ဒေါသတကြီးဖြင့် "ရဲတင်းလိုက်တာ... မြေခွေးလေးကို ငါ မွေးမြူထားတာ... သူက အရိုင်းအစိုင်းမဟုတ်ဘူး... တစ်ခုခုရှိရင် ငါ့ဆီလာခဲ့လေ... လူလိုနားမလည်နိုင်တဲ့ မြေခွေးတစ်ကောင်အတွက် မင်းတို့ဘာကြောင့် အခက်အခဲတွေ လုပ်နေတာလဲ"
ထန်ရှီးရှီးက မြေခွေးတစ်ကောင်ကို မွေးမြူခဲ့သည်မှာ အိမ်တော်ထဲတွင် လျှို့ဝှက်ချက် မဟုတ်ပေ။ ကျင်ကျားဝင်းထဲမှာ ဘိုးဘေးနှစ်ခုရှိတယ်ဆိုတာ လူတိုင်းသိသည်။ တစ်ခုမှာ ဝမ်ရယ်၏ရှေ့တွင် အရေးကြီးသော မိန်းမပျိုထန်ဖြစ်ပြီး ကျန်တစ်ခုမှာ ထန်မိန်းခလေး မွေးမြူရန် ဝမ်ရယ်က အမဲလိုက်ကွင်းမှ ပြန်လည် ခေါ်ဆောင်လာသော မြေခွေးနီ ဖြစ်သည်။
မြေခွေးလေး အရင်တုန်းက ထွက်ပြေးဆော့ကစားချိန်မှာတော့ ဒီအိမ်တော်ထဲက လူတွေက ထန်ရှီးရှီးမွေးမြူထားတဲ့ အိမ်မွေးတိရိစ္ဆာန်လေးမှန်း သိကြပြီး ခက်ခဲတဲ့အရာတွေကို ဘယ်သူမှ မလုပ်ရဲကြဘူး။ မြေခွေးလေးသည် အိမ်တော်ထဲတွင် ချောမွေ့စွာ ကြီးပြင်းလာခဲ့သည်။ ထန်ရှီးရှီး၊ တုကျင်းနှင့် အခြားသူများတွင် အခြားလုပ်စရာများရှိသည်။ မြေခွေးငယ်သည် အချိန်အတန်ကြာ ဒုက္ခမပေးသည်ကို မြင်လိုက်ရသောကြောင့် ကြီးကြပ်မှုအတွက် တင်းကျပ်မှုလျော့နည်းသွားပြီး မြေခွေးလေးကို စိတ်အလိုအလျောက် လှုပ်ရှားရန် အပြင်သို့ ထွက်သွားခွင့်ပေးထားကြသည်။
أنت تقرأ
ဧကရီမယ်တော်ဖြစ်ရတာက ပိုကောင်းတယ်
أدب تاريخيMyanmar Translation of " It's Better to be the Empress Dowager" 135 Chapters + 8 extras Crd September Flowing Fire 九月流火 T/Notes:::FMLက strong မဖြစ်ပါဘူး အကျင့်ကလဲVL သာသာ...
