အခန်း ၁၂၅ ဧကရာဇ်မင်းသေဆုံးခြင်း
ဧကရာဇ်ငယ်လေး ကွယ်လွန်သွားခဲ့ပြီ။ ထန်ရှီးရှီးက ရုတ်တရက် စိတ်ရှုပ်ထွေးသွားပြီး သူမ၏နောက်ကွယ်မှ အသံများကို လုံးဝမကြားရတော့ပေ။ အိမ်အစေခံတွေကလည်း ထိတ်လန့်တကြားနဲ့ " ဝမ်ဖေး အခု ဘာလုပ်ရမလဲ"
အခု ဘာလုပ်ရမလဲ။ ထန်ရှီးရှီးလည်း အခု ဘာလုပ်ရမလဲ သိချင်နေပြီ။ သူမ ကိုယ်တိုင်လည်း မသိခဲ့ပါဘူး။ သို့သော် ယခု သူမသည် ဝမ်ဖေးဖြစ်ပြီး ကျင့်ဝမ်အိမ်မှာ မရှိသည့် အချိန်တွင် သူမသည် မင်းသားအိမ်တော်တစ်ခုလုံး၏ ကျောရိုး ဖြစ်ကြောင်း ထန်ရှီးရှီးက သိထားပြီး သူမ လုံးဝ အထိတ်တလန့်ပြ၍ မရပါ။ ထန်ရှီးရှီးက အသက်ပြင်းပြင်းရှူပြီး "လူတိုင်းကိုနိုးပြီး စုရုံးဖို့ ခေါ်ပါ... ဘယ်သူ့ကိုမှ အပြင်ကို ထွက်ခွင့်မပြုနဲ့... တံခါးကို သေချာစောင့်ပါ... နည်းနည်းလေး အဆင်မပြေတာရှိရင် ချက်ချင်း သတင်းပို့ပါ... အနီရောင်မီးပုံးတွေ၊ စက္ကူအနီဖြတ်စတွေ စတာတွေကို ဖယ်ရှားလိုက်ပါ... အဝတ်အစားတွေကို ရိုးရိုးအရောင် ပြောင်းဝတ်ကြပါ... လောလောဆယ်မှာ ဝမ်းနည်းဖွယ်အဝတ်အဖြစ် ပြောင်းလဲဖို့ မလိုအပ်သေးဘူး"
ဧကရာဇ်မင်းမြတ် ကွယ်လွန်ခြင်းသည် တိုင်းပြည်၏ ဈာပနဖြစ်ပြီး နိုင်ငံတစ်ဝန်းလုံးတွင် ဝမ်းနည်းခြင်းအဝတ်အစားများ ဝတ်ဆင်ကြသည်။ သူတို့သည် ဧကရာဇ်မိသားစုများဖြစ်သောကြောင့် ဝမ်းနည်းပူဆွေးခြင်းကို တင်းကြပ်စွာ လိုက်နာကြရမည်။ သတ်မှတ်ချက်များအရ ဧကရာဇ်နန်းတော်က ကွယ်လွန်ကြောင်း ကြေညာပြီးနောက်မှသာ အဝတ်အစားများ ပြောင်းလဲရမည်သော်လည်း ယခုအခါ သေဆုံးခြင်း၏ ခေါင်းလောင်းသည် မြည်ဟီးသွားပြီဖြစ်၍ ယင်းအရာများကို ကြိုတင်ပြင်ဆင်ထားနိုင်ပြီဖြစ်သည်။
ထန်ရှီးရှီး၏ လေသံသည် တည်ငြိမ်ပြီး စနစ်တကျ စီစဉ်ပေးနေသည်။ အစေခံများသည် ဤငြိမ်သက်ခြင်းမှ တဆင့် ကူးစက်ခံရပြီး ဖြည်းဖြည်းချင်း ငြိမ်သက်သွားကာ "ဟုတ်ကဲ့"
အိမ်အစေခံတွေက စီစဉ်ရန် ထွက်သွားသည်။ ထန်ရှီးရှီးက ကျောက်ဇီကောင်းကိုကြည့်ရန် အနောက်ခန်းသို့ ပြန်သွားခဲ့သည်။ နို့ထိန်းအစေခံသည် သာမန်အမျိုးသမီးတစ်ဦးဖြစ်ပြီး ဧကရာဇ်နန်းတော်ရှိ ခေါင်းလောင်းထိုးခြင်း၏ အဓိပ္ပါယ်ကို လုံးဝနားမလည်သော်လည်း စံအိမ်ရှိ လူများ၏အပြောအဆိုအရ တစ်စုံတစ်ခုမှားယွင်းနေကြောင်း သူမသဘောပေါက်ခဲ့သည်။
YOU ARE READING
ဧကရီမယ်တော်ဖြစ်ရတာက ပိုကောင်းတယ်
Historical FictionMyanmar Translation of " It's Better to be the Empress Dowager" 135 Chapters + 8 extras Crd September Flowing Fire 九月流火 T/Notes:::FMLက strong မဖြစ်ပါဘူး အကျင့်ကလဲVL သာသာ...
